我区在办好人民满意教育上持续发力

2022年各项入学指标全面提升

4 nyied 7 hauh, Swcigih Dangj- veij Senhconzbu hai hoih fatbouh sinhvwnz naeuz, daengz 2022 nienz daej, gih raeuz gij gyauyuz duenh haeuj hag gaxgonq haeuj hag beijlwd、gouj bi yivu gyauyuz baujmaenh youq hag beijlwd、 duenh gauhcungh haeuj hag beijlwd、 gauhdwngj gyauyuz haeuj hag beijlwd faendied dabdaengz 93%、96.7%、92.9%、53.4%, caeuq 2021 nienz beij faen- bied daezsang 0.7、 0.2、 0.9、 1 aen bakfaendiemj, gak hangh cijbyauh ndaej cienzmienh daezswng, caen ndaej coicaenh gyauyuz goengbingz、daezswng gyauyuz caetliengh lailai, roengzrengz banh ndei gyauyuz hawj yinzminz muenxeiq laebdaeb gyarengz、ngoenz beij ngoenz ndaej raen yaugoj, mienhmauh gyauyuz fatseng bienqvaq hungloet.

2022 nienz, gih raeuz gaenx- maenx caebcomz gak loih ngaenz- cienz, hwnq moq gaij coih gya’gvangq hagdangz cungh siujyoz youwzyenz 6533 aen(baez), demlai le gyauyuz swhyenz. Gawjdoengh hengzguh aen gunghcwngz daezswng gyauyuz rangh- dieg henz guek, comz swhyenz ndei doiq 200 aen hagdangz loq nyieg henz guek guh gyauyuz bangfuz, daegbied haeujnaek dajcauh 80 aen hagdangz dou guek. Laebdaeb gyarengz sonlienh lauxsae, gak dieg boujcung cungh siujyoz lauxsae 4.1 fanh boux. Caeb- comz ngaenzcienz cunghyangh、sw- cigih 8.25 ik maenz daeuj fat swngh- hoz bujcu hawj lauxsae lajmbanj, miz 28 fanh boux lauxsae lajmbanj ndaej lingx aeu.

Bi’gvaq, Gvangjsih youq ndaw daengx guek cizyez yenyau ginwngz doxdax ndaej ciengj 157 hangh, baiz youq daengx guek vih daihgouj. 4 aen “sueng sang giva”laebguh gauhciz yenyau youq ndaw guekgya cunggeiz cikyauq bingzgyaq cienzbouh ndaej “youh” daengjgaep, ndaej senj baenz daengx guek 5 aen swngj gih cizyez gyauyuz gaijgwz cingzyauq mingz- yienj ndawde aen ndeu. Gyavaiq hwnqguh aen gih sawqniemh gyauyuz hailangh habguh Cungguek——Dunghmungz, cujciz 34 aen yenyau caeuq Dunghmungz cizyez yenyau guh gyaulouz, dem 3 aen Cungh vai habguh banhhag hanghmoeg moq.

2022 nienz, daengx gih gauhyau singhgiz dangj cujciz miz daengz 80% doxhwnj. Dem moq bwnjgoh conh- yezdenj 70 aen, 60 aen conhyez ndaej senj haeuj daengx guek buek daihsam guekgya gaep itlouz bwnjgoh conh- yezdenj. Gawjdoengh lwnz moq 63 aen hanghmoeg hwnqguh Gvangjsih itlouz yozgoh. Daengx gih gawjbanh gak cungj ciubinq hozdung 6800 lai ciengz, daezhawj couhnieb gangjvei 144.3 fanh aen, bangcoengh biz- yezswngh swnhleih couhnieb、caenh- vaiq couhnieb.

(Liuz Ginz/刘 琴）