Gyawj geij bi neix, Vuzcouh Si Cangzcouh Gih haenqrengz saedguh aen suenqveh aeu lijyouz coicaenh gak minzcuz doxgyau dox baedauq doxyungz, guh aen Mbanjswcouh Cangzcouh Cin baenz aen diemj guhyiengh, youh ndei youh vaiq guh lijyouz, caemhcaiq coicaenh ginghci gwnzbiengz hwngfat.

Cangzcouh Gih guh diuz roen vwnzlij “sam gyau”ndei ndeu, lumj Aen Dieg Yawjgingj Giz Ceiq Sang Aijsa、Aen Gvanj Vwnzsij Cwnghez、Aen Gvanj Lizsij Ndawmbanj daengj. Gih de lij sonlienh bouxdaiqroen baeyouz, dawz vwnzva saekhoengz、Dan’gyah、feihyiz、lingjnanz、gwzming daengj yungzhaeuj gij vah gejnaeuz bae, hawj vunzlai gak minzcuz engq nyinhdoengz guekcoj hungmbwk、Cunghvaz Minzcuz、Cunghvaz vwnzva、Cunghgoz Gungcanjdangj、yiengh sevei cujyi miz gij daegsaek Cungguek.

Aen gih neix aeu vunqsik moq guh ginghci cizdij, cingjhab cienz- ngaenz aeu Mbanjswcouh guh sawq- diemj loengh gaijgwz, hawj ginghci cizdij bienqbaenz“miz gujfaenh”, bang engq lai vunz ndaej haeujdaeuj、ndaej youqdingh、yungz ndaej haeuj、gvaq ndaej ndei.

Gih de lij guh hozdung lumjbaenz doxdax dijyuz minzcuz、daejniemh aen sibsug youq gwnzraemx aeubawx haqsau Dan’gyah、 hawfwen Sam Nyied Sam daengj, yinx hekyouz daeuj guhcaemz. Vunzlai doxcomz giz ndeu, coicaenh gak minzcuz doxgyau dox baedauq doxyungz.

(Cinz Dauz/陈 桃)