（2020 nienz 5 nyied 28 hauh youq gwnz Gaiq Cibsam Daengx Guek Yinzminz Daibyauj Daihhoih Baez Hoih Daihsam doenggvaq）

Diuz goujbak itcib sam Bouxbaujguenj raen gij doxgaiq daenzcwk haeuj cang miz yiengh bienqcaet roxnaeuz deng sonjvaih wnq, haih daengz gij huqcang wnq caeuq cingqciengz baujguenj ne, wngdang coinaeuz bouxcwkhuq roxnaeuz boux gaemmiz feicang itdingh bae cawqceq. Aenvih saehcingz gaenjgip, bouxbaujguenj ndaej guh gij cawqceq gouqhaen neix; hoeng，gvaqlaeng wngdang gibseiz dawz gij cingzgvang neix naeuz hawj bouxcwkhuq roxnaeuz boux gaemmiz feicang rox.

Diuz goujbak itcib seiq Bouxnangqsaeh doiq aen geizhanh daenzcwk mbouj miz iekdingh roxnaeuz iekdingh mbouj cingcuj ne, bouxcwkhuq roxnaeuz boux gaemmiz feicang ndaej seizseiz lingx aeu huqcang, bouxbaujguenj hix ndaej seizseiz iugouz bouxcwkhuq roxnaeuz boux gaemmiz feicang lingx aeu huqcang, hoeng wngdang hawj gij seizgan caepcawq noix mbouj ndaej de.

Diuz goujbak itcib haj Daenzcwk daengz geiz, bouxcwkhuq roxnaeuz boux gaemmiz feicang wngdang baengh feicang、feihaeujcang lingx aeu huqcang. Bouxcwkhuq roxnaeuz boux gaemmiz feicang mauhgeiz lingx ok ne, wngdang gya sou cienzcangcwk; daezgonq bae lingx aeu, mbouj gemj sou cienzcangcwk.

Diuz goujbak itcib roek Daenzcwk daengz seiz, bouxcwkhuq roxnaeuz boux gaemmiz feicang mbouj lingx aeu huqcang, bouxbaujguenj ndaej coinaeuz de youq ndaw geizhanh hableix lingx ok, mauhgeiz mbouj lingx ne, bouxbaujguenj ndaej dingjdawz huqcang.

Diuz goujbak itcib caet Ndaw mboengq cwkcuengq, aenvih baujguenj mbouj ndei hawj huqcang deng dwkvaih、miedsaet ne, bouxbaujguenj wngdang rapdawz cwzyin dienzboiz. Aenvih gij singqcaet huqcang gag baenz yienghhaenx、baucang huqcang mbouj hab iekdingh roxnaeuz mauhgvaq mwh mizyauq cwkyo cix hawj huqcang bienqcaet、sonjvaih ne, bouxbaujguenj mbouj rapdawz cwzyin dienzboiz.

Diuz goujbak itcib bet Gij cieng neix mbouj miz gvidingh ne, habyungh gij gvidingh mizgven habdoengz baujguenj.

Cieng Ngeibcib Sam

Habdoengz Dakdoz

Diuz goujbak itcib gouj Habdoengz dakdoz dwg gij habdoengz bouxdakdoz caeuq bouxsouhdak iekdingh， youz bouxsouhdak banh gij hongsaeh bouxdakdoz.

Diuz goujbak ngeihcib Bouxdakdoz ndaej daegbied dak bouxsouhdak banh hangh hongsaeh ndeu roxnaeuz lai hangh hongsaeh， hix ndaej gyoebgyonj sojmiz hongsaeh dak hawj bouxsouhdak banh.

Diuz goujbak ngeihcib it Bouxdakdoz wng- dang gyau gij cienz banh gij saeh dakbanh gonq. Gij cienz bouxsouhdak deng demh bae banh gij saeh dakbanh de， bouxdakdoz wngdang boiz faenh cienz neix caemhcaiq hawj leihsik dem.

Diuz goujbak ngeihcib ngeih Bouxsouhdak wngdang ciuq gij cijsi bouxdakdoz bae banh gij saeh dakbanh. Danghnaeuz aeu gaijbienq gij cijsi bouxdakdoz ne， wngdang ginggvaq bouxdakdoz doengzeiq；danghnaeuz saehcingz gaenjgip， nanz ra raen bouxdakdoz ne， bouxdakdoz wngdang banh ndei gij saeh dakbanh， hoeng gvaqlaeng wngdang gibseiz bauq aen cingzgvang neix hawj bouxdakdoz rox.

Diuz goujbak ngeihcib sam Bouxsouhdak wngdang gag bae banh gij saeh dakbanh. Dangh- naeuz bouxdakdoz doengzeiq， bouxsouhdak ndaej cienj dak. Cienj dak ndaej daengz doengzeiq roxnaeuz gyaepnyinh ne， bouxdakdoz ndaej doiq gij saeh dakbanh cigsoh naeuz hawj bouxdaihsam deng cienj dak de， bouxsouhdak dan doiq senjyungh bouxdaihsam caeuq cijsi bouxdaihsam rap cwzyin. Danghnaeuz cienj dak lij caengz ndaej doengzeiq roxnaeuz gyaepnyinh， bouxsouhdak wngdang doiq gij saeh bouxdaihsam deng cienj dak neix rap cwzyin；hoeng， cawz ok youq mwh saeh gaenj bouxsouhdak vih henndei gij leih’ik bouxdakdoz cix aeu guh cienj dak.

Diuz goujbak ngeihcib seiq Bouxsouhdak wngdang ciuq gij iugouz bouxdakdoz， bauq gij yienghsaeh dakdoz. Mwh habdoengz dakdoz sat- dingz， bouxsouhdak wngdang bauq gij saeh dak- banh banh ndaej baenzlawz.

Diuz goujbak ngeihcib haj Bouxsouhdak aeu mingzdaeuz bonjfaenh， youq ndaw gvaengh boux- dakdoz hawj guh haenx caeuq bouxdaihsam dingh habdoengz， danghnaeuz bouxdaihsam youq mwh dingh habdoengz rox bouxsouhdak caeuq boux- dakdoz dwg gij gvanhaeh daihleix， aen habdoengz neix cigsoh hanhhaed bouxdakdoz caeuq boux- daihsam；hoeng， cawz ok miz baengzgawq cingq- mingz aen habdoengz neix dan hanhhaed boux- souhdak caeuq bouxdaihsam.

Diuz goujbak ngeihcib roek Mwh boux- souhdak aeu mingzdaeuz bonjfaenh caeuq boux- daihsam dingh habdoengz， bouxdaihsam mbouj rox bouxsouhdak caeuq bouxdakdoz dwg gij gvanhaeh daihleix， bouxsouhdak aenvih bouxdaihsam cix mbouj doiq bouxdakdoz hengz yivu， bouxsouhdak wngdang gangj hawj bouxdakdoz rox miz boux- daihsam， bouxdakdoz yienghneix ndaej hengz gij gienzleih bouxsouhdak doiq bouxdaihsam. Hoeng， cawz ok mwh bouxdaihsam caeuq bouxsouhdak dingh habdoengz danghnaeuz rox bouxdakdoz neix couh mbouj bae dingh habdoengz.

Bouxsouhdak aenvih bouxdakdoz cix doiq bouxdaihsam mbouj hengz yivu de， bouxsouhdak wngdang gangj hawj bouxdaihsam rox miz boux- dakdoz， bouxdaihsam yienghneix ndaej senj boux- souhdak roxnaeuz bouxdakdoz dangguh bouxdoxdoiq gangjaeu aen gienzleih de， hoeng bouxdaihsam mbouj ndaej gaijvuenh bouxdoxdoiq senjdingh.

Danghnaeuz bouxdakdoz hengz gij gienzleih bouxsouhdak doiq bouxdaihsam ne， bouxdaihsam ndaej yiengq bouxdakdoz gangjaeu de dingjbuek bouxsouhdak. Bouxdaihsam senjdingh bouxdakdoz dangguh bouxdoxdoiq ne， bouxdakdoz ndaej yiengq bouxdaihsam daezok de dingjbuek bouxsouhdak caeuq bouxsouhdak dingjbuek bouxdaihsam.

Diuz goujbak ngeihcib caet Gij caizcanj bouxsouhdak banh gij saeh dakbanh aeundaej， wngdang cienj gyau hawj bouxdakdoz.

Diuz goujbak ngeihcib bet Danghnaeuz bouxsouhdak banh caez gij saeh dakbanh， boux- dakdoz wngdang ciuq iekdingh hai cienz hawj bouxsouhdak.

Aenvih gij saehyouz loek mbouj youq boux- souhdak， gejcawz gij habdoengz dakdoz roxnaeuz banh mbouj caez gij saeh dakbanh ne， bouxdakdoz wngdang deng hawj geijlai cienz hawj bouxsouhdak cix aeu hawj geijlai. Danghnaeuz bouxnangqsaeh lingh miz iekdingh， ciuq gij iekdingh de guh.

第九百一十三条  保管人发现入库仓储物有变质或者其他损坏，危及其他仓储物的安全和正常保管的，应当催告存货人或者仓单持有人作出必要的处置。因情况紧急，保管人可以作出必要的处置；但是，事后应当将该情况及时通知存货人或者仓单持有人。

第九百一十四条  当事人对储存期限没有约定或者约定不明确的，存货人或者仓单持有人可以随时提取仓储物，保管人也可以随时请求存货人或者仓单持有人提取仓储物，但是应当给予必要的准备时间。

第九百一十五条  储存期限届满，存货人或者仓单持有人应当凭仓单、入库单等提取仓储物。存货人或者仓单持有人逾期提取的，应当加收仓储费；提前提取的，不减收仓储费。

第九百一十六条  储存期限届满，存货人或者仓单持有人不提取仓储物的，保管人可以催告其在合理期限内提取；逾期不提取的，保管人可以提存仓储物。

第九百一十七条  储存期内，因保管不善造成仓储物毁损、灭失的，保管人应当承担赔偿责任。因仓储物本身的自然性质、包装不符合约定或者超过有效储存期造成仓储物变质、损坏的，保管人不承担赔偿责任。

第九百一十八条  本章没有规定的，适用保管合同的有关规定。

第二十三章  委托合同

第九百一十九条  委托合同是委托人和受托人约定，由受托人处理委托人事务的合同。

第九百二十条  委托人可以特别委托受托人处理一项或者数项事务，也可以概括委托受托人处理一切事务。

第九百二十一条  委托人应当预付处理委托事务的费用。受托人为处理委托事务垫付的必要费用，委托人应当偿还该费用并支付利息。

第九百二十二条  受托人应当按照委托人的指示处理委托事务。需要变更委托人指示的，应当经委托人同意；因情况紧急，难以和委托人取得联系的，受托人应当妥善处理委托事务，但是事后应当将该情况及时报告委托人。

第九百二十三条  受托人应当亲自处理委托事务。经委托人同意，受托人可以转委托。转委托经同意或者追认的，委托人可以就委托事务直接指示转委托的第三人，受托人仅就第三人的选任及其对第三人的指示承担责任。转委托未经同意或者追认的，受托人应当对转委托的第三人的行为承担责任；但是，在紧急情况下受托人为了维护委托人的利益需要转委托第三人的除外。

第九百二十四条  受托人应当按照委托人的要求，报告委托事务的处理情况。委托合同终止时，受托人应当报告委托事务的结果。

第九百二十五条  受托人以自己的名义，在委托人的授权范围内与第三人订立的合同，第三人在订立合同时知道受托人与委托人之间的代理关系的，该合同直接约束委托人和第三人；但是，有确切证据证明该合同只约束受托人和第三人的除外。

第九百二十六条  受托人以自己的名义与第三人订立合同时，第三人不知道受托人与委托人之间的代理关系的，受托人因第三人的原因对委托人不履行义务，受托人应当向委托人披露第三人，委托人因此可以行使受托人对第三人的权利。但是，第三人与受托人订立合同时如果知道该委托人就不会订立合同的除外。

受托人因委托人的原因对第三人不履行义务，受托人应当向第三人披露委托人，第三人因此可以选择受托人或者委托人作为相对人主张其权利，但是第三人不得变更选定的相对人。

委托人行使受托人对第三人的权利的，第三人可以向委托人主张其对受托人的抗辩。第三人选定委托人作为其相对人的，委托人可以向第三人主张其对受托人的抗辩以及受托人对第三人的抗辩。

第九百二十七条  受托人处理委托事务取得的财产，应当转交给委托人。

第九百二十八条  受托人完成委托事务的，委托人应当按照约定向其支付报酬。

因不可归责于受托人的事由，委托合同解除或者委托事务不能完成的，委托人应当向受托人支付相应的报酬。当事人另有约定的，按照其约定。

（57 caengz sat）

（壮文稿由中国民族语文翻译局提供）