Sinhvazse Baekging 8 nyied 2 hauh dienh Banj saw minzcuz baudaengz Sawmungzguj、Sawcang- vwnz、Sawveizvuzwj、Sawhahsazgwz、Sawcauzsenj、Sawyizvwnz、Sawcuengh daengj caet cungj《Siz Ginbingz Cucoz Senjduz》gienj daih’it、gienj daih- ngeih, fanhoiz sat caez gvaq, geij ngoenz neix youq daengx guek ndaej baenz bonj ok saw gvaq.

Bonj《Siz Ginbingz Cucoz Senjduz》gienj daih’it、gienj daihngeih youz Cunghgung Cunghyangh Vwnz- yen Benhciz Veijyenzvei bienguh de, 2023 nienz 4 nyied youz Yinzminz Cuzbanjse bien okbanj. Miz Cungh- gung Cunghyangh Senhconzbu、Gozgyah Minzcuz Swvu Veijyenzvei hezdiuz, Cunghgoz Minzcuz Yijvwnz Fanhyizgiz comz vunz laeb aen doih fanhoiz saw minzcuz daengx guek, youq 2023 nienz 7 nyied fanhoiz sat banj caet cungj saw minzcuz《Siz Ginbingz Cucoz Senjduz》gienj daih- it、gienj daihngeih. Banj saw minzcuz《Siz Ginbingz Cucoz Senjduz》gienj daih’it、gienj daihngeih ndaej baenz bonj ok saw, itdingh ndaej caiq doidoengh gyoengq ganbu、ginzcung siujsoq minzcuz haeujlaeg hag ndei hengz ndei Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz, laegdaeuq roxyiuj“song aen dinghlaeb”cij bauj baenz- saeh, lailai guh daengz“seiq rox”、roengz maenh “seiq aen gagsaenq”、guh daengz“song aen henhoh”, aeu gagrox youq swhsiengj fuengmienh cwngci fuengmienh hengzdoengh fuengmienh caeuq aen Dangjcungh- yangh aeu Siz Ginbingz dungzci guhgoek de seizseiz doxdoengz caez，vih cienzmienh hwnqguh aen guekgya sevei cujyi yendaiva、cienzmienh doicaenh Cunghvaz Minzcuz fukhwng hungmbwk bae doxgiet buekguh.

Banj Sawmungzguj、Sawcang- vwnz、Sawveizvuzwj、Sawhahsazgwz、Sawcauzsenj《Siz Ginbingz Cucoz Senjduz》gienj daih’it、gienj daih- ngeih, youz Minzcuz Cuzbanjse baenz bonj ok saw; banj Sawyizvwnz、Saw- cuengh, youz Minzcuz Cuzbanjse faenbied gap Swconh Minzcuz Cuz- banjse、Gvangjsih Minzcuz Cuzbanjse guh baenz bonj ok saw.