112. Cam:

Duzgvi ninz henz naz,

Ndi miz ga caeuq gyaeuj,

Caj fwnraq roengz daeuj,

De cix baeuh hwnj ndang.

Hoiz:

Aen si san ndaej ndei,

Lumj duzgvi gaeuzgaed,

Baez daengz roengz fwn naek,

Vunz cix goeb hwnj ndang.

113. Cam:

Soqmoeg mbouj doxhob,

Song guek caez hai bing,

Cungq bauq yiengj gigum,

Suenq ndi cing ndi cuengq.

Hoiz:

Suenqbuenz uengq gwnzdaiz,

Cawx gai aeu suenq soq,

Dik ceij yiengj goenjoq,

Suenq cingcuj cij dingz.

114. Cam:

Ok aen duenz mwngz cai,

Gijmaz byai soemsae,

Hawj de baez duet byak,

Hausak hoz caenh gyaez.

Hoiz:

De hwnj youq ndawndoeng,

Dungx gyoeng sang youh coek,

Sam nyied vat guh byaek,

Dwg rangz ndoek rangz faiz.

115. Seiq fueng miz cik lingz,

Miz sing youh miz siengq,

Baihndaw miz go ciengq,

Mwngz naeuz yiengh gijmaz?

(Densi)

116. Song boux caez bae mbanj,

Boux ganj boux bae gonq,

Boux dog byaij mbouj onj,

Ninz mbonq cix bingzbaiz.

(Song cik ga)

（16）