Sinhvazse Baekging 7 nyied 1 hauh dienh Cunghgung Cunghyangh Cwngcigiz 6 nyied 30 hauh laj- byonghngoenz guh baez daihroek cizdij hagsib haiok aen diendeih moq Majgwzswh Cujyi habngamj Cungguek habngamj seizdaih. Cunghgung Cunghyangh cungjsuhgi Siz Ginbingz youq mwh cujciz daegbied gangj daengz, gaiq hong hungnaek haiok aen diendeih moq Majgwzswh Cujyi habngamj Cungguek habngamj seiz- daih, dwg diuz rap naekgwg gyoengq vunz Cunghgoz Gungcanjdangj ciuh- neix aeu rap hwnj ndeu. Aen baugau Ngeihcib Daih Dangj raeuz baengh cungjgez gingniemh lizsij guh giek, daezok caemhcaiq lwnhgangj le gij fuengfap gohyoz doicaenh cauhmoq lijlun“song aen doxgap”“roek aen itdingh aeu dawzmaenh”daengj, daezhawj le gij goekgaen laebdaeb doicaenh Dangj raeuz cauhmoq lijlun aeu ciuqei haenx, raeuz yaek dawz ndei、yungh ndei.

Boux fuyaucangj(fuyencangj) Cunghyangh Dangjyau（Gozgyah Hingzcwng Yozyen）Lij Vwnzdangz gangjgej le aen vwndiz gwnz neix, daezok le genyi. Gyoengq dungzci Cunghyangh Cwngcigiz nyinhcaen dingqaeu gangjgej, caemhcaiq dauj- lun.

Siz Ginbingz dingqaeu gangjgej caeuq daujlun le gangj vah youqgaenj. De vixok, dauqyawj gij lizsij Dangj raeuz buekguh bak bi, aen Dangj raeuz vihmaz ndaej youq gwzming、gensez、gaijgwz gak aen lizsij seizgeiz aeundaej cwngzciu hungloet, ndaej lingjdauj yinzminz guhbaenz gij yinvu gannanz hoeng doengh gij cwngci lizlieng wnq cix cungj mbouj gojnwngz guh ndaej daengz haenx, goekgaen dwg gaemdawz le gij gohyoz lijlun Majgwzswh Cujyi, caemhcaiq mbouj- duenh giethab gij saedsaeh moq doicaenh cauhmoq lijlun. Cunghgoz Gungcanjdangj vihmaz baenz, aen sevei cujyi miz gij daegsaek Cungguek vihmaz ndei, gangj daengz daej dwg aenvih Majgwzswh Cujyi baenz, dwg aenvih gij Majgwzswh Cujyi habngamj Cungguek habngamj seizdaih de baenz. Neix dwg gietlwnh lizsij. Raeuz yaek mboujduenh gyalaeg nyinhrox Dangj raeuz cauhmoq lijlun hab gvilwd, youq seizdaih moq gwnzroen moq cauhmoq lijlun aeundaej cwngz- goj laidaih.