“Daiqdaeuz guhbaenz sevei cujyi yendaiva yaek byaij youq baihnaj, baedrengz doicaenh Gyanghsuh saedguh yiengh yendaiva Cungguek, raiz ok gij faenzcieng moq hwnqguh Gyanghsuh moq yendaiva‘ak(ginghci ak) miz(beksingq miz) gyaeu (vanzging gyaeu) sang(sevei vwnzmingz mbaek sang)’.”7 nyied 5 hauh daengz 7 hauh, Siz Ginbingz cungjsuhgi youq mwh gaujcaz Gyanghsuh gangj vah youqgaenj, gij vah youqgaenj de mboujdan vix cingcuj fuengyiengq hawj Gyanghsuh hwngfat, hix dinghmaenh fuengyiengq hawj gak hangz gak nieb aeu hwngfat ndei saed bae doicaenh yiengh yendaiva Cungguek.

Gyoengq vunzlai cungj naeuz, bineix dwg bi hainduj cienzmienh gvancez gij cingsaenz Ngeihcib Daih Dangj raeuz, youq gwnz roen baenaj moq yaek engqgya gaenjmaed doxgiet youq seiqhenz aen Dangjcunghyangh aeu Siz Ginbingz dungzci guh- goek, gaemndaet gaemmaenh hwngfat ndei saed gij hongsaeh ceiq haenq ceiq daeuz neix, caezcingj cinjdeng gizgiz hengzguh aen leixniemh hwngfat moq, gyavaiq cauhlaeb yiengh gapgyaq hwngfat moq, dawzmaenh aen swhsiengj hwngfat aeu yinzminz guh cungsim, haenqheiq buekguh、daihdamj baenaj, aeu yiengh yendaiva Cungguek bae doengzdoih guhbaenz aen loqsiengj minzcuz fukhwng.

（ciuq《Yingzminz Yizbau》）