Sinhvazse Baekging 2 nyied 23 hauh dienh Cunghgung Cunghyangh cungjsuhgi、Gozgyah cujsiz、Cungh- yangh Ginhveij cujsiz Siz Ginbingz geij ngoenz gonq guh cijsi youqgaenj vixok, bineix dwg bi Mauz Cwzdungh daengj ban gwzminggyah geq raiz saw ciuheuh vunzlai hag Leiz Fungh dungzci ndaej 60 hopbi. 60 bi doxdaeuj, daengx guek laebdaeb haeujlaeg guh yienghsaeh hag Leiz Fungh, bouxboux cungj rox gaiq mingz Leiz Fungh, bouxboux geiqndaej gij saeh Leiz Fungh, Leiz Fungh cing- saenz haeuj ndaw uk lwglan Cunghvaz daih liux daih dem. Doengh gij saeh gaenq guhbaenz de cwngmingz, mboujguenj seizdaih baenzlawz bienq, Leiz Fungh cingsaenz cungj mbouj gvaqseiz.

Siz Ginbing daegbied gangj daengz, youq gwnz roen moq, yaek laegdaeuq gaemdawz gij ndawhamz seizdaih Leiz Fungh cingsaenz, laindei hawj dangjyenz、ganbu guhyiengh guhgyaeuj, gyarengz gyaak baujcang caeuq haeujcoengh gagnyienh fug- saeh, mbouj dingz mbouj duenh hawj gij doih hag Leiz Fungh gagnyienh fugsaeh ndaej hwngfat gyaak, hawj vunzlai daegbied dwg bouxcoz nyez- rauh bouxboux maij hag Leiz Fungh, hawj vunzlai youq bingzciengz guh、gingciengz guh yienghsaeh hag Leiz Fungh, hawj Leiz Fungh cingsaenz youq seizdaih moq lai hwng lai hoengh dem, vih cienzmienh hwnqguh aen guekgya sevei cujyi yendaiva、cienz- mienh doicaenh Cunghvaz Minzcuz fukhwng hungmbwk bae gyonjcomz rengz hung.

2 nyied 23 hauh, aen hoih naenghgangj “daih dam daih swnj- cienz Leiz Fungh cingcaenz roengz- bae——geiqniemh Mauz Cwzdungh daengj ban gwzminggyah geq raiz saw ciuheuh vunzlai hag Leiz Fungh dungzci ndaej 60 hopbi”youq Baekging hai. Baez hoih neix lwnh le gij cijsi youqgaenj Siz Ginbingz hawj vunzlai rox.

Cunghgung Cunghyangh Cwng- cigiz cangzveij、Cunghyangh Suhgicu suhgi Cai Giz camgya hai hoih caemhcaiq gangjvah.

（ciuq《Gvangjsih Yizbau》）