Vwnzva Caeuq Lijyouz Bu geij ngoenz gonq goengbouh le mingz- dan ceiq moq gvaeg baujhoh swnghdai vwnzva guekgya gaep, ndaw mingzdan de miz gvaeg baujhoh swnghdai vwnzva nyenz（Hozciz） gih raeuz, baenz le haj aen gvaeg baujhoh daengx guek baezneix ndaej senj haeuj ndawde aen ndeu, hix dwg gvaeg baujhoh swnghdai vwnzva guekgya gaep youq gih raeuz suenq aen dog ndaej senj haeuj.

Hozciz Si youq ranghdieg goekdaeuz ndaw gvaengxdieg faen- bouh vwnzva nyenz, dwg gvaegdieg ndeu youq daengx seiqgyaiq miz gij nyenz daj ciuhgonq cienz roengzdaeuj de ceiq lai、faenbouh ceiq deih ceiq gawh(lai)、seizneix vanzlij yungh ceiq hoengh, ndaej vunz haenh baenz“mbanjranz nyenz daengx seiqgyaiq”. Gvaeg baujhoh aeu rangh diegdah Dahhoengz guh gizgyang, doiq doenghgij swnghdai vwnzva nangqdaengz gij sibsug aen nyenz faenbouh deihdaen、daegsaek lienggag、yienghsik caeuq ndawhamz lij caezcup caeuq gij hanghmoeg baenz daibyauj feihvuzciz vwnzva wnq, daengx gvaengxdieg daengx- cungq bae baujhoh. Vunzlai comz- rengz bae baujhoh gyanghoeng vwnzva lajmbanj, gij gyanghoeng neix baudaengz gyanghoeng vwnzva sibsug aen nyenz、gyanghoeng vwnzva ciet duzgvej、 gyanghoeng vwnzva go biengz（fwen） Bouxcuengh、gyang- hoeng vwnzva yisuz biujyienj、gyang- hoeng vwnzva fapguh（dinfwngz）cojcienz daengj, gvaeg baujhoh neix hawj gih raeuz lai miz mbaw mingzben gyaeundei swnghdai vwnz- va ndeu.

（Linz Seznaz）