5 nyied 13 hauh, Gaiq Nduj Lizgyangh Vwnzyoz Ciengj youq Gveilinz biengjlaeuh, Vangz Mungz 《Lwglingz Caeuq Nyezrauh》、Sunh Binz 《Doxduenq Didangz》、Gwh Couh《Sawcomz Gojgaeq Sincouj》、Muz Dauh《Gvanhnen Daengxbuenz Vunz Cungguek》、Cang Di《Cinglingzyoz Genjsij》、Moz Vazgez《Ndaw Faenx- moenq Seiqgyaiq》 daengj cozbinj ndaej ciengj.

Lizgyangh Vwnzyoz Ciengj youz Swcigih Cozgyah Hezvei cijdauj, Lizgyangh Cuzbanjse cawjbanh, muz- diz dwg gujli daihneix Sawgun vwnzyoz cauhguh damqra cauhmoq, benz hwnj diegsang, langhbaij Sawgun vwnzyoz cauhguh cingzcik ceiq moq, comzgiet rengz, gyagiengz Cungguek caeuq Dunghmungz gak guek vwnzyoz doxgyau laegdaeuq. Aen vwnzyoz ciengj neix bi bingzsenj baez ndeu, caemhcaiq banh hozdung “haemh Lizgyangh vwnzyoz” fatciengj caeuq doxgyau yaenglwnh vwnzyoz.

Gaiq Nduj Lizgyangh Vwnzyoz Ciengj laeb ciengj sawcuenh raez bouh ndeu, ciengj sawcuenh rauh dinj 2 bouh, ciengj sei、 sanjvwnz、mbouj dwg cauxhoengq 3 bouh, soucomz gvaengxlaengx daj 2022 nienz 1 nyied 1 hauh daengz 2022 nienz 12 nyied 31 hauh vwnzyoz cozbinj cauhnduj fat baez nduj youq Cungguek daluz cingqsik fatbiuj roxnaeuz okbanj, gungh sou ndaej cozbinj camgya bingzsenj 190 gienh. Canghraiz mizmingz Yiz Vaz guh boux cujyin bingzveijvei cungbingz Lizgyangh Vwnzyoz Ciengj baez neix, cozbinj cungbingz youz gak bingzveij daezok doigawj lijyouz, bingzveij cizdij doxyaeng, doeklaeng yungh mingz- caen douzbiu gietdingh ok.

Ciuq cam rox, Lizgyangh Vwnzyoz Ciengj bingzsenj biucinj：Dingjmaenh gij yenzcwz miz swhsiengj caeuq miz yisuz doengjit; cozbinj wnggai mizleih fatyiengz sevei cujyi hwzsinh gyaciz- gvanh, hawj beksingq maqmuengh ndwenngoenz gyaeundei ndaej habhoz; cozbinj maenhndei naeuz beksingq caeuq ndwenngoenz saedsaeh seizdaih moq, cauh yienghsiengq vunzmoq seizdaih, yienh’ok aen loqsiengj Cungguek fukhwng hungmbwk Cungh- vaz Minzcuz, ndaej gyalai haeujrwz; giemgoq daezcaiz、cawjdaez、funggek lai yiengh, yawjnaek yisuz binjcaet cozbinj, gujli cauhguh cienjvaq、cauhmoq hwngfat, doiok cozbinj maenhndei miz daegsaek Cungguek、funggek Cungguek、baijdaeuz Cung- guek.（Lij Gyahgen/李家健）