Bi 2023, Cauhbingz Yen dawz couqmaenh gij eiqsik caezcaemh Cunghvaz Minzcuz guh sienqmeh, gaenxmaenx ra roen moq、gaiqdap moq、fuengfap moq, doidoengh saehnieb minzcuz doxgiet baenaj cauhmoq hwngfat, sij ok bien moq coi gak minzcuz Cauhbingz doxgyau doxbaedauq doxyungz.

Cauhbingz Yen aeu fapgvi minzcuz bienbaenz saw iq yaenqfat, dawz cwngcwz lijlun minzcuz yungzhaeuj ndaw sonlienh ganbu bae, dazyinx gak yangh gak cin lienh cezmuz vwnzyi. Gyoengqde guh gaiqbanj langhbaij、fat swhliu、nem goujhau daengj, hawj fwnhveiz cauhmoq engq noengzna.

Dieg de lij gya lai son’gyauq minzcuz doxgiet baenaj, haeujlaeg guh“roek haeuj”cauhlaeb hozdung minzcuz doxgiet baenaj. Dawz hong cauhlaeb caeuq dangjgen、saedguh vwnzmingz seizdaih moq、saenqhwng lajmbanj daengj doxgap bae guh, coicaenh minzcuz “sam gyau”.

Yienh de mboujduenh dawzyiemz guenjleix gij cienzngaenz hanghmoeg hwngfat siujsoq minzcuz, caeuq doengh aen bouhmonz mizgven guh sonlienh siuqva Myauzcuz、aeu ruk san doxgaiq、guh vadaeng daengj dinfwngz, gaijndei gwndaenj vunzlai, coicaenh gyoengqvunz gak minzcuz couhnieb demsou.

（Moz Yinzcinh/莫云珍）