3 nyied 28 hauh, Lungzlinz Gak Cuz Swciyen gawjhengz angqhoh daihhoih, angqhoh swciyen laebbaenz 70 hopbi. Daengx Guek Yinzda Minzveij、Guekgya Minzveij Cuk- hohdonz, Swcigih Daibyaujdonz、Baksaek Si Daibyaujdonz caeuq gak fueng hekbengz daengz Lungzlinz caeuq gak cuz ginzcung doengzcaez angqhoh.

Daengx Guek Yinzda Minzveij、Guekgya Minzveij Cukhohdonz donz- cangj Vwnh Ginh doiq Lungzlinz 70 bi daeuj aeu ndaej gij cingzcik haenx guh’ok haengjdingh caeuq cukhoh. De naeuz, Lungzlinz Gak Cuz Swciyen 70 bi daeuj cingzcik hungloet, daejyienh ok minzcuz cwngcwz caeuq minzcuz gihyiz swci cidu Dangj raeuz sizcen baenzgoeng, cingqmingz Cunghgoz Gungcanjdangj lingjdauj dwg gij gaenbonj bauj- cingq minzcuz digih mwnhoengh hwngfat, diuz roen cingqdeng gaijgez minzcuz vwndiz miz gij daegsaek Cungguek ndei fouzbeij, Cunghvaz Minzcuz ranz vunz ndeu bauyungz caeuq comzrengz gig ak. Maqmuengh Lungzlinz Gak Cuz Swciyen ganbu ginzcung nyinhcaen hagsib doekguh aen swhsiengj youqgaenj Siz Ginbingz cungjsuhgi gvendaengz gyagiengz caeuq gaijndei hong minzcuz、 gij gangjvah cingsaenz youqgaenj Siz Ginbingz cungjsuhgi cazyawj Gvangj- sih le gangj de, laegdaeuq roxyiuj gij eiqngeih gietdingh “song aen doek- dingh”, giengiet guhdaengz “song aen henhoh”, mboujduenh couqmaenh gij seiqsik caezcaemh Cunghvaz Minzcuz, doicaenh seizdaih moq hong minzcuz Dangj fazcanj ndeiraeuh.

Swcigih Daibyaujdonz donzcangj, Swcigih Dangjveij cangzveij、Dungj- canbu bucangj Vangz Sinhfu daibyauj Swcigih Dangjveij、Yinzda Cangz- veijvei、Cwngfuj、Cwnghez、Gvangjsih Ginhgih caeuq daengx gih gak cuz yinzminz, cukhoh Lungzlinz gak cuz beixnuengx. De naeuz, 70 bi daeuj daegbied dwg Cibbet Daih Dangj doxdaeuj, Lungzlinz gak cuz ganbu ginzcung haenqrengz buekguh, doidoengh gak hang saehnieb aeu ndaej cingzcik hungloet, ginghci fazcanj hwnghoengh, yinzminz gwn- daenj laebdaeb gaijndei, loegsaek fazcanj cwngzyauq mingzyienj, minz- cuz doxgiet mboujduenh cukmaenh, gij eiqsik caezcaemh Cunghvaz Minzcuz youq ndaw sim daengx yienh gak cuz yinzminz roengz rag laeglaeg bae. Maqmuengh Lungzlinz gak cuz ganbu ginzcung daj goek daengz byai dingjmaenh aeu aen swhsiengj sevei cujyi miz Cungguek daegsaek seizdaih moq Siz Ginbingz guh dazyinx, cienzmienh gvancez doeksaed gij cingsaenz Ngeihcib Daih Dangj, haeujlaeg gvancez doeksaed gij iugouz youqgaenj “haj aen engq hung” Siz Ginbingz cungjsuhgi doiq Gvangjsih daezok haenx caeuq buek cijsi cingsaenz youqgaenj de, riengz boux lingxdaeuz fukhwng hungmbwk haenqrengz baenaj, giendingh mbouj bienq byaij diuzroen fazcanj sevei cujyi miz Cungguek daegsaek, giendingh mbouj bienq doicaenh caetliengh sang fazcanj, giendingh mbouj bienq coicaenh doengzcaez fouqmiz, giendingh mbouj bienq henhoh minzcuz doxgiet cinbu, vih haenqrengz raiz biencieng Gvangjsih yendaiva yiengh Cungguek dem rengz dem rongh.

Gwnz hoih, Daengx Guek Yinzda Minzveij、Guekgya Minzveij Cuk- hohdonz boux Liuz Yoz de doeg gij hohdienh Daengx Guek Yinzda Minz- veij、Guekgya Minzveij. Swcigih Daibyaujdonz donzcangj、Swcigih fucujsiz Myauz Ging’vang doeg hoh- dienh Swcigih. Swcigih Daibyauj- donz soengq hohbienj hawj Lungz- linz caemhcaiq biengjbienj. Swcigih Daibyaujdonz fudonzcangj, Swcigih Gaiq Daih Cibsam Yinzda Cangz- veijvei fucujyin Vangz Yozfeih、Swcigih Cwnghez fucujsiz Vangz Cinvaz、Gvangjsih Ginhgih Cwngci Gunghcozgiz dayau cujyin Guh Hezveih camgya angqhoh daihhoih. Gij hozdung angqhoh swciyen laebbaenz youh lai youh ndei, angqhoh daihhoih hai sat le gawjhengz swciyen laebbaenz 70 hopbi cingzcouh langhbaij、ginzcung vwnzyi biujyienj caeuq angqhoh swciyen laebbaenz vwnzyi vanjvei daengj baenz buek hozdung, langhbaij 70 bi daeuj gij ginghci sevei fazcanj cingzcouh Lungzlinz liuxcaez.

Ngoenzhaenx lajbyonghngoenz, lij gawjhengz aen Hoih Codanz Ginghci Sevei Fazcanj Lungzlinz Gak Cuz Swciyen Laebbaenz 70 Hopbi, gyoengq boux Swcigih Daibyaujdonz caeuq gyoengq boux daibyauj Lungz- linz gak cuz ganbu ginzcung haeujlaeg gyaulouz、 caez lwnh hwngfat. Vangz Sinhfu nai heuh Lungzlinz gak cuz ganbu ginzcung aeu laebdaeb haeuj- laeg hagsib gvancez cingsaenz Ngeihcib Daih Dangj, ciuq Swcigih Dangjveij、 Cwngfuj gak hang giet- dingh baijbouh, yawjnaek saedyauq、gyarengz saedguh、gaemmaenh doek- saed, haenqrengz doidoengh ginghci sevei caetliengh sang fazcanj, cienz- mienh doicaenh lajmbanj hwng- hoengh, mboujduenh daezsang gwn- daenj yinzminz, laebdaeb couqmaenh gij eiqsik caezcaemh Cunghvaz Minz- cuz, gyaak dangj cienzmienh daiqlingx hong minzcuz, mbouj duenh raiz roengz biencieng moq Lungzlinz caetliengh sang fazcanj.

Ndawgyang angqhoh, Swcigih Daibyaujdonz lij faen baenz 5 aen veivwn faendonz, daengz lajmbanj、hagdangz、yihyen、giyez caeuq gih- gvanh danhvei Lungzlinz, yawj nai gak cuz ganbu ginzcung.

(Cinz Vwnzvuj Veiz Bungzyen/覃文武 韦鹏雁)