“Gak boux beixnuengx, gij roen gak mbanj ndawcunh raeuz gaenq gya’gvangq liux lo, gungh yungh bae roek fanh sam cien betbak goujcib roek maenz ngaenz, gak yungh youq……” Mboengqneix, boux cunh- cihsuh Vangz Sauyingh laeng Sihlinz Yen Gujcang Cin Mbanjdafangz youq hozdung“doengxhaemh gangj goj lajmbanj” suenq gij ngaenz gya- gvangq roen dwg baenzlawz yungh.

6 nyied doxdaeuj, gak aen mbanj (segih) Gujcang Cin foenfoen deq vunzlai gwnhaeux sat ndaejhoengq le, ciu vunzmbanj guh “doengxhaemh gangj goj lajmbanj”. Gyoengqde lij dawz hwnqguh seuqcingh yungzhaeuj hozdung bae, daj ndawrug senj aen hagdangz hag seuqcingh ok rog daeuj. Gyoengq ganbu naengh lajdaeng, geqgangj cidu dwg lawz guh, hong lawz yungh le geijlai ngaenz, yungh daengz lawz bae daengj. Gyoengqde lij dingq vunzlai gangj vwndiz, gyoebcomz vwndiz caeuq rizsienq, hawj gyoengqvunz caemh mizfaenh hwnqguh aen lajmbanj seuqcingh.

Daengz seizneix, aen cin neix gaenq guh le samcib lai baez hozdung yienghneix, song cien lai vunz camgya, caencingq byaij gyawj vunzlai, caeuq beksingq guh saed- saeh、gaijgez vwndiz, hawj vunzlai engq habhoz.

（Guj Cinyungz/古镇榕 Fungz Yenniz/冯燕妮）