Sinhvazse Baekging 3 nyied 5 hauh dienh Gaiq Cibseiq Daengx Guek Yinzminz Daibyauj Daihhoih Baez Hoih Daih’it 5 hauh banhaet youq Bwzgingh Yinzminz Daveidangz heij hai. Gungh yaek daengz 3000 bouxdaibyauj Daengx Guek Yinzda gaiq moq mbaq dawz gij rapnaek yinzminz gyauhawj de bae hai baez hoihhoengh neix, nyinhcaen dawz ndei gij rap youqgaenj youz yenfaz caeuq faplwd dinghhawj. Siz Ginbingz、Lij Gwzgyangz、Liz Cansuh、Vangh Yangz、Lij Gyangz、Vangz Huningz、Hanz Cwng、Cai Giz、Dingh Sezsiengz、Lij Hih、Vangz Gizsanh daengj naengh cujsizdaiz. Gozvuyen cungjlij Lij Gwzgyangz daibyauj Gozvuyen doiq daihhoih guh cwngfuj gunghcoz baugau. Daihhoih cujsizdonz cangzvu cujsiz、cizhingz cujsiz Cau Lozci cujciz daihhoih. Gaiq Cibsam Daengx Guek Yinzda Cangzveijvei fuveijyenzcangj Vangz Cinz gangjmingz gij caujan coihcingq fap laebfap.

Lij Gwzgyangz youq ndaw baugau vixok, bi 2022, aen Dangjcunghyangh aeu Siz Ginbingz dungzci guhgoek neix doxgiet daiqlingx daengx guek gak cuz yinzminz roemx nanz bae guh, guek raeuz hwngfat ndaej baenzsaeh moq cungj mbouj ngaih saekdi. Bi gvaqbae neix, daengx bi swnghcanj cungjciz ndaw guek demmaj 3%, daengx bi cwnghcizsui louz dingj doiq gvaeh mauhgvaq 2.4 fanh ik maenz, 3200 fanh bouxduetgungz ndaej ok rog dajgoeng. Haj bi gvaqbae neix, eibaengh aen Dangjcunghyangh aeu Siz Ginbingz dungzci guhgoek neix lingjdauj rengzrwd, raeuz daengz seiz cix dwkhingz ciengz ciengq haenqrengz duetgungz, daengz seiz cix dohdaengz hwnqbaenz aen biengz siujgangh, guhbaenz gij moegbiu buekguh aen bak bi daih’it, hwnjdin byaij diuz roen moq bae guhbaenz gij moegbiu buekguh aen bak bi daih- ngeih. Haj bi gvaqbae neix, swnghcanj cungjciz ndaw guek bingzyaenz bi demmaj 5.2%; haeuxgwn canjliengh lienzdaemh onjdingh ndaej 1.3 fanh ik gaen doxhwnj; hawsingz caiq demgya couhnieb 1352 fanh boux; ginggvaq haenqrengz guh bet bi, gungh yaek daengz ik boux vunzgungz lajmbanj ndaej duetgungz.