4 nyied 10 hauh, aen Hoih Hong Cunghyihyoz Daengx Gih 2023 Nienz ciuhai, gwnz hoih naeuz, 2022 nienz, gih raeuz cunghyih yihliuz fugsaeh suijbingz mizyauq daezswng, cunghyihyoz engqgya hawj ginzcung ndaej souh’ik. Daengx gih hwnqguh gihcwngz cunghyihgvanj moq 183 aen, gyoebsuenq dabdaengz 1421 aen, daengx gih yangh cin vei- swnghyen、segih fuzvu cungsim cunghyihgvanj miz daengz 97.53%. Ungganq vunzcaiz cunghyihyoz guekgya gaep aeu ndaej cingzyauq moq, dem gozyih daswh moq 1 boux、daengx guek cunghyih okmingz 2 boux, dem moq gunghcozsiz cienz- swnj mingz laux cunghyih daengx guek 14 aen、gunghcozsiz cienzswnj mingz laux cunghyihyoz conhgyah gihcwngz daengx guek 42 aen. Buek hanghmoeg ndeu ndaej senj haeuj guekgya cunghyihyoz cienzswnj cauhmoq cungsim hanghmoeg ce bwhcwk.

Seizneix caeuq gvaq laeng donh seizgan ndeu, gih raeuz yaek engq fazveih gij ndei cunghyihyoz Cuengh Yauz yihyoz, doicaenh laebguh aen gihdi cunghyih fuengzyw binghraq guekgya、aen duivuj cunghyih fuengzyw binghraq guekgya caeuq aen duivuj yihyoz gaeuqyw gaenjgaep, gyagiengz laebguh daengx gih 70 aen ngeih gaep cunghyih yihyen mwnzcinj fatndat、aen goh binghnaek、aen goh binghlah、aen goh caengz bingh sien yw gonq daengj gohsiz, hawj yienh gaep cunghyihyen engq rox fuengzyw binghlah. Cimdoiq bouxlaux、lwgnyez、bouxbinghnaek gyarengz yenzgiu fuengyw, sonyinx gak dieg guh ndei hongh yungh yw cunghyih.

Doengzseiz dingjmaenh cungh sihyih cungj yawjnaek, doidoengh cunghyihyoz caeuq sihyihyoz dox boujcung、dox boiqhab fazcanj.

（Lij Yinh/吕 欣）