3 nyied 4 hauh doengxhaemh bet diemj, 《Aen Hoih Hung Fat Ciengj Hawj Bi 2022 Boux Gamjdoengh Cungguek》youq aen daiz cunghhoz Cunghyangh Densidaiz bo. Yangz Ningz, bouxsuhgi Dangjcungjcih、bouxcujyin Cunhveijvei Yungzsuij Myauzcuz Swciyen Anhcuiz Yangh Mbanj- gyanghmwnz ndaej senj guh bi “2022 boux gamjdoengh Cungguek”. Daihhag bizyez de couh ma ranzmbanj, doekrag lajmbanj cibsam bi, daiq vunzlai duetgungz byaijhaeuj lajmbanj saenqhwng. Saeh neix youq Yungzsuij gak gyaiq fanjyiengj hoenghhwd. Haemh de, vunzlai gak minzcuz Yungzsuij foenfoen yawj le aen hoih fat ciengj neix, caiq naeuz yaek hag bouxguhyiengh, hag guh senhcin, ciengj guh senhcin, ok rengz hwngfat ginghci gwnzbiengz ranzmbanj.

（Cinz Meij/覃 美 Cinz Veiyenz/陈慧娴 Gyaj Yizcinh/贾亦珍 Cau Siuhyauh/赵潇骁）