6 nyied 23 hauh daengz 24 hauh, Swcigih Dangjveij suhgi Liuz Ningz haeuj Bwzswz Si bae, gap ndei gij saeh haiguh sonrox cawjdaez hagsib gvancez Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz caeuq daihhwng diucaz yenzgiu, comz rengz hag ndei swhsiengj、gyaak dangjsing、dawznaek saedguh、guh baenzsaeh moq, haeuj daengz Gvangjsih Cunghceh Sinhnwngzyenz Canghbei Youjhan Gunghswh daengj giyez caeuq Dwzbauj Yen Cwngzgvanh Cin Nazcau Cunh, hopheux gij hongsaeh gyahung gyaak yiengh ginghci saeddaej、doinyoengx hwngfat ndeindet caeuq cienzmienh doihaeuj guhhoengh lajmbanj daengj bae diuyenz.

Liuz Ningz daegbied gangj daengz, yaek gvencez doeksaed gij iugouz youqgaenj Siz Ginbingz cungjsuhgi iugouz gyavaiq laebguh aen ginghci dijhi yendaiva aeu ginghci saeddaej cengjdaeux, haenqrengz dawz gijndei gag miz、gijndei ndumj- youq bienqbaenz gijak hwngfat canjnieb. Dawz- maenh daengxbuenz bae maeuzveh, engqgya yawjnaek cauhmoq doidoengh, hawj canjnieb baij- bouh bienq ndei, lai ok goengrengz hawj guekgya hwnqguh aen canjnieb dijhi yendaiva caezcup、maenhndei、ancienz. Yaek cimdoiq gij vwndiz caemh miz caeuq vwndiz hungnaek youq mwh diuyenz fugsaeh ra ok haenx, cietsaed bangcoengh giyez gaijgez gij vwndiz gaenjgip hojnanz youheiq deqmuengh, caezhoz gyonj rengz guh hung guh ak yiengh ginghci saeddaej, cuknet aen goekdaej hwngfat ndeindet, baengh guh hong baenzsaeh caencangq yienh’ok gij cwngzgoj sonrox cawjdaez.

Liuz Ningz daegbied gangj daengz, yaek haeujlaeg bae hagsib gvancez gij lwnhgangj youqgaenj Siz Ginbingz cungjsuhgi gangj hong“sam nungz”, dingjmaenh“seiq aen mbouj duet”, hwngfat gij canjnieb miz daegsaek hawj minz fouqmiz, laebdaeb hawj dieg duetgungz caeuq ginzcung duetgungz gyaak gag miz rengznyoengx hwngfat, netsaed gyamaenh gyahung gij cwngzgoj haenqrengz duetgungz, dawzcinj guhsaed bae cienzmienh doicaenh guhhoengh lajmbanj. Yaek gaenjgaenj hopheux“haj aen guhhoengh”, hagrox hag’aeu gij gingniemh guhfap“aen gunghcwngz cien fanh”laeng Cezgyangh, ciuq saeh dingh geiq doinyoengx canjnieb lajmbanj hwngfat、hwnq ndei lajmbanj caeuq guenj ndei lajmbanj.

（Cinz Yizcwz/陈贻泽）