自治区党委常委会召开会议

深入学习贯彻中央有关文件精神，对我区大兴调查研究进行部署安排

刘宁主持并讲话

3 nyied 16 hauh, Swcigih Dangjveij Cangzveijvei hai hoih, hagsib gvancez gij cingsaenz mizgven vwnzgen Cunghyangh, doiq gih raeuz hwngguh diucaz yenzgiu guh baij- bouh. Swcigih Dangjveij suhgi Liuz Ningz cujciz haihoih caemhcaiq gangjvah, giengzdiuh aeu dingjmaenh dawz cingsaenz Ngeihcib Daih Dangj guh dazyinx, haeujlaeg hagsib gvancez gij gangjvah youqgaenj Siz Ginbingz cungjsuhgi gangj gaiq hong diucaz yenzgiu haenx, gouz caen guh saed、caen ca gaenx guh, haenqrengz sij ndei bien faenzcieng Gvangjsih yiengh yendaiva Cung- guek, hwnqguh Gvangjsih gyaeundei seizdaih moq, vih Cunghvaz Minzcuz fukhwng hungmbwk dem rengz dem rongh.

Aen hoih vixok, Cibbet Daih Dangj doxdaeuj, aen Dangjcungh- yangh aeu Siz Ginbingz dungzci guh cehsim gig yawjnaek hong diucaz yenzgiu, Siz Ginbingz cungjsuhgi laegdaeuq gangjmingz diucaz yenzgiu cibfaen youqgaenj, vixok diucaz yenzgiu dwg giekdaej guh saeh、banhfap guh baenz saeh, giengzdiuh aeu hungzyangz gij conzdungj miznaj caeuq gij cozfungh maenhndei Dangj raeuz, coicaenh dangjyenz ganbu daegbied dwg lingjdaeuj ganbu daiq- daeuz haeujlaeg diucaz yenzgiu, laemxsim guh saedsaeh、naemj saed fap、gouz saed yauq. Daengx gih gak gaep gak bouhmonz aeu nyinhcaen hagsib roxyiuj, giethab saedsaeh bae guh, dingj aeu aen swhsiengj sevei cujyi miz Cungguek daegsaek seizdaih moq Siz Ginbingz daeuj dazyinx, cienzmienh gvancez gij cingsaenz Ngeihcib Daih Dangj, hopheux ronzdoeng hengzguh gij lijlun caeuq lohsienq fuengcim cwngcwz Dangj、gij gietdingh baij- bouh youqgaenj Dangjcunghyangh, gyarengz hwnghoengh conzdungj miznaj caeuq cozfungh maenhndei Dangj, haeujnaek aeu gaijgez gij vwndiz lawz caeuq baenzlawz gaijgez vwndiz, dawz hwng guh diucaz yenzgiu dangguh gij neiyungz youq- gaenj hagsib gvancez aen cawjdaez son’gyauq sevei cujyi swhsiengj miz Cungguek daegsaek seizdaih moq Siz Ginbingz, youq seizdaih moq gwnz roen moq yungh ndei diucaz yenzgiu aen dijbauj Dangj raeuz cienz roengzdaeuj haenx, caenh’itbouh cienjbienq gunghcoz cozfungh、maed- ciet lienzhaeh ginzcung、daezsang bonjsaeh hengzguh cizcwz、gyarengz cwzyin dawzrap, riengz bouxgaemdox fukhwng hungmbwk roemx baenaj maenhmaenh bae, mboujduenh hai- cauh yienghmoq hwnqguh Gvangjsih gyaeundei sevei cujyi miz Cungguek daegsaek seizdaih moq.

Aen hoih giengzdiuh, aeu ciuq Dangjcunghyangh baijbouh iugouz, cujciz lingjdauj ndeiraeuh hong diucaz yenzgiu gih raeuz, gohyoz cingcinj guh ndei gak aen hothoh fueng’anq sezgi、hengzguh ginggvaq、gamduk yawj cingzyauq daengj hong, doekdingh aen biujseizgan、doz- sienqloh haiguh diucaz yenzgiu gih raeuz. Aeu gaem cinj diucaz yenzgiu dwg iugouz gijlawz, gangj fuengfap、 gouz miz yauq caen, comzrengz coh gvancez hengzguh iugouz youqgaenj Gvangjsih “haj aen engq hung” caeuq gij cingsaenz youqgaenj baenz buek vixyinx hong Gvangjsih Siz Ginbingz cungjsuhgi daezok haenx, hopheux guhbaenz Gvangjsih gyaeu- ndei seizdaih moq caeuq giethab dieg raeuz cingzgvang hengzguh vwnzgen youqgaenj guekgya okdaiz Siz Ginbingz cungjsuhgi gvensim haenx, ra cinj fuengyiengq、senj ndei goqdaez、roengz daengz baihlaj、cimhra fuengfap. Gak gaep lingjdauj ganbu daegbied dwg Swcigih Dangj- veij cangzveij dungzci aeu daiqdaeuz guh diucaz yenzgiu, gaij ndei diucaz fuengfap, daiqdoengh gaep laj、guh yienghbanj ndei, sawj diucaz yenzgiu baenz bonjsaeh dangjyenz ganbu, baenz hong bingzciengz ganbu.

(Lanz Fungh/蓝 锋)