5 nyied 13 hauh, “sam nyied sam Bouxcuengh·fungcingz Bouxcuengh noengz” bouhfaenh baenzroix hozdung youz Swcigih Vwnzva Caeuq Lijyouz Dingh cawjbanh haenx —— “Gij sing byadah·doxiek gyaeundei”Hoihfwen Minzcuz Bouxcoz Nyezrauh Cungguek—Dunghmungz youq Cung- guek—Dunghmungz Cinghsaunenz Vwnzva Yisuz Cunghsinh guh.

Hoihfwen bineix cawjdaez dwg “sam nyied sam doxcomz·cingz Dunghmungz caezhoh”, doxyawj doxhag yisuz, doenggvaq bouxcoz nyezrauh doxdoeng doxgyau, gyalai doiqrog cienz caeuq doxgyau minzcuz yinhyoz Gvangjsih.

Daengx ciengz hoihfwen doeng- gvaq langhbaij yisuz, faen baenz “Gvangjsih gyaeundei yienj byadah”“dah fanh leix caij fwen byaij”“roensei Dunghmungz buj vazcangh” sam biencieng hung. Hoihfwen youz Aen Duenz Lwgnyez Habciengq、Aen Duenz Gyauhyangjyoz Bouxcoz Nyezrauh Cungguek—Dunghmungz caezcaemh yienj 《Cin Raeuj Va Hai Sam Nyied Sam》 haiciengz, hawj bouxyawj youq ndaw hoihhoengh yinhyoz miz minzcuz vwnzva daeg- saek simmaez. Minzcuz yozgi guj- cwngh caeuq fwen ciengqfap yungz- hab 《Liuz Sanhcej Suizsiengjgiz》, cauhmoq yienh’ok gij ciengzgingj ginghdenj “Liuz Sanhcej doiqfwen”. Fwen cauhdaeuz 《Fwen Iu Baengz- youx Ndei Dunghmungz Daeuj》, ciengq ok gij yiedcingz gyaez hek beksingq Gvangjsih.

Ciuq cam rox, Hoihfwen Minz- cuz Bouxcoz Nyezrauh Cungguek—Dunghmungz daj 2021 nienz haibanh doxdaeuj, laebdaeb 3 bi baenz baenz- roix hozdung “sam nyied sam Boux- cuengh·ciet guh’angq Gvangjsih” ndawde loh ndeu, gaenq dajcauh baenz aen binjbaiz hozdung Dungh- mungz gozci bouxcoz nyezrauh dox- gyau vwnzva miz minzcuz daegsaek Gvangjsih.

（Vangz Cing/黄 静）