千场活动集中举办 五大版块精彩纷呈

今年“三月三”更潮更好玩

4 nyied 11 hauh, aen Lenzsiz Veiyi Hong Vwnzva Lijyouz Binjbaiz “Sam Nyied Sam Bouxcuengh·Ciet Guh’angq Betgveiq” hai hoih fat- bouh sinhvwnz, lwnhnaeuz gij cingz- gvang caeuq gij daegbied ndei aen hozdung 2023 nienz “sam nyied sam Bouxcuengh·ciet guh’angq Bet- gveiq”. Bineix “sam nyied sam” hoz- dung aeu “Sam nyied sam hoengh- hwnj Seizdaih moq buek guh” guh cawjdaez, youq 4 nyied 21 hauh daengz 5 nyied 22 hauh gyonjcomz guh hozdung. Mbiengj swcigih yaek guh 9 hangh cungdenj hozdung caeuq “fungcing Gvangjsih Bouxcuengh noengzgwd” “minzcuz dijyuz lwenq- ndei”“doxiek youz Gvangjsih”“e vangj angqyangz cawx”“huzndei youz Betgveiq”haj aen bouhfaenh gungh 41 aen daihloih hozdung. Daengx gih gihcwngz ginzcungz “sam nyied sam” hozdung yaek dabdaengz 1000 lai ciengz. Gaiq Daih 24 Nanzningz Gozci Minzgoh Yisuzcez hix yaek youq mboengq “sam nyied sam” gawjbanh.

Vwnzva lijyouz binjbaiz hozdung “sam nyied sam Bouxcuengh·ciet guh’angq Betgveiq” youz Swcigih Dangjveij、Swcigih Yinzminz Cwngfuj cawjbanh, ginggvaq 7 bi roengzsim dajcauh, gaenq baenz aen hoih hunghoengh baijok minzcuz vwnzva ndeiraeuh、doidoengh ginghci sevei hwngfat、coicaenh minzcuz doxgiet.

Ciuq lwnhnaeuz, gij hozdung bineix yaek engqgya haeujnaek cauh- moq guhmoq、hawj beksingq ndaej leih ndaej angq, mboujdanh dangq dieg guh lailai, caiqlij hingzsik engq moq engq ndei guhcaemz. Hozdung hopheux “minzgoh moq” bae roengz- rengz, maeuzveh buek hozdung ndeu, caenh’itbouh doekdingh aen dinghvih vwnzva binjbaiz “sam nyied sam”, doidoengh “minzgoh moq” vwnzva IP guh hung guh ak; aeu Cunghvaz conzdungj vwnzva maenhndei cienz- swnj hwngfat guh cehsim, daj mbouj doengz fuengmienh bae baijok gij vwnzva goekdaej naekna “sam nyied sam”, demgiengz gij ndaejgeiq conz- dungj vwnzva Cunghvaz Minzcuz caez miz haenx, couqmaenh gij eiqsik caezcaemh Cunghvaz Minzcuz; doedok yiengh nomjoiq、yiengh seizhwng、yiengh gozci, cauh ok gij heiqfaenh ngoenzciet gwnz sienq laj sienq caezcaemh angqyangz angqhoh; aeu yinzminz guh daeuz, aeu hozdung fungfouq caeuq gij cwngcwz hawj beksingq ndaej leih, hawj ginzcung gamjdaengz ndaej leih caeuq vuen- yungz.

Aen hozdung haimuq “sam nyied sam Bouxcuengh·ciet guh’angq Betgveiq” yaek youq 4 nyied 21 hauh banhaet youq Cinghsiusanh haiguh, hozdung mbouj lumj binaengz yawjngonz daizheiq biujyienj yiengh haenx, gaij guh caezgya caezcaemh youzlangh. Doenggvaq fungsug caeuq ngoenzhaw “sam nyied sam” ciuh- geq、 guh’angq seizhwng、 minzcuz doxgiet sam aen danyienz, baijok gij sizcen sengdoengh Gvangjsih yiengh yendaiva Cungguek, baijok gij gingjsiengq gak cuz ginzcung lumj naed sigloux nei doxgot ndaetndaet haenx.

Ciuq cam rox, haj aen bouhfaenh hozdung ndei lailai, “fungcingz Gvangjsih Bouxcuengh noengzgwd” yaek gyonjcomz baijok fungsug vwnzva “sam nyied sam”, cujciz haiguh Cungguek——Dunghmungz (Nanzningz) feihvuzciz vwnzva yiz- canjcouh daengj; “doxiek youz Gvangjsih” yaek maeuzveh ndei lijyouz sienqloh, daegbied doiok “cimh fwen Betgveiq·minzcuz fungcingz ceiq ndei” daengj cawjdaez sienqloh cingbinj; “minzcuz dijyuz lwenqndei” yaek dawz dijyuz yin- dung caeuq seizhwng guhcaemz dox giethab daeuj guh’angq; “e vangj angqyangz cawx” yaek guh “cujboh coengh Gvei·daiq huq Gvangjsih” daengj hozdung ciuyinx vunzlai sawj ngaenz yungh ngaenz;“huzndei youz Betgveiq”cujyau baugvat aen hozdung ndwen senhconz minzcuz doxgiet、2023 nienz Cunghvaz ranz vunz ndeu——Gvangjsih Daizvanh gak minzcuz angq gvaq “sam nyied sam” hozdung、baijyienj vwnzyi cezmuz maenhndei gak minzcuz、Baekging Gvangjcouh “sam hangh giva” daeg- saek hozdung、 vwnzva denyingj- couh、vangjloz sibinz dinj doxdax、fazci senhconz daengj 9 hangh hozdung.

（bonj bauq gicej Veiz Yingjcinh sizsizswngh Mungz Cez/本报记者 韦颖琛 实习生 蒙 婕）