Sinhvazse Sinhcin 6 nyied 7 hauh dienh Aen Gauhfungh Lun- danz Gaiq Daih’it Hwnqguh Guek- gya Vwnzva Ak 7 hauh lajbyongh- ngoenz youq Sinhcin haimuq. Cungh- gung Cunghyangh cungjsuhgi、Guek- gya cujsiz、 Cunghyangh Ginhveij cujsiz Siz Ginbingz fat saenq cuk- hoh, de daiqbiuj Dangjcunghyangh angqvau cukhoh.

Siz Ginbingz youq ndaw saenq cukhoh vixok, Dangj raeuz itsim haenqrengz hawj yiengh vwnzva sevei cujyi caiq couq baenz ronghlwenq moq. Daj Cibbet Daih Dangj raeuz doxdaeuj, raeuz guenj guek ceih biengz cix dawz hongsaeh guhndei vwnzva baij youq giz doedok, mboujduenh gyalaeg gij nyinhrox hab gvilwd guhndei vwnzva, doinyoengx vwnzva ciepswnj fatmaj, hwnqguh aen guekgya vwnzva ak sevei cujyi yamq ok yamqdin maenhsaed.

Siz Ginbingz daegbied gangj daengz, cienzmienh gvancez Aen Swhsiengj Sevei Cujyi Miz Gij Daegsaek Cungguek Seizdaih Moq caeuq gij cingsaenz Ngeihcib Daih Dangj raeuz, lai ak dawz ndei diuz rap vwnzva moq, giendingh gag saenq vwnzva bonjfaenh, dawzdingh hailangh bauyungz, seizseiz souj goek cauhmoq, gikfat daengx minzcuz ok rengzhoengh cauhguh cauhmoq vwnzva, youz giz hwnjdin moq laeb- daeb coihawj vwnzva mwnhoengh、hwnqguh aen guekgya vwnzva ak、guhndei vwnzmingz ciuhneix Cungh- vaz Minzcuz, mboujduenh coihawj vwnzmingz vunzloih dox gyaulouz dox hag’aeu， ok gij rengz cingsaenz hungloet bae hwnq guekgya ak fuk- hwng minzcuz.

Youq gwnz lundanz daeuz, Cunghgung Cunghyangh Cwngcigiz veijyenz、Cunghsenhbu bucangj Lij Suhleij doeg fung saenq Siz Ginbingz cukhoh neix caemhcaiq yienjgangj cawjdaez. De naeuz, fung saenq Siz Ginbingz cungjsuhgi cukhoh neix hawj vunz raen daengz de gag saenq vwnzva bonjfaenh mbouj doenghngauz saekdi、lailai gag rox gij vwnzva bonjfaenh, vix aen yiengq cingcuj hawj raeuz dawz ndei diuz rap vwnzva moq、guhndei vwnzmingz ciuhneix Cunghvaz Minz- cuz. Raeuz yaek nyinhcaen hagsib gvancez gij cingsaenz gangjvah youq- gaenj Siz Ginbingz cungjsuhgi youq mwh hai Codanzvei Ciepswnj Caeuq Fatmaj Vwnzva gangj daengz caeuq gij cingcaenz vixyinx youqgaenj youq fung saenq cukhoh neix gangj daengz, dawz hwnj diuz rap、haenq guh baenzsaeh, yaengx sang fan geiz swhsiengj, gyaak gij rengz cingsaenz, ndaem laeg goekrag vwnzva, doinyoengx mwn- hoengh fatmaj, coihawj dox gyaulouz dox hag’aeu.