3 nyied 14 daengz 18 hauh, Cunghgoz Bauyez Hezvei Saujsu Minzcuz Digih Bauyez Fwnhvei 2022 Nienz Nienzhoih Caeuq Sinhvwnz、Lunvwnz Bauqceij(Vangjloz) Dieg Saujsu Minzcuz Cunghgoz Bingz- Ciengj Hozdung youq Yinznanz Swngj Sihsanghbanjnaz Daijcuz Swcicouh Gingjhungz Si gawjbanh. Bingzciengj seizneix gaenq ok gezgoj, bauq raeuz miz 3 gienh cozbinj ndaej it daengj ciengj.

Bauq raeuz soengq 《Cungj Fung- sug Gaeuq Ciengz Begsaeh Ndeu “Gwn Bae” 20 Lai Duz Cwzvaiz Gaenq Cawz Lo》(bouxraiz: Veiz Siugvanh Veiz Yingjcinh bouxbien: Cinz Yajniz)ndaej loih doengsaenq it daengj ciengj, 《Dawz Couqmaenh Gij Eiqsik Caezcaemh Cunghvaz Minzcuz Ndaem Haeuj Ndaw Sim Bouxcoz Nyezrauh Laeglaeg Bae》(bouxraiz: Vangz Yinz bouxbien: Yangz Lanzgvei) ndaej loih siusik it daengj ciengj, 《Yenzgiu Youq Ndaw Caetliengh Sang Cienzboq Minzcuz Digih Vwnzva Gij Cozyung Meizdij》(bouxraiz: Cinz Yajniz) ndaej loih lunvwnz it daengj ciengj, linghvaih miz 7 gienh cozbinj ndaej ngeih daengj ciengj.

Baez bingzciengj neix, gungh miz 48 gya meizdij 1335 gienh sinhvwnz cozbinj、123 gienh lunvwnz cozbinj camgya bingzciengj, ginggvaq bingz- veij bingzsaemj, miz 921 gienh sinhvwnz cozbinj、86 gienh lunvwnz cozbinj ndaej ciengj.

(bonj bauq gicej Mungz Sugij Cinz Yajniz Cinz Liengzswng/本报记者 蒙树起 覃雅妮 陈良胜）