（2020 nienz 5 nyied 28 hauh youq gwnz Gaiq Cibsam Daengx Guek Yinzminz Daibyauj Daihhoih Baez Hoih Daihsam doenggvaq）

Diuz caetbak betcib seiq Bouxciephong wngdang guenj ndei gij liuh bouxdinghguh dawz hawj caeuq gij hong baenz de, aenvih baujguenj mbouj ndei cix deng sonjvaih、miedsaet ne, wngdang rapdawz cwzyin dienzboiz.

Diuz caetbak betcib haj Bouxciephong wngdang ciuq gij iugouz bouxdinghguh haep red bak, caengz aeundaej bouxdinghguh cinjhawj, mbouj ndaej louzce gij doxgaiq fukceiq roxnaeuz gisuz swhliu.

Diuz caetbak betcib roek Bouxciephong caezcaemh doiq bouxdinghguh rapdawz cwzyin lienzdaiq, hoeng cawz ok bouxnangqsaeh lingh miz iekdingh.

Diuz caetbak betcib caet Bouxdinghguh youq mwh bouxciephong caengz guh liux ndaej seizseiz gejcawz habdoengz, hawj bouxciephong deng sonjsaet ne, wngdang dienzboiz sonjsaet.

Cieng Cibbet Aen Habdoengz Hwnqguh Gunghcwngz

Diuz caetbak betcib bet Aen habdoengz hwnqguh gunghcwngz dwg gij habdoengz boux- cingzbau hwnqguh gunghcwngz, bouxfatbau ceihawj cienzngaenz.

Aen habdoengz hwnqguh gunghcwngz bau- daengz gij habdoengz damqcaz、vehbaij、hwnqguh.

Diuz caetbak betcib gouj Aen habdoengz hwnqguh gunghcwngz wngdang okcih dinghlaeb.

Diuz caetbak goujcib Gij ciubiu roengzbiu gunghcwngz hwnqguh, wngdang ciuq gij gvidingh faplwd mizgven goenghai、goengbingz、goengcingq bae guh.

Diuz caetbak goujcib it Bouxfatbau ndaej caeuq bouxbaudaeuz dinghlaeb habdoengz hwnqguh gunghcwngz, hix ndaej faenbied caeuq boux- damqcaz、bouxvehbaij、bouxhwnqguh dinghlaeb gij habdoengz bauguh damqcaz、vehbaij、hwnqguh. Bouxfatbau mbouj ndaej aeu gij gunghcwngz hwnqguh wngdang youz boux bouxcingzbau ndeu guhbaenz haenx faen baenz geij bouhfaenh fatbau hawj lai boux bouxcingzbau.

Bouxbaudaeuz roxnaeuz bouxcingzbau damq- caz、vehbaij、hwnqguh ginggvaq bouxfatbau doengzeiq, ndaej dawz mbangj hong bonjfaenh bauguh haenx gyau hawj bouxdaihsam bae guh. Bouxdaihsam dawz gij hong de gaenq guhbaenz haenx caeuq bouxbaudaeuz roxnaeuz bouxcingzbau damqcaz、vehbaij、hwnqguh yiengq bouxfatbau rapdawz cwzyin lienzdaiq. Bouxcingzbau mbouj ndaej dawz aen gunghcwngz hwnqguh de bauguh haenx cienj caez hawj bouxdaihsam bau roxnaeuz dawz aen gunghcwngz hwnqguh de bauguh haenx faengej le yungh mingzdaeuz faenbau cienj hawj bouxdaihsam bau.

Mboujcinj bouxcingzbau faen gunghcwngz bau hawj aen danvih mbouj miz gij swhciz diuzgienh doxwngq. Mboujcinj aen danvih faenbau aeu gij gunghcwngz de bauguh caiq faenbau. Gij gezgou cawjdaej gunghcwngz hwnqguh bietdingh aeu youz bouxcingzbau gag guhbaenz.

Diuz caetbak goujcib ngeih Aen habdoengz hwnqguh gunghcwngz hungnaek guekgya, wngdang ciuq gij bouhloh guekgya gvidingh caeuq gij giva roengzngaenz、gij baugau yenzgiu hengz ndaej guekgya baecinj doengh yiengh vwnzgen neix bae dinghlaeb.

Diuz caetbak goujcib sam Aen habdoengz hwnqguh gunghcwngz mbouj mizyauq, hoeng aen gunghcwngz hwnqguh ginggvaq niemhsou habgek ne, ndaej camciuq gij iekdingh gvendaengz cienzngaenz hwnqguh gunghcwngz ndaw habdoengz cietgyaq boizbouj bouxcingzbau.

Aen habdoengz hwnqguh gunghcwngz mbouj mizyauq, caemhcaiq gunghcwngz hwnqguh ginggvaq niemhsou mbouj habgek ne, ciuq gij gvidingh lajneix cawqleix:

(It) Gij gunghcwngz hwnqguh coihfuk gvaq le ginggvaq niemhsou habgek ne, bouxfatbau ndaej cingjgouz bouxcingzbau ok gij cienzyungh coihfuk;

(Ngeih) Gij gunghcwngz hwnqguh coihfuk gvaq le ginggvaq niemhsou mbouj habgek ne, boux- cingzbau mbouj miz gienzleih cingjgouz camciuq gij iekdingh cienzngaenz hwnqguh gunghcwngz ndaw habdoengz cietgyaq boizbouj.

Bouxfatbau doiq gij sonjsaet aenvih gungh- cwngz hwnqguh mbouj habgek cauhbaenz haenx miz loengloek ne, wngdang rapdawz cwzyin doxwngq.

Diuz caetbak goujcib seiq Ndaw habdoengz damqcaz、vehbaij baeznaengz sij miz aen geizhanh daezgyau gij swhliu giekdaej mizgven caeuq gaiqsuenq yawhsuenq daengj vwnzgen、iugouz ndei baenzlawz、cienzyungh caeuq gij diuzgienh wnq gapguh doengh gij diuzgvanj neix.

Diuz caetbak goujcib haj Ndaw habdoengz hwnqguh baeznaengz sij miz aen gvaengh gungh- cwngz、geizhong hwnqguh、seiz haihong caeuq sathong aen gunghcwngz cungqgyang gyauhong、gunghcwngz ndei baenzlawz、cienzyungh gungh- cwngz、seiz gyau gisuz swhliu、gij cwzyin gunghawj caizliu caeuq gaiqnda、bued ngaenz caeuq gietsuenq、sathong niemhsou、aen gvaengh bauj coih caeuq duenhseiz bauj ndei、dox gapguh doengh gij diuzgvanj neix.

Diuz caetbak goujcib roek Gunghcwngz hwnqguh saedhengz gamleix ne, bouxfatbau wng- dang caeuq bouxgamleix okcih dinghlaeb habdoengz dakhawj gamleix. Gij gienzleih caeuq yivu nem cwzyin faplwd bouxfatbau caeuq bouxgamleix, wngdang ciuq gij gvidingh habdoengz dakdoz bien neix caeuq gij faplwd、fapgvi hingzcwng doxgven wnq.

Diuz caetbak goujcib caet Bouxfatbau youq mwh mbouj ngaih bouxcingzbau cingqciengz guhhong, ndaej seizseiz bae genjcaz guhhong vaiqmenh、ndeiyaez.

Diuz caetbak goujcib bet Gij gunghcwngz baexraen youq cwdangj gaxgonq, bouxcingzbau wngdang naeuz hawj bouxfatbau genjcaz. Dangh- naeuz bouxfatbau mbouj gibseiz genjcaz, boux- cingzbau ndaej swnhlaeng ietraez aen geizhong gunghcwngz, caiqlij miz gienz cingjgouz dienzboiz gij sonjsaet dingzhong、ngaizhong daengj.

Diuz caetbak goujcib gouj Gunghcwngz hwnqguh guh liux le, bouxfatbau wngdang gaengawq gij dozceij guhhong nem mbawsaw gangjmingz、yiengh gveihfan niemhsou guhhong caeuq gij biucinj cazniemh ndeiyaez guekgya fatbouh haenx gibseiz niemhsou. Danghnaeuz niemhsou habgek, boux- fatbau wngdang ciuq iekdingh hawj cienz, caiqlij ciepsou aen gunghcwngz hwnqguh neix.

Gunghcwngz hwnqguh guh liux ginggvaq niemhsou habgek le, cij ndaej gyauhawj sawjyungh; caengz ginggvaq niemhsou roxnaeuz niemhsou mbouj habgek ne, mbouj ndaej gyauhawj sawjyungh.

Diuz betbak Gij ndeiyaez damqcaz、vehbaij mbouj hab iugouz roxnaeuz mbouj ciuq geizhanh daezgyau vwnzgen damqcaz、vehbaij ngaiznyed geizhong, hawj bouxfatbau deng sonjsaet ne, bouxdamqcaz、bouxvehbaij wngdang laebdaeb guh- ndei damqcaz、vehbaij, noix sou roxnaeuz mbouj sou cienz damqcaz、vehbaij caiqlij dienzboiz sonjsaet dem.

第七百八十四条  承揽人应当妥善保管定作人提供的材料以及完成的工作成果，因保管不善造成毁损、灭失的，应当承担赔偿责任。

第七百八十五条  承揽人应当按照定作人的要求保守秘密，未经定作人许可，不得留存复制品或者技术资料。

第七百八十六条  共同承揽人对定作人承担连带责任，但是当事人另有约定的除外。

第七百八十七条  定作人在承揽人完成工作前可以随时解除合同，造成承揽人损失的，应当赔偿损失。

第十八章  建设工程合同

第七百八十八条  建设工程合同是承包人进行工程建设，发包人支付价款的合同。

建设工程合同包括工程勘察、设计、施工合同。

第七百八十九条  建设工程合同应当采用书面形式。

第七百九十条  建设工程的招标投标活动，应当依照有关法律的规定公开、公平、公正进行。

第七百九十一条  发包人可以与总承包人订立建设工程合同，也可以分别与勘察人、设计人、施工人订立勘察、设计、施工承包合同。发包人不得将应当由一个承包人完成的建设工程支解成若干部分发包给数个承包人。

总承包人或者勘察、设计、施工承包人经发包人同意，可以将自己承包的部分工作交由第三人完成。第三人就其完成的工作成果与总承包人或者勘察、设计、施工承包人向发包人承担连带责任。承包人不得将其承包的全部建设工程转包给第三人或者将其承包的全部建设工程支解以后以分包的名义分别转包给第三人。

禁止承包人将工程分包给不具备相应资质条件的单位。禁止分包单位将其承包的工程再分包。建设工程主体结构的施工必须由承包人自行完成。

第七百九十二条  国家重大建设工程合同，应当按照国家规定的程序和国家批准的投资计划、可行性研究报告等文件订立。

第七百九十三条  建设工程施工合同无效，但是建设工程经验收合格的，可以参照合同关于工程价款的约定折价补偿承包人。

建设工程施工合同无效，且建设工程经验收不合格的，按照以下情形处理：

（一）修复后的建设工程经验收合格的，发包人可以请求承包人承担修复费用；

（二）修复后的建设工程经验收不合格的，承包人无权请求参照合同关于工程价款的约定折价补偿。

发包人对因建设工程不合格造成的损失有过错的，应当承担相应的责任。

第七百九十四条  勘察、设计合同的内容一般包括提交有关基础资料和概预算等文件的期限、质量要求、费用以及其他协作条件等条款。

第七百九十五条  施工合同的内容一般包括工程范围、建设工期、中间交工工程的开工和竣工时间、工程质量、工程造价、技术资料交付时间、材料和设备供应责任、拨款和结算、竣工验收、质量保修范围和质量保证期、相互协作等条款。

第七百九十六条  建设工程实行监理的，发包人应当与监理人采用书面形式订立委托监理合同。发包人与监理人的权利和义务以及法律责任，应当依照本编委托合同以及其他有关法律、行政法规的规定。

第七百九十七条  发包人在不妨碍承包人正常作业的情况下，可以随时对作业进度、质量进行检查。

第七百九十八条  隐蔽工程在隐蔽以前，承包人应当通知发包人检查。发包人没有及时检查的，承包人可以顺延工程日期，并有权请求赔偿停工、窝工等损失。

第七百九十九条  建设工程竣工后，发包人应当根据施工图纸及说明书、国家颁发的施工验收规范和质量检验标准及时进行验收。验收合格的，发包人应当按照约定支付价款，并接收该建设工程。

建设工程竣工经验收合格后，方可交付使用；未经验收或者验收不合格的，不得交付使用。

第八百条  勘察、设计的质量不符合要求或者未按照期限提交勘察、设计文件拖延工期，造成发包人损失的，勘察人、设计人应当继续完善勘察、设计，减收或者免收勘察、设计费并赔偿损失。

（49 caengz sat）

（壮文稿由中国民族语文翻译局提供）