Sinhvazse Baekging 6 nyied 17 hauh dienh 6 nyied 17 hauh, Cunghgung Cunghyangh cungjsuhgi、Guekgya cujsiz Siz Ginbingz raiz saenq cukhoh Gaiq Cibhaj Haijyaz Lundanz.

Siz Ginbingz vixok, haijyaz lundanz dwg aen bingzdaiz youqgaenj coihawj gak gyaiq song hamq doxcunz dohdaengz、doinyoengx ndawbiengz song hamq doxhag doxgap. Gyoengq beixnuengx song hamq baengh haijyaz lundanz doxhag gyauyoux gyausim, gya miz cingzngeih、gyalai fukfaenh, yied byaij yied gyawj、yied byaij yied nem. Muengh haijyaz lundanz mboujduenh gyarengz hawj ndaw- biengz song hamq gyalai doxhag、hawj song hamq doxgyaux hwngfat.

Siz Ginbingz daegbied gangj daengz, youq gwnz roen moq guh yiengh yendaiva Cungguek baihnaj ronghrangrang, guekgya ndei, minzcuz ndei, beixnuengx song hamq cix ndei. Raeuz lumj gaxgonq nei it- loh aeueiq、gyaezhoh、cauhfuk beix- nuengx Daizvanh, laebdaeb coihawj song hamq ginghci vwnzva doxhag doxgap, hawj song hamq gak yiengh doxgyaux hwngfat, guhdoih haenq- rengz fatyiengz Cunghvaz vwnzva, coihawj beixnuengx song hamq hoz lai doxngamj. Muengh gyoengq beix- nuengx song hamq guhdoih dawz ndei seizseiq hung lizsij, soujmaenh gij cingqngeih minzcuz, ok goengrengz doinyoengx song hamq huzbingz hwngfat、doinyoengx guh ndei saeh- hung guekcoj dungjyiz, doengzcaez cauh gij fukfaenh raezrang Cunghvaz Minzcuz, guhdoih caemh raen minzcuz fukhwng miznaj hungmbwk!

Gaiq Cibhaj Haijyaz Lundanz youz Gozvuyen Daizvanh Swvu Bangunghsiz caeuq Fuzgen Swngj Yinzminz Cwngfuj gyonjcomz 82 aen gihgou、cujciz song hamq guhdoih cawjbanh, cawjdaez dwg“hawj ndawbiengz song hamq gyalai doxhag、hawj song hamq gyalaeg doxgyaux hwngfat”, 17 hauh youq Yamwnz banh daihhoih lundanz.