原文：

屈原曰：“吾闻之，新沐者必弹冠，新浴者必振衣；安能以身之察察，受物之汶汶者乎？宁赴湘流，葬于江鱼之腹中。安能以皓皓之白，而蒙世俗之尘埃乎？”

渔父莞尔而笑，鼓枻而去，乃歌曰：“沧浪之水清兮，可以濯吾缨；沧浪之水浊兮，可以濯吾足。”遂去，不复与言。

——先秦·屈原《楚辞·渔父》（节选）

译文：

1

Giz Yenz gangj:“Gou dingq- naeuz, boux ngamq swiqgyaeuj ndei itdingh aeu baet bae gij boenq gwnzmauh, boux ngamq dajcaemx seuq itdingh aeu saenq seuq gij namhfaenx gwnzbuh; baenzlawz ndaej hawj aen ndang seuqcingh- cingh, bungq daengz doenghyiengh uqnyaknyak ne? Gou cingznyienh diuq roengz ndawraemx Dahsiengh- gyangh, hawj duzbya ndaw Siengh- gyangh dotgwn haeuj ndawdungx bae. Baenzlawz ndaej hawj doengh- yiengh gwnzndang hausagsag gou, lahdawz gij faenx ndawbiengz ne?”

Goengdwkbya mbebak loq riu- nyumj, vaijruz biek Giz Yenz bae, mienh vaij mienh ciengq:“Raemx Canghlang sawdikdik a, ndaej swiq seuq gij cagmauh gou; raemx Canghlang doengqngaingai a, hix ndaej swiq seuq song din gou.” De couh yienghneix biek bae, mbouj caiq caeuq Giz Yenz gangjvah.

（来宾市兴宾区 Cinz Lisinh/覃丽新）

2

Giz Yenz naeuz：“Gou nyi vunz naeuz, ngamq swiqgyaeuj itdingh aeu bongxbongx aenmauh, ngamq caemxndang itdingh aeu saenqsaenq buhvaq; baenzlawz hawj aen ndang seuqsag nem rim namhfaenx ne? Yienghneix gou ningznyienh diuqroengz Dahsiengh- gyangh, hawj duzbya gwn roengz dungx. Gij doenghyiengh seuqsek- sek, baenzlawz hawj lajbiengz gij uekcuek gyuek ne?

Goengdwkbya dingq le riu- nyumnyum, vad gaiqcauh baenq- ndang deuz lo, ciengq naeuz:“Raemx Dahcanghlang sawdikdik, goj ndaej swiq cingh cagmauh gou; raemx Dahcanghlang noengznwdnwd, goj ndaej swiq song cik din gou.” Ciengq sat couh lizbae lo, mbouj caiq caeuq Giz Yenz gangjvah.

（平果市 Danz Hijvah/谭喜花）

3

Giz Yenz gangj: “Gou dingq- gangj, vunz ngamqngamq swiq gvaq byoemgyaeuj, bietdingh bongx bae gij faenx gwnzmauh, ngamqngamq caemx gvaq ndangdaej, bietdingh saeuj doek gij faenx gwnzbuh. Baenzlawz ndaej hawj ndangdaej seuqcingh bonjfaenh, deng doxgaiq loengh uq ne? Gou ningznyienh diuq haeuj Dahsienghgyangh, dai youq ndaw dungx bya. Baenzlawz ndaej hawj gij binjciz gauhgez uq gij oepsoep seiqsug ne?

Goengdwkbya baez riunyum, yungh fagcauh roq dwk bangxruz lizhai, ciengq naeuz:“Gij raemx Canghlang seuqsagsag, ndaej saeg mumh mauh gou. Gij raemx Canghlang hoemzhedhed, ndaej swiq din uqboengz gou.” Yienghneix de cigsoh lizhai, mbouj caiq caeuq Giz Yenz gangjvah.

（武鸣区 Nungz Cinfung/农振凤）

4

Giz Yenz naeuz: “Gou dingqnyi miz cungj gangjfap ndeu, naeuz bouxvunz ngamq fougyaeuj itdingh aeu baetbaet aenmauh; bouxvunz ngamq swiqndang seiz itdingh aeu saenqsaenq gij buhvaq, baenzlawz hawj gij hoenz gwnzbiengz bae uq aen ndang seuqsag neix ne? Gou ningznyienh diuq roengz Dahsiengh- gyangh bae, dai youq ndawdungx duzbya, baenzlawz hawj doengh- yiengh seuqsag ndongqrik neix uq gij hoenz lajmbwn ni?”

Goengdwkbya dingqnyi le, riu- nyumnyum, baenqndang couh gaem faex cauhruz, guh fwen naeuz: “Gij raemxdah sawdik neix, ndaej aeu daeuj saeg foh mauh gou; gij raemxdah noengznwd neix, ndaej aeu daeuj swiq fajdin gou.” Fwen sat de couh bae lo, mbouj caiq caeuq Giz Yenz gangj saek coenz vah.

（平果市 Dangz Gyahgwnh/唐家根）

5

Giz Yenz naeuz:“Gou dingq- gangj, ngamq swiqgyaeuj le, sien bongx cingh faenx mauh caiq daenj, ngamq caemxndang sat, bietdingh gyaeuhgyaeuh gij faenx geubuh doek seuq bae. Byawz hawj aenndang cingh neix bae nem haeuj gij faenxfanx uqa seiqsug ne? Gou ningznyienh giengh roengz ndaw Dahsienghgyangh, cangq gou youq ndawdungx duzbya. Byawz hawj gij ndongqgywg ronghrib ndangcingh neix, goeb youq laj faenxfanx uqa seiqgyaiq neix ne? ”

Canghdwkbya dingq le, gag riunyumnyum, fwngz ngauz cauhruz doenghndang lizbae. De ciengq fwen naeuz：“Raemx bou heuyouyou, ndaej swiq seuq fohmauh, raemx bou doengq youh uq, ndaej guh raemx swiqdin.”

Ciengq sat, canghdwkbya couh vaijruz deuz gyae lo, mbouj caiq caeuq Giz Yenz gangjgoj dem.

（都安瑶族自治县 Goenglamz/蓝 公）

6

Giz Yenz gangj:“Gou dingq- naeuz, boux ngamq swiqgyaeuj bietdingh gengh mauh, boux ngamq dajcaemx bietdingh saenq buh. Hazlawz ndaej aeu gij ndang cingxdikdik bae ciepcuk daengz gij uekcueg seiqsug? Gou cingznyienh diuq haeuj ndaw Dahsienghgyangh bae, cangq youq ndaw dungx bya. Hazlawz ndaej aeu gij hausagsag cingh, goemq gij namhfwnx seiqsug ha?”

Bouxdwkbya riuoiq, ngauz fag- cauh deuzbae, couh naez fwen naeuz:“Ndawdah raemx saw lai lo, ndaej dawzdaeuj swiq ingmauh gou, ndawdah raemx noengz lai, ndaej dawzdaeuj swiqdin”. De couh bae le, mbouj caiq caeuq Giz Yenz gangjvah.（忻城县 Fanz Haijnanz/樊海南）

7

Giz Yenz naeuz: “Gou dingq vunz naeuz, ngamq fougyaeuj aeu saenq aenmauh, ngamq swiqndang aeu saeuj geubuh; baenzlawz hawj aen ndang seuq caeuq gij uq doxcaemh ne? Gou cingznyienh diuq roengz Dahsienghgyangh bae, haem youq ndaw dungx bya，hix mbouj hawj aen ndang seuq gou nem gij faenx gwnzbiengz.”

Bouxdwkbya dingq le riu- nyumnyum, couh cauhruz liz bae lo. Eu naeuz: “Gij raemxdah neix saw youh saw a, goj ndaej aeu daeuj swiq fohmauh gou. Gij raemxdah neix uq youh uq a, goj ndaej aeu daeuj swiq din gou.” De doq eu doq bae gyae lo, mbouj caiq caeuq Giz Yenz gangjvah.

（平果市 Liu Yigez/廖玉洁）

8

Giz Yenz naeuz:“Gou dingq- gangj, ngamq swiqgyaeuj gvaqbae itdingh aeu danz mauh, ngamq dajcaemx gvaq itdingh aeu saenq buhvaq; baenzlawz ndaej hawj aen ndangdaej cinghhau bae bungq gij uqlah ndawbiengz ne? Gou cingz- nyienh diuq daengz Dahsiengh- gyangh bae guengdah. Baenzlawz ndaej hawj gij cingh sawrongh ndawdungx, uq gij faenx gwnzbiengz ne? ”

Baeuqdwkbya dingq le riu yaep he, ngauz fagcauh gauruz lizbae, ciengq naeuz：“Raemxlaux saw youh saw ha, ndaej aeudaeuj swiq cag- mauh gou; raemxlangh noengz youh noengz ha, ndaej yungh daeuj swiq din gou.” Couh bae gyae lo, mbouj caiq caeuq de gangjvah.

（西乡塘区 Linz Gozfwnh/林国芬）