Daj bineix doxdaeuj, Fungsanh Yen gyarengz hawj gak bouhmonz gapguh, roengzrengz liuxcaez maeuzveh、laebdaeb dazyinx, coihawj vunzduet- gungz miz hong guh. Gaenxmaenx doeksaed gij cwngcwz bangfuz vunzduetgungz ok rog guhhong, gungh fat 274.65 fanh maenz boujdiep gyaudoeng hawj 5493 boux vunzduetgungz hamj sengj guh hong; cimdoiq doenghboux vunzhong duetgungz mbouj miz banhfap ok rog bae guhhong, haifat 3225 aen ganghvei goeng’ik hwnq ndei lajmbanj, gij yinvu guhsat haenx ciemq gij yinvu swcigih gyauhawj 1290 aen haenx 250%. Suenq daengz 6 nyied 22 hauh, Fungsanh Yen miz daengz 3.2966 fanh boux vunzduetgungz（baudaengz boux aeu gamcaek）miz hong guh.（Liu Ginglingz Veiz Yi’gyangh）