Cungguek geij cien bi,

Lizsij raezranghrangh,

Bya sang dieg youh gvangq,

Rumzlangh bongj mbouj dingz.

Gwn van dwg bouxhak,

Daenj lak dwg bouxminz,

Miz vunz haemz ndawsim,

Cix oksing mbouj ndaej.

Gungcanjdangj laebbaenz,

Raeuz yawjraen maqmuengh,

Riengz Dangj bae hoenxciengq,

Ndaej gaijbienq aenmbwn.

Cauxlaeb Cungguek moq,

Bouxhoj angq dangqmaz,

Haeuj se caemh ndaemnaz,

Caez danggya guhcawj.

Ciuhneix gyoengq ganbu,

Roengzmbanj guh banggungz,

Daeuj fugsaeh sam nungz,

Hawj duetgungz baenzfouq.

Ndaej gwn ndei youq ndei,

Yamq haeuj seizdaih moq,

Dangq guh fangzhwnzloq,

Saedceij oq baenz feiz.

Dangj hai Ngeihcib Daih,

Daengx seiqgyaiq byaengq da,

Dingh fukhwng Cunghvaz,

Guh guekgya maenh’ak.

Yienghyiengh vih lwgminz,

Dangj aencingz naeklaeg,

Yaengx mbawgeiz daegsaek,

Ciengxlwenx baek giz sang.