Vunzmbanj Cinz Cunghbingz, dwg vunz Lozcwngz Mulaujcuz Swciyen Vangzginh Cin Caidau Cunh, ngamq hainduj, de mbouj saenq gunghswh dajndaem haeuxfusih ndaej baenzfouq, gunghswh guh senhconz fatdoengh, de nyinhnaeuz haenx dwg yaeuh vunz. Vihliux hawj gyoengq vunzmbanj saenq, Loz Cuimeij daiqlingx gyoengq boux gisuzyenz gunghswh, caenndang bae daengz Caidau Cunh guh guhyiengh dajndaem. Ndaej Loz Cuimeij naeksim bangcoh, Cinz Cunghbingz daiqlingx gij ranz gungzhoj ndaw cunh ndaem haeuxfusih binjcaet ndei haenx, bide couh ndaej soucingz ndei, doenggvaq aen bingzdaiz densangh bae gai haeux, vunz cawx lai, lij mbouj gaeuq gai dem, moix ranz cungj ndaej demsou 5000 maenz doxhwnj bae.

Loz Cuimeij naeuz: “Dwg ranz densangh giyez youq mbanj Mulauj ndeu, dou yaek doenggvaq cwngfuj daemxcengj caeuq swhgeij roengzrengz, dajcauh aen nungzyez binjbaiz miz daegsaek Lozcwngz, yinxhaeuj aen bingzdaiz siugai ndaw guek, gai gij nungzcanjbinj miz daegsaek Lozcwngz daengz daengx guek gak dieg bae, doengzseiz ciuyinx engq lai hohduetgungz bae caeuqfaenh guh yienhdaih nungzyez canjnieb, sawj engq lai hohduetgungz youq bakdou ranz couh ndaej cauhnieb guhhong, saedyienh baenzfouq demsou, gyamaenh gij cwngzgoj duetgungz, vih coinyoengx lajmbanj Mulaujcuz saenqhwng fazveih cozyung engq daih.”

Haj

“Yienznaeuz hainduj byaij diuz roen neix gvaqdaeuj gig dwgrengz, hoeng gou mbouj ienqhoij.Gou cauh aen densangh gunghswh guh seng’eiq, couh dwg ra diuz roen duetgungz ndeu, vih swhgeij, hix vih gyoengq beixnuengx ndaw mbanj Mulauj.” Dauqyawj diuz roen cauhnieb gannanz byaij gvaqdaeuj neix, Loz Cuimeij doenghsim danqheiq lailai.

Aen moenghsiengj densangh neix cungjsuenq ndaej saedyienh lo. Aen densangh gunghswh Loz Cuimeij, seizneix hix miz gij goengnaengz saenzgeiz lumj de mwh lij iq loqfangzhwnz raen diuz biensaenz bouxgeq byoemhau haenx. Seizneix, gij haeuxfusih、 haeuxyangznah、raetrang、raetmoeg- ngaex、gyaeqgaeq、makbwzyanghgoj、makmiz- houzdauz daengj doengh gij nungzcanjbinj miz daegsaek neix, mbouj dingz mbouj duenh gai daengz daengx guek gak dieg bae, ndaej daiqdoengh le gij canjnieb fanzcanj mbanj Mulauj.

Aen gunghswh Loz Cuimeij hix youz nyuenz aen bangunghsiz iq miz 50 bingzfanghmij gvangq ndeu, fazcanj daengz seizneix baenz aen densangh canjyezyenz ciemq dieg miz 20 moux gvangq ndeu.Ginghyingz fanveiz bauhamz dajcauh nungzcanjbinj daegsaek gihdi、 lajmbanj denswj sanghvu fuzvu、diuz lienh gunghawj nungzcanjbinj、cinwngz daih soqgawq bingzdaiz、sibinz doujyinh daengj.Boux- yenzgungh hix daj codaeuz song boux fazcanj daengz aen densangh donzdui miz bak lai boux. Linghvaih lij caeuq Binhdohdoh、Meijdonz daengj segih densangh doxgap, caezcaemh boiqguh, saedyienh le canjnieb suswva.

Seizneix, Loz Cuimeij youh buet youq gwnz roen saenqhwng lajmbanj. De doenggvaq saedhengz aen vunqsik yungzhab fazcanj “daengx aen meizdij hulenzvangj + dinghdan nungzyez + gihdi + it ngeih sam diuz lienh canjnieb ranzguhnaz” neix, bang- rengz doinyoengx nungzcanjbinj haeuj singz, bae daengz daengx guek gak dieg.

De youq Lozcwngz Dunghmwnz Cin Yungzmuz Cunh ok roek bak lai fanh maenz, dajcauh densangh dinghdan gihdi, daiqdoengh 50 lai ranz duetgungz, moix bi bingzyaenz demsou song fanh maenz doxhwnj, reihnaz faenhoengz bi bingzyaenz miz ngeih cib lai fanh maenz.

De saedhengz hagdangz giyez doxgap, ciuq aen yenzcwz “youhsi doxbouj、swhyenz caez yiengj- yungh、doxik song hingz、doengzcaez fazcanj” neix, caeuq Gvangjsih Gyauhdungh Cizyez Gisuz Yozyen ciemdingh doxgap hezyi, laebhwnj gij doxgap gvanhaeh ciengzgeiz、gaenjmaed, hawj giyez guenqhaeuj rengz moq, engqgya gaijndei gungganq vunzcaiz, cienzmienh okrengz bangcoengh guh hong saenqhwng lajmbanj.

De youq yienhsingz dieg anceiq ginzcung buensenj ——Mulauj Gyahyenz, ok ngaenz haibanh song aen cauhsi gwnz vangj laj vangj, daiqdoengh gij ranz duetgungz ginzcung buensenj haenx ndaej onjdingh couhnieb.

De dawz diuzroen gaisiu iet gyae dem gvangq, cingjhab vuzliuz, caez yungh caez boiq, aeu yienhsingz guh cungsim, soengq huq daengz cin daengz mbanj daengz ranz, mizyauq bae gaijgez le gij nanzdaez nungzcanjbinj haeuj singz.

Seizcin mbanj Mulauj, gizgiz gingjsaek seizcin noengznwt hoenghhwd. Gwnz bo, faex haz heuswd- swd; henz dah iq, raemx laelwtlwt; ndaw doenghnaz, sing goep swenjgotgot.

Ngoenzhaenx gou bae densangh gunghswh caijfangj Loz Cuimeij, de cingq caeuq gyoengq gunghcoz yinzyenz ndaw gunghswh nyaengq dwk dawz daeh dem daeh cehhaeux cang hwnj gwnz ci bae, baihgwnz aendaeh sij miz cihsaw “Cungh Ouh Senhnungz”, gyoengqde yaek soengq cehhaeux daengz aen haeuxfusih gihdi gunghswh youq Lozcwngz Vangzginh Cin Bwzswng Cunh haenx.

“Cijaeu haengj ndaemndai, cungj aeundaej souhaeuj.”Caijfangj sat le, Loz Cuimeij youh nyaengq dwk ganj bae daengz aen nungzcanjbinj gihdi lajmbanj.

Yawj aen baihlaeng Loz Cuimeij nyaengq- foenfoen byaij baenaj haenx, lwgda gou deng yinx haeuj benq nazhaeux gyae’gyangq ndeu bae. Gij gomiuz ndaw naz haenx, youq ndaw gingjsaek seizcin gyaeundei neix, majsang sadsad, yienh ok gij rengzsengmingh hoenghhwd de.(6 sat)

陈中平是罗城黄金镇寨道村的村民，刚开始不相信公司种植富硒米可以致富的宣传发动，认为那是骗人的。为了让村民们相信，罗翠美带领公司技术人员亲自到寨道村进行示范种植。在她的热心帮助下，陈中平带领村里的贫困户种植富硒优质稻，当年就获得了好收成，通过电商平台进行销售，供不应求，户均增收五千元以上。

罗翠美说：“作为仫佬山乡的一家电商企业，我们将通过政府的支持和自己的努力，打造罗城特色农业品牌，引进国内销售平台，把罗城特色农产品销往全国各地，同时吸引更多的脱贫户参与现代农业产业，使更多的脱贫户在家门口就能创业就业，实现致富增收，巩固脱贫成果，为助推仫佬山乡的乡村振兴发挥更大的作用。”

五

“一路艰辛，我无怨无悔。我创办电商公司，为的就是寻找一条脱贫致富的路，为自己，也为仫佬山乡的父老乡亲。”回顾艰难的创业历程，罗翠美感慨万千。

儿时的电商梦终于实现了。罗翠美的电商公司现在也有了她儿时梦中的白发老人那条神鞭一样的神奇功能。如今，罗城的富硒大米、本地糯玉米、香菇、木耳、土鸡蛋、百香果、红心猕猴桃等特色农产品纷纷插上电商的翅膀，源源不断地销往全国各地，直接或间接地带动了仫佬山乡的产业发展。

她的公司也由原来一间不足五十平方米的小小办公室发展到如今占地二十亩的电商产业园。经营范围涵盖农特产品基地打造、农村电子商务服务、农产品供应链、智能大数据平台、抖音直播等。队伍也由当初的两名员工发展到如今上百号人的电商团队。此外还和拼多多、美团等社区电商合作，共享共配，逐步实现产业数字化。

如今，罗翠美又奔波在乡村振兴的路上。

她通过实施“全媒体互联网+订单农业+基地+农户的一二三产业链”有机融合发展模式，助推农产品进城进区走向全国各地。

她在罗城东门镇荣木村投入六百多万元打造电商订单基地，带动脱贫户五十多户年均增收两万元以上，土地分红年均二十多万元。

她实施校企合作，本着“优势互补、资源共享、互惠双赢、共同发展”的原则，与广西交通职业技术学院签订合作协议，建立长期、紧密的合作关系，为企业注入新生力量，进一步优化人才培养，全面助力乡村振兴。

她在县城移民搬迁安置点——仫佬家园，投资创办两家线上线下实体超市，带动移民搬迁脱贫户稳定就业。

她实施电商渠道下沉，整合物流统仓共配，以县域为中心，配送到镇到村到户，有效地解决了农产品进城的难题。

春天的仫佬山乡，处处春意盎然。山坡上，草木苍翠；小河边，流水淙淙；田野里，蛙声飞扬。

我到电商公司采访罗翠美的那天，她正和公司的工作人员忙碌地将一袋袋写有“中欧鲜农”的稻种装上车子，准备送到位于罗城黄金镇北盛村的公司富硒米基地。

“只要肯耕耘，终会有收获的。”采访结束，罗翠美又匆忙地赶到乡下的农产品基地。

看着罗翠美匆忙的背影，我的目光被拉到很远很远的一片稻田。那稻田里的禾苗，在明媚的春光里，极力地向上生长，展现着蓬勃的生机。

（原载《广西文学》）