82. Doek bae lumj duzreiz,

Gip ma baenz aenbeiz.

(Ndaem byaekgat)

83. Faggiemq song mbiengj raeh.

(Mbaw’em)

84. Gijmaz daenj mauhfaz,

Ngoenzngoenz ra gwn namh.

(saenaz)

85. Gijmaz song gyaeuj soem,

Roengz fwn de couh ok.

(Duzndwen)

86. Duzgoep youq congh rin,

Rumz fwn de rox heuh.

(Aekex)

87. Ndang mbouj miz ndok,

Rog mbouj miz nyinz.

Gwn boux vunz ranghlix.

(Duzbing)

88. Aen ceuj youq bangx naux(bo),

Fwn doek laux mbouj rim.

(Rongzroeg)

89. Cibngeih duz mou iq,

Daeuj henzrij gwn mok,

Imq youh rueg,

Iek youh gwn.

(Loekraemx)

90. Sau:

Bouxlawz caux aenyienz raeuz nduj?

Bouxlawz caux duhyoux raeuz gonq?

Bouxlawz caux mbonq ninz gyanghaemh?

Bouxlawz caux daengq naengh gyangngoenz?

Bouxlawz caux ranzdoz yietnaiq?

Bouxlawz caux dazfaiq daemj baengz?

Gizlawz caux ranz cunz guh saeq?

Bouxlawz caux bakmaeq geuxndaeu(maklangz)?

Bouxlawz caux song raeuz vuenh domq?

Mbauq:

Ingdaiz caux aenyienz raeuz nduj,

Sanbek caux duhyoux raeuz gonq,

Duzsien caux mbonq ninz gyanghaemh,

Bouxsaeq caux daengq naengh gyangngoenz,

Roen gyae caux ranzdoz yietnaiq,

Yahgeq caux dazfaiq daemj baengz,

Gyang nganx caux ranz cunz guh saeq,

Ciuhgonq caux bakmaeq geuxndaeu(maklangz),

Samcej caux song raeuz vuenh domq.

（12）