6 nyied 11 hauh, Dava Yauzcuz Swciyen boux senj ranz youq Gujgyangh heuhguh Veiz Ciuhcinh lumj bingzciengz nei daengz canjyezyenz ndaw yienhsingz haeuj Gvangjsih Hanguj Denswj Gohgi Youjhan Gunghswh hwnjban. Ngamq doiq couhmoz, danhseih vihliux ganjgip guh hong dinghdan, de mbouj siengj yietnaiq. De hwnjban ne cienzgoeng ciuq gienh suenq aeu, lai guh lai ndaej, ndwen ndaej 3500 maenz baedauq, bingzciengz ndaej gag dingh seizlawz yietnaiq, caemh ndaej ganq hongsaeh ndaw ranz. Veiz Ciuhcinh raen faenh hong neix rimhoz raeuh.

Daj bineix doxdaeuj, Dava ok haujlai banhfap hai rengz hung hawj gyoengq vunzhong lajmbanj gaijhangz, gyamaenh gij cwngzgoj haenqrengz duetgungz, coengh guhhoengh laj- mbanj. Suenq daengz dangqnaj, daengx yienh hawj 12.4 fanh vunzhong gaijhangz, ndawde miz 5.18 fanh vunz dwg boux duetgungz.

（Liu Gingling Cinz Hanfungh）