It

Daihhaij ngamqngamq ndiu, mwngz daiq rumzliengz caez ganj daengz.

Mwngz daeuj daengz, couh lumj gij minghlingh saenzsien siengq diuz bien gim ndeu, gyaep deuz doengh gij laepamq haenx.

Roeghaij ndonj gvaq ndaw mok gyanghaet, ndaw bak gamz naed caw luenz ndeu ciuz sing rwenzruru.

Gij sing go ndeidingq neix, hai ok gij gitgaz gig nanz youq ndaw ndang dou.

Gwnz mienhhaij gvangqyubyub, dou ciuq seiyungz saeklamz dazyinx, aeu ndaej swyouz, youh swng sang daengz lingh aen dohsang moq.

Youq ndaw sa naengh ndaej nanz le, dou hix naengh baenz naed sa ndeu, naengh baenz naed sa rox ngeixnaemj ndeu.

Ngoenz dem ngoenz gvaqbae, dou, lumj caekfwn yungz haeuj ndaw haij, lumj rumz ci haeuj ndaw rumz. Ciepsouh ciengxlwenx saemjcam, song dou mbouj miz saekdi gekliz, bienq- baenz ndaek rin ndongjndat ndeu.

Hoeng gop gop raemxhaij neix, dou youh sikhaek bienq ndaej unq- nemnem.

Gou dawz doengh gijneix, yo youq ndaw gyapbangx iqet.

Moengzmoengz loengzloengz, dou ndawsim gag vuenheij hoeng cix mbouj hawj bouxwnq rox, lumjbaenz hix dauqcungz miz damjliengh buq- langh bongh baenaj.

Caen bw, baez byaij youq diuz sienqhaenzhaij ngutngeu gyaeundei neix, couh yawjraen ciuhvunz dou yienh’ok gij yienghsiengq lumj duj vameizgveiq ronghsien、lumj dangzrwi diemzswd.

Gou caeuq mwngz, couh lumj duz bidlwg bok bae byuk gaeuq, doengz- seiz hix bued deuz gij raemhngaeuz laepyaenz gwnz dingjgyaeuj.

Dou daengx ndang ronghgywg- gywg, lumj gangfung gwnz haij ngamqngamq swng hwnj.

Ngeih

Ndit banhaemh ciuq raiqhaij, menhmenh doiq dauq daengz bya baihhaenx.

De dinghdingh doekcaem, mbaeumbeng youh menhmwd.

Lumj duzroeg baeg le mbwqmbat dingzyouq.

Rumz cififi, gij siengjfap maq- muengh deqgyawj baenzneix gaenjgip, youh baenzneix najseng.

Daihhaij iet ok diuzlinx raemx- langh, baez dem baez cup gij rizdin yuplau caeuq gij cimyawj najnyaenq dou.

Gwnz haij, gij rongh ronghndwen、ndaundeiq ingjciuq engq lai, caeuq gij vahyoux gangjsebseb dou.

Mwngz ngaemndang, bang gou lauz ok aen ronghndwen ndaw raemx.

Aen ronghndwen neix ha, lumj- baenz fagliemz aen geiqciet soundaej daxboh baenz haenx, lwenqmyanz- myanz, dawz aen sim gou, ciuq ndaej ronghyagyag.

Swnh gij ronghndwen neix, mwngz dawz gij vahmieng naekgywg- gywg haenx, cang haeuj ndaw saehaij bae. Cijaeu raemxhaij hwnjsang, couh ndaejnyi gij hoizwngq haenqrem.

Ndwn youq ndaw raemxgeujgaeq ronghcingx, gou rub aen sim gou dingh roengzdaeuj, vang diuzdig dinj ndeu, byoq ok gij vuenheij caeuq ndiepgyaez gou.

Mbaw faexyehswj iet ok diuz gen unqnem de, hopheux dou.

Ngumhngaeuz mbawfaex dauq- dingq gvaqdaeuj, cwdangj aen bak dou cingq dox cimhra haenx.

Daihhaij, cingqngamj youq seiz- neix, rox sim’eiq dou nei hawj dou cuengq roengz aen muq lamz ndeu.

Caemdingh seiz, duz ronghrib riuj aen daengloengz daeuj lo, baenz- neix lai, baenzlai rongh, dawz diuz roen dou baenaj caeuq dauqma, ciuq ndaej ronghsagsag.

Sam

Bya’gyoengq ndaem roengz laj- daej raemx, daiq deuz gij heiqsik nywjheu gwnz ndang mwngz.

Dou doxgek youq song mbiengj haij.

Mbouj miz mwngz buenx, gou gag boux vunz ndeu youq gwnz raiqhaij youzbyaij.

Ciengzseiz cimyawj mienhhaij, hawj gij raemxda siengjniemh lae haeuj ndaw haij, bienqbaenz gij gyu ronghliemliem.

Aen ruz cang rim sa ndeu, camhdingz youq henzhamq. Dou dox cimyawj, de naekgywggywg, hawj gou maqmuengh miz doiq fwed ndeu.

Daihhaij rox gou dandog, ciq gij sing ciuz roeghaij, caeuq gou camndei.

Seizneix, muenghyawj gizgyae, gij ngeixnaemj gou youq gwnz fwjhau rod bae rod dauq

Yaepyet, gou ndaej miz gij rengzak daihhaij mbouj liux mbouj cod.

Seiq

Gou daeuj nguh di lo. Daihhaij dingzdaengx ajngaeb, laep gij bwnda lamzsau de.

Mwh roeghaij vad gvaq gwnz dingjgyaeuj gou, ndaej nyinh ok gij rongh ndaundeiq caeuq raemxraiz gwnz fwed de.

Gij sing ciuz de lumjnaeuz daj ciuhgonq cienz daeuj, lumj daiq daeuj siusik ndei.

Caemj aeu raemxhaij, gou youq ndaw laep gyanghwnz sij saenq.

Dawz loqsiengj sij ndaej beij ndaundeiq lij deih, dawz siengjniemh sij ndaej beij feizloz lij ndongq.

Haj

Rumz ci dujfwj gwnzmbwn, ci ndaej soengsanq di lo. Gou youh dingqnyi sing yamqdin mwngz.

Lumj duzbya gyanghwnz hozhawq bae gyaep gij raemx laedeuz haenx, baenzneix gaenj, youh baenzneix mbaeu.

Mwngz daeuj lo, gwnz haij dauq- cawq dwg gij heiqsik vuenyungz.

Dou mbouj duenq cix doengzseiz riu lo.

Ronghndwen ciuq youq gwnz mienhhaij, dou gungj hwet, caez yawj bya’gyoengq ndaw haij ronghmyab- myab.

Gyoengqde daj ndaw ngumh- ngaeuz bonjfaenh youz okdaeuj, lumj mbangjdi swhgeij liz aenndang okbae, buekrengz youz coh doiqfueng bae.

Gyanghaemh yienghneix, caj ronghndwen ciuq doh dingjgyaeuj, gou yaek ciq gij lamzsau daihhaij, hawj swhgeij yungz bae.

Gou yaek bienqbaenz duz mbungqmbaj diuz fwed dog ndeu, youq ndaw cazva gyaeundei mwngz mbin bae mbin dauq.

Roxnaeuz, guh duz bya euqsingq ndeu, youq ndaw raemxlangh fanfoed mwngz, caemfouz, fubfeb.

Roek

Seizneix youh doxbungz, gou cij siengj guh song gienh saeh, gyaez mwngz, roxnaeuz ndaej mwngz gyaez.

Gou nyienh, dou dwg raemx caeuq hamq, miz doxbungq haenqrem, youh ndaej cwxcaih bae bauyungz.

Gou caeuq mwngz, doeksat yaek bienqbaenz lwed singjsien doiqfueng, mboujguenj seizlawz, cungj daj sim- daeuz daihhaij nyoenx ok, dox iemqhaeuj, youh dox baenz goek byai.

一

大海刚刚苏醒，你携清风一同赶来。

你的到来，像一道镶着金边的神谕，屏退了所有的黑暗。

鸥鸟穿过晨雾，嘴里衔着一粒珠圆玉润的鸣叫。

这宛如天籁的歌声，打开了我们身体里经久的桎梏。

辽阔的海面，我们顺从蓝色的丝绒的引领，获得的自由，又上升到另外一个新高度。

在沙子中间坐得久了，我们也坐成一粒沙子，坐成一粒有思想的沙子。

在时间的洗刷之下，我们，像雨滴融进了海水，像风吹进了风。接受恒久的拷问，我们之间没有一丝缝隙，成为彼此坚硬的石头。

但掬一把这海水，我们立刻又变得柔软起来。

我把这些，藏在小小的贝壳里。

恍惚之间，我们有了秘不可宣的喜悦，仿佛也重新拥有了飞身扑浪的勇气。

真的，一走在这曲线优美的海岸线，就看见命运向我们呈现玫瑰一样芬芳、蜂蜜一样甘甜的面目。

我和你，如同幼蝉脱去旧壳，同时卸掉了头顶上沉重的阴影。

我们一身光芒，像是海上刚刚升起的风帆。

二

夕阳吻着海滩，慢慢退回山的那边。

它的沉落无声无息，轻而缓。

像倦鸟归入寂寥。

微风吹拂之下，渴望接近的念头如此急切，又如此陌生。

大海伸出浪花的舌头，一次次舔吻着我们胆怯的脚印和羞涩的凝视。

海上，被投下更多的月色、星光，和我们的绵绵情话。

你俯身，替我捞出水里的月亮。

这一枚明月啊，如同收获季节父亲磨出的那把镰刀，莹莹皎洁的光辉，将我的心，照得透亮。

就着这月色，你将沉甸甸的盟誓，装进海螺。只要潮涨，就能听到热烈的回应。

站在透明的漩涡中，我抚平内心的激动，横一支短笛，将每一缕喜悦和爱恋吹进笛孔。

椰树叶伸出柔美的手臂，环绕着我们。

树影倒过来，遮住我们互相寻觅的唇。

大海，恰在此时，给我们落下了善解人意的深蓝的天幕。

在静默中，提着灯笼的萤火虫来了，那么多，那么亮，将我们的来路和归途，照得通明。

三

鱼群潜入水底，带走你身上青草的气息。

我们分隔于大海的两边。

没有你的日子，我一个人漫步海滩。

常常凝视海面，让思念的泪珠滚进大海，变成晶莹的盐。

一艘装满沙的船，暂停在岸边。我们互相对视，它的沉重，激起了我对翅膀的向往。

大海理解了我的孤单，借一只海鸟的鸣叫，向我转达问候。

此时，眺望远方，我的思绪在白云的翅膀上滑翔。

一瞬间，我拥有了大海无穷尽的力量。

四

我来晚了一些。大海停止了喘息，闭上蔚蓝的睫毛。

海鸟掠过我头顶时，能辨析翅膀上的星光和晨露。

它的叫声似从远古传来，宛如福音。

蘸着海水，我在漆黑的夜幕上写信。

把梦想写得比星星还要稠密，把思念写得比炉火还要旺盛。

五

风将天空的云朵，吹得松动了一些。我听见了你的脚步声。

像干渴的夜鱼追逐流逝的水，那么急，又那么轻。

你来了，大海上到处充盈着幸福的气息。

我们不约而同地笑了。

月亮落在海面上，我们弯腰，一同看海水里发光的鱼群。

它们从各自的影子里游出，像小部分的自己离开身体，奋力朝对方游去。

这样的夜晚，等明月的清辉洒满头顶，我要借海水的蓝，将自己融化。

我要化为单翅的蝶，在你诗意的花丛里自由穿梭。

抑或，做一尾任性的鱼，在你澎湃的波涛中，沉浮，荡漾。

六

今又重逢，我只想做两件事，爱你，或者被你爱。

我愿意，我们是水与岸的关系，有激烈的碰撞，又有自在的包容。

我和你，终将成为彼此新鲜的血，每时每刻，都从大海的心脏涌出，互相渗透，又互为因果。