（2020 nienz 5 nyied 28 hauh youq gwnz Gaiq Cibsam Daengx Guek Yinzminz Daibyauj Daihhoih Baez Hoih Daihsam doenggvaq）

Diuz caetbak seiqcib gouj Bouxcoyungh youq mboengq ciemqmiz huqco, huqco cauxbaenz boux- daihsam ndang vaih roxnaeuz caizcanj sonjsaet, bouxcuengqco mbouj rapdawz cwzyin.

Diuz caetbak hajcib Bouxcoyungh wngdang guenj ndei、yungh ndei huqco.

Bouxcoyungh youq mboengq ciemqmiz wng- dang hengz gij yivu dajcoih huqco de.

Diuz caetbak hajcib it Bouxcoyungh youq mboengq ciemqmiz huqco, huqco deng sonjvaih、miedsaet, bouxcuengqco miz gienz cingjgouz boux- coyungh laebdaeb ok cienzco, hoeng cawz ok faplwd lingh miz gvidingh roxnaeuz bouxnangqsaeh lingh miz iekdingh.

Diuz caetbak hajcib ngeih Bouxcoyungh wngdang ciuq iekdingh ok cienzco. Bouxcoyungh ginggvaq coinaeuz le youq ndaw geizhanh hableix vanzlij mbouj gyau cienzco ne, bouxcuengqco ndaej heuh de gyau liux cienzco; hix ndaej gejcawz habdoengz, soudauq huqco.

Diuz caetbak hajcib sam Bouxcoyungh mbouj ginggvaq bouxcuengqco doengzeiq, aeu huqco bae cienjnyiengh、dingjat、caetat、douzswh haeujguj roxnaeuz yungh yiengh guhfap wnq cawqleix huqco, bouxcuengqco ndaej gejcawz aen habdoengz yungz- swh coyungh.

Diuz caetbak hajcib seiq Miz saek yiengh lajneix, bouxcuengqco roxnaeuz bouxcoyungh ndaej gejcawz aen habdoengz yungzswh coyungh:

（It）Gij habdoengz gaicawx bouxcuengqco caeuq bouxgai dinghlaeb haenx deng gejcawz、deng nyinhdingh mbouj mizyauq roxnaeuz deng siubae, caemhcaiq caengz ndaej dauqcungz dinghlaeb habdoengz gaicawx;

（Ngeih）Gij huqco deng sonjvaih、deng mied- saet loekloeng mbouj youq bouxnangqsaeh, caemhcaiq coih ndei mbouj ndaej roxnaeuz doek- dingh mbouj ndaej huqdingj;

（Sam）Aenvih bouxgai cauhbaenz guh mbouj baenz aen habdoengz yungzswh coyungh.

Diuz caetbak hajcib haj Habdoengz yungzswh coyungh aenvih habdoengz gaicawx deng gejcawz、deng nyinhdingh mbouj mizyauq roxnaeuz deng siubae cix gejcawz, bouxgai、huqco dwg bouxcoyungh genj dingh ne, bouxcuengqco miz gienz cingjgouz bouxcoyungh dienzboiz sonjsaet doxwngq; hoeng, cawz ok aenvih bouxcuengqco cix hawj habdoengz deng gejcawz、deng doekdingh mbouj suenqsoq roxnaeuz deng siu bae.

Danghnaeuz gij sonjsaet bouxcuengqco youq mwh habdoengz gaicawx deng gejcawz、deng nyinhdingh mbouj mizyauq roxnaeuz deng siubae cix aeu ndaej dienzboiz gvaq le, bouxcoyungh mbouj caiq rapdawz cwzyin dienzboiz doxwngq.

Diuz caetbak hajcib roek Habdoengz yungzswh coyungh aenvih huqco gyau hawj bouxcoyungh le loeklak deng vaih、deng saet hoeng loeklak mbouj gven bouxnangqsaeh cix gejcawz ne, bouxcuengqco ndaej cingjgouz bouxcoyungh ciuq gij yienghsiengq huqco cietgaeuq guh boiz.

Diuz caetbak hajcib caet Bouxcuengqco caeuq bouxcoyungh ndaej iekdingh aen geizhanh guhco daengz geiz le huqco gvi byawz. Danghnaeuz mbouj iekdingh huqco gvi byawz roxnaeuz iekdingh mbouj cingcuj, gaengawq gij gvidingh diuz hajbak itcib aen fap neix lij dingh mbouj roengz ne, gij gienzgaemmiz huqco gvi bouxcuengqco.

Diuz caetbak hajcib bet Bouxnangqsaeh iekdingh aen geizhanh guhco daengz geiz le huqco gvi bouxcoyungh, bouxcoyungh gaenq gyau daih dingzlai cienzco, hoeng gyau mbouj hwnj gij cienzco lij lw de, bouxcuengqco vihneix gejcawz habdoengz soudauq huqco, gij gyaciz huqco soudauq neix mauhgvaq gij cienzco bouxcoyungh yiemq gyau haenx caeuq gij cienzyungh wnq, bouxcoyungh ndaej cingjgouz ndaej yiengh doiqdauq doxwngq.

Bouxnangqsaeh iekdingh aen geizhanh guhco daengz geiz le huqco gvi bouxcuengqco, aenvih huqco deng vaih、deng saet roxnaeuz bengxhab、doxgyaux gaiq wnq hawj bouxcoyungh boizdauq mbouj ndaej, bouxcuengqco miz gienz cingjgouz bouxcoyungh hawj gij dienzboiz hableix.

Diuz caetbak hajcib gouj Bouxnangqsaeh iekdingh aen geizhanh guhco daengz geiz le, bouxcoyungh dan aeu guhyiengh gyau di cienzhuq hawj bouxcuengqco, yawjguh gyau caez gij cienzco iekdingh le gij gienzgaemmiz huqco gvi boux- coyungh.

Diuz caetbak roekcib Habdoengz yungzswh coyungh mbouj mizyauq, bouxnangqsaeh couh gij yienghsaeh neix iekdingh huqco gvi byawz ne, ciuq iekdingh guh; mbouj miz iekdingh roxnaeuz iekdingh mbouj cingcuj, wngdang boizdauq huqco hawj bouxcuengqco. Hoeng, aenvih bouxcoyungh cauhbaenz habdoengz mbouj mizyauq, boux- cuengqco mbouj cingjgouz boizdauq roxnaeuz boizdauq le huqco mbouj baenz yungh lailai ne, gij gienzgaemmiz huqco gvi bouxcoyungh, youz bouxcoyungh hableix dienzboiz bouxcuengqco.

Cieng Cibroek Habdoengz Baujleix

Diuz caetbak roekcib it Habdoengz baujleix dwg gij habdoengz bouxcuengqcaiq dawz gij ngaenzsi venjbouh ndaw fwngz roxnaeuz yaek daengzfwngz de cienjnyiengh hawj bouxbaujleix, bouxbaujleix daezhawj yiengh fugsaeh yungzdoeng cienzngaenz、guenjleix roxnaeuz coisou gij ngaenzsi venjbouh、damqbauj bouxdawzcaiq ceihawj gij ngaenzsi gwnz bouh daengj.

Diuz caetbak roekcib ngeih Ndaw habdoengz baujleix baeznaengz sij miz yiengh maz yezvu、aen gvaengh fugsaeh、geizhanh fugsaeh、yienghsaeh habdoengz gaicawx goekdaej、gij saenqsik ngaenzsi venjbouh、cienzngaenz baujleix yungzswh roxnaeuz cienzngaenz fugsaeh caeuq baenzlawz hawj cienz daengj.

Habdoengz baujleix wngdang okcih guhbaenz.

Diuz caetbak roekcib sam Bouxcuengqcaiq caeuq bouxdawzcaiq gyajbien gij ngaenzsi venjbouh dangguh gaiqbiu, caeuq bouxbaujleix dinghlaeb habdoengz baujleix ne, bouxdawzcaiq mbouj ndaej aeu mbouj miz gij ngaenzsi venjbouh guh leixyouz doiqdingj bouxbaujleix, hoeng cawz ok bouxbaujleix mingz rox gyajbien.

Diuz caetbak roekcib seiq Bouxbaujleix okcih naeuz bouxdawzcaiq nyi gij ngaenzsi venjbouh de gaenq cienjnyiengh ne, wngdang gangj gij ndangfaenh bouxbaujleix caemhcaiq bengx miz gij baengzcingq noix mbouj ndaej de.

Diuz caetbak roekcib haj Bouxdawzcaiq roxndeq cienjnyiengh gij ngaenzsi venjbouh de le, gij ngaenzsi venjbouh bouxcuengqcaiq caeuq bouxdawzcaiq mbouj miz leixyouz cingqdangq doxyaeng gaijbienq roxnaeuz satdingz habdoengz gaicawx goekdaej, hawj bouxbaujleix ok yiengh mbouj ndei ne, doiq bouxbaujleix mbouj suenqsoq.

第七百四十九条  承租人占有租赁物期间，租赁物造成第三人人身损害或者财产损失的，出租人不承担责任。

第七百五十条  承租人应当妥善保管、使用租赁物。

承租人应当履行占有租赁物期间的维修义务。

第七百五十一条  承租人占有租赁物期间，租赁物毁损、灭失的，出租人有权请求承租人继续支付租金，但是法律另有规定或者当事人另有约定的除外。

第七百五十二条  承租人应当按照约定支付租金。承租人经催告后在合理期限内仍不支付租金的，出租人可以请求支付全部租金；也可以解除合同，收回租赁物。

第七百五十三条  承租人未经出租人同意，将租赁物转让、抵押、质押、投资入股或者以其他方式处分的，出租人可以解除融资租赁合同。

第七百五十四条  有下列情形之一的，出租人或者承租人可以解除融资租赁合同：

（一）出租人与出卖人订立的买卖合同解除、被确认无效或者被撤销，且未能重新订立买卖合同；

（二）租赁物因不可归责于当事人的原因毁损、灭失，且不能修复或者确定替代物；

（三）因出卖人的原因致使融资租赁合同的目的不能实现。

第七百五十五条  融资租赁合同因买卖合同解除、被确认无效或者被撤销而解除，出卖人、租赁物系由承租人选择的，出租人有权请求承租人赔偿相应损失；但是，因出租人原因致使买卖合同解除、被确认无效或者被撤销的除外。

出租人的损失已经在买卖合同解除、被确认无效或者被撤销时获得赔偿的，承租人不再承担相应的赔偿责任。

第七百五十六条  融资租赁合同因租赁物交付承租人后意外毁损、灭失等不可归责于当事人的原因解除的，出租人可以请求承租人按照租赁物折旧情况给予补偿。

第七百五十七条  出租人和承租人可以约定租赁期限届满租赁物的归属；对租赁物的归属没有约定或者约定不明确，依据本法第五百一十条的规定仍不能确定的，租赁物的所有权归出租人。

第七百五十八条  当事人约定租赁期限届满租赁物归承租人所有，承租人已经支付大部分租金，但是无力支付剩余租金，出租人因此解除合同收回租赁物，收回的租赁物的价值超过承租人欠付的租金以及其他费用的，承租人可以请求相应返还。

当事人约定租赁期限届满租赁物归出租人所有，因租赁物毁损、灭失或者附合、混合于他物致使承租人不能返还的，出租人有权请求承租人给予合理补偿。

第七百五十九条  当事人约定租赁期限届满，承租人仅需向出租人支付象征性价款的，视为约定的租金义务履行完毕后租赁物的所有权归承租人。

第七百六十条  融资租赁合同无效，当事人就该情形下租赁物的归属有约定的，按照其约定；没有约定或者约定不明确的，租赁物应当返还出租人。但是，因承租人原因致使合同无效，出租人不请求返还或者返还后会显著降低租赁物效用的，租赁物的所有权归承租人，由承租人给予出租人合理补偿。

第十六章  保理合同

第七百六十一条  保理合同是应收账款债权人将现有的或者将有的应收账款转让给保理人，保理人提供资金融通、应收账款管理或者催收、应收账款债务人付款担保等服务的合同。

第七百六十二条  保理合同的内容一般包括业务类型、服务范围、服务期限、基础交易合同情况、应收账款信息、保理融资款或者服务报酬及其支付方式等条款。

保理合同应当采用书面形式。

第七百六十三条  应收账款债权人与债务人虚构应收账款作为转让标的，与保理人订立保理合同的，应收账款债务人不得以应收账款不存在为由对抗保理人，但是保理人明知虚构的除外。

第七百六十四条  保理人向应收账款债务人发出应收账款转让通知的，应当表明保理人身份并附有必要凭证。

第七百六十五条  应收账款债务人接到应收账款转让通知后，应收账款债权人与债务人无正当理由协商变更或者终止基础交易合同，对保理人产生不利影响的，对保理人不发生效力。

（47 caengz sat）

（壮文稿由中国民族语文翻译局提供）