Sinhvazse Baekging 3 nyied 4 hauh dienh Cunghgoz Yinzminz Cwngci Hezsangh Veiyi Gaiq Cibseiq Daengx Guek Veijyenzvei Baez Hoih Daih’it 4 hauh lajbyonghngoenz youq Yinzminz Daveidangz heij hai. Doengh bouxlingjdauj dangj caeuq guekgya Siz Ginbingz、Lij Gwzgyangz、Liz Cansuh、Vangh Yangz、Lij Gyangz、Cau Lozci、Hanz Cwng、Cai Giz、Dingh Sezsiengz、Lij Hih、Vangz Gizsanh daengj naengh cujsizdaiz, angqhoh daihhoih ciuhai. Gaiq Cibsam Daengx Guek Cwnghez cujsiz Vangh Yangz daibyauj Cwnghez Gaiq Cibsam Daengx Guek Veijyenzvei Cangzvu Veijyenzvei doiq daihhoih guh baugau. Daengx Guek Cwnghez Gaiq Cibseiq Baez Hoih Daih’it cujsizdonz cangzvu cujsiz Vangz Huningz cujciz daihhoih.

Vangh Yangz daegbieg gangj daengz, Cunghgoz Gungcanjdangj Baez Ngeihcib Daengx Guek Daiqbiuj Daihhoih veh ok mbaw lamzdoz aeu yiengh yendaiva Cungguek bae cienz- mienh doinyoengx Cunghvaz Minzcuz fukhwng hungmbwk, caiq vix yiengq baenaj hawj gij saehnieb dangj caeuq guekgya hwngfat ndei. Yinzminz Cwnghez yaek dohdoengz gvancez Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz, laebdaeb haeujlaeg gvancez gij cingsaenz aen hoih Cunghyangh Cwnghez Gunghcoz Veiyi, nyinhcaen guhndei gak hangh ciznwngz, hengzguh gij yinzminz minzcuj ronzdoeng goekbyai, coicaenh lwglan Cunghvaz daih doxgiet, ok rengz moq bae guhbaenz gij moegbiu yinvu youz Cunghgoz Gungcanjdangj Baez Ngeihcib Daengx Guek Daiqbiuj Daihhoih doekdingh.

Ndaej Cwnghez Gaiq Cibsam Daengx Guek Veijyenzvei Cangzvu Veijyenzvei dakdoz, Daengx Guek Cwnghez Gaiq Cibseiq Baez Hoih Daih’it cujsizdonz cangzvu cujsiz Sau Hungz doiq daihhoih baugau gij cingzgvang hong daezanq Cwnghez Gaiq Cibsam. Haj bi doxdaeuj, gungh soundaej 29323 gienh daezanq, ging- gvaq saemjcaz laeb’anq 23818 gienh. Suenq daengz bineix 2 nyied daej, banh sat le 99.8% daezanq.