Dou cam Swcigih Yanghcunh Cinhingh Giz cix rox, gih raeuz dangq hwngfat canjnieb caeuq bauj miz hong ndaej guh hong baenz gizroengzfwngz daeuz, ndaej coihawj gyoengqvunz duetgungz lienzdaemh onjdingh lai miz souhaeuj, gyamaenh gyalai gij cwngzgoj haenqrengz duetgungz、doi- doengh guhhoengh lajmbanj baenz- saeh yienhda. Daihgaiq bae suenq, bi’gvaq 10 nyied daengz bineix byongh bi gonq, daengx gih gyaeujvunz duetgungz ndawde dan bingz suenq daengz gak boux cix ndaej 1.2843 fanh maenz souhaeuj cinghseuq, beij bi’gvaq caemh duenh gyahwnj 16.9%.

Suenq daengz 6 nyied yaek sat, daengx gih gyaeujvunz duetgungz（baudaengz doengh ranz deng yawj riengzlaeng）baenz 284 fanh vunz ndaej dajgoeng, guhsat 105.89% hongfaenh daengx bi yaek guhbaenz, beij bi’gyai caemh duenh gyalai 3.03%. Caemh neix, gih raeuz mbouj- duenh gyaak haeujcoengh canjnieb, lailai bangfuz canjnieb, daiqdoengh gyoengqvunz duetgungz ndaej onj- dingh gyalai souhaeuj. Bineix byongh bi gonq, daengx gih dieg duetgungz gai bae nungzfu canjbinj lienzdaemh gyalai, gai ndaej 109.92 ik maenz.

（Vangz Yenginz Dwng Cujdij）