Youq Haijnanzdauj gyaeundei fouqmiz haenx, gizgiz cungj maj miz go faexyehswj.

Faexyehswj sang’vid sohswd, ganj- faex sohswd de roengzrengz daemx hwnj genfwngz de, nga’mbaw gwnz ndang de iet okdaeuj haenx couh lumj duz byabetcauj gou youq ndaw dungvuzyenz yawjraen haenx, de heux giz cungq- gyang ndeu, seizbienh maj iet okdaeuj. Ganjmbaw faexyehswj raezrangrang, lumj gaiq beizbyoij Dezsan Gunghcuj nei, deng geuz daj song mbiengj raed baenz haujlai duenh.

Haujlai faexyehswj gwnzde cungj venj miz makyehswj. Makyehswj luenzlu、heuyau、hunghwd. Haujlai aen mak- yehswj comz youq doxcaez, nauhyied dangqmaz. Raemx ndaw makyehswj gwn ndaej bw, raemx de cingdiemz ndeigwn, dwg cungj raemx seizhah gej hozhawq gig ndei ndeu.

Gou gig gyaez faexyehswj, gyaez de daengjsoh, rengzrwd bongh hwnj gyangmbwn bae!

(Vazdungh Swhfan Dayoz Suh- couhvanh Sizyen Siujyoz ngeiz nienz- gaep Liuz Ciciz)