“Gou youq mbanjranz hai cauhsi, mbouj rox vih gijmaz lienzlienz goembonj.”

“Lozcwngz dieg bienbik, gij vunz ndaw singz noix, siugai soqliengh mbouj hung, hai cauhsi gai doxgaiq ndipmoq mbouj siedbonj cij gvaiq ne!”

“Doengzyiengh dwg raemx saw bya heu, gij caetliengh doxgaiq reihnaz Gvangjsih hix gig ndei, vihmaz bouxwnq ndaej dawz daeuj vuenh cienz, gij doxgaiq ndei ranzmbanj mwngz cij swhgeij gag siuvaq ne?”

“Mwngz vihmaz mbouj ndaej guh denswj sanghvu, gai ok rog bae ne?”

Rox daengz gij cingzgvang Loz Cuimeij youq yienhsingz guh aen cauhsi gai doxgaiq sengndip moq le, gyoengq cejnuengx de genyi de gaijbienq ginghyingz fuengyiengq, guh denswj sanghvu.

Daj Cezgyangh dauqma le, Loz Cuimeij gietdingh roengzcienz youq yienhsingz guh denswj sanghvu.

De gienh saeh neix yinxhwnj haujlai vunz gangj neix gangj haenx.

“Guh gijmaz denswj sanghvu, bae gai ranz daeuj cienz lij vaiq!”

“Youq lajmbanj guh denswj sanghvu, mwngz dwg mbouj dwg fatbag lo?”

Doiq gyoengq baengzyoux caeuq vunzranz gienqbyah, Loz Cuimeij mbouj doenghngauz gij naemjfap de.

2016 nienz 9 nyied, Loz Cuimeij youq Loz- cwngz cucwz laebbaenz le aen densangh gunghswh daih’it ——Gvangjsih Cungh Ouh Senhnungz Den- swj Sanghvu Youjhan Cwzyin Gunghswh.

Gunghswh cujyau guh gij hong fugsaeh yienh- daih nungzyez swnghcanj gaxgonq、swnghcanj ndawde、swnghcanj gvaqlaeng haenx, bang nungz- hoh gunghawj gij fugsaeh nungzcanjbinj swnghcanj byauhcunjva gisuz、nungzswh gunghawj、ginhyungz fuzvu diuz lienh lienzciep、lajmbanj denswj sanghvu、nungzcanjbinj riuzdoeng. Gunghswh yungh aen ginghyingz vunqsik “vangjdoxlienz + dingh dan nungzyez + gihdi + ranzgungzhoj” neix, supsou caeuq daiqlingx ranzgungzhoj gyahaeuj hozcozse bae itheij duet gungz bienq fouq.

Sam

Gunghswh ngamq laebbaenz, Loz Cuimeij yungh haujlai cienz youq Ginghdungh、Dauzbauj daengj aen densangh bingzdaiz guh gvangjgau, maqmuengh doenggvaq cauhguh liuzlieng bae daiq- doengh siugai soqliengh. Doeklaeng, geij cib fanh maenz cienz gvangjgau cuengq okbae, gunghswh siugai niebcik itbuen, mbouj raen beij gaxgonq ndei geijlai.

“Baenzlawz dwg yienghneix? Vwndiz dauqdaej ok youq gizlawz?” Doiq gij vwndiz neix, Loz Cuimeij gag gangj gag cam swhgeij, mbouj rox baenzlawz guh.

“Cezgyangh baihde, densangh fatdad, haengj- dingh miz gingniemh ndei lai. Mwngz bae baihhaenx byaijbyaij yawj, gangj mbouj dingh yaek ra daengz dapanq vwndiz ne!” Miz vunz genyi de ok rog bae aeu gingniemh.

Yienghneix, Loz Cuimeij bae Cezgyangh aeu gingniemh.

Youq Cezgyangh Dayoz Gvanjlij Yozyen, Goz Hungzdungh gyausou baez vah ndeu, doiq de yingjyangj gig daih.

“Mwngz youq yienhsingz hainduj guh densangh lajmbanj, cijaeu guh diuzlienh gunghawj canjbinj couh ndaej, ciengeiz gaej roengzngaenz guh den- sangh bingzdaiz.” Goz gyausou cekgej naeuz, yaek guh ndaejbaenz denswj sanghvu lajmbanj, ceiq youqgaenj dwg swnghdai nungzcanjbinj aeu miz daegsaek, caeuq diuz lienh canjyez haeujlaeg gyagoeng haenx.

Dauqma le, Loz Cuimeij dawz gunghswh dinghvih baenz “densangh lajmbanj bonjdieg”, caemhcaiq doiq gij gvangjgau mizgven densangh bingzdaiz, haidaeuz byaij hwnj diuz roen cauhnieb densangh gannanz haenx.

Mwh gunghswh ngamq laebbaenz, dieg banh- goeng seiqcib bingzfuengmij haenx ngamq miz song boux yenzgungh, boux ndeu guh hong bien cihsaw, lingh boux dwg boux bangfwngz swhgeij. Loz Cuimeij laebdaeb roengzcienz 20 fanh maenz beizyin gij gunghyinz daj baihrog daeuj haenx. Hawj de nyapnyuk dwg, gyoengq yenzgungh de sinsin hojhoj beizyangj haenx ngamq sug hong guh baenz cingzcik couh deng bouxwnq vat deuz lo.

“Duenh seizgan haenx caen dwg ndang naiq rengz liux, gou rox youq lajmbanj caeuq vunzmbanj doxgyau, gij densangh gisuz caencingq haenx lij aeu ciennieb vunzcaiz daeuj guh.” Dauqngeix duenh saedceij gannanz gunghswh ngamq laebbaenz haenx, Loz Cuimeij danqheiq mbouj dingz.

Loz Cuimeij siengj banhfap ungganq boux densangh vunzcaiz bonjdieg.

De ciu ndaej seiq cib lai boux yenzgungh camgya bingzciengz yinyingz.

Codaeuz, gyoengq yenzgungh neix ciengzseiz okyienh gij loekcak cienz mbaw siengq mbouj cingcuj.

De cingj ciennieb gisuz yinzyenz dazyinx gyoengqde “byaij roen”, son gyoengqde yungh dennauj、guh danfathuq denswj caeuq gij ginwngz fat sibinz dinj.

Haujlai yenzgungh, ngamq haeuj gunghswh mboujdan mbouj rox hai dennauj, couhlienz veihsin cungj caengz yungh gvaq. Doenggvaq guh cauhcoz ginwngz beizyin le, seizneix doengh gij yenzgungh neix mboujdan ndaej suglienh rox guh danfathuq denswj, lij youq seizhoengq ingj sibinz dinj fat youq gwnz vangj.

Fanz saeh cungj aeu bumhbax. Canjbinj baucang mbouj gaeuq hab seizhwng, Loz Cuimeij couh dakhawj conhyez gunghswh guh. Baenzlawz sawj gij siengq cienz gwnz vangj haenx engqgya gyaeundei, Loz Cuimeij youq gwnz vangj gag hag ndaej ndwen ndeu cij loengh mingzbeg. Huq- vaiqsoengq fatok le, mbangj di bouxcawx mbouj ciemsou vaiq cauhbaenz canjbinj nduknaeuh. Yienghneix, Loz Cuimeij youq fat huq le gig vaiq couh fat saenqsik hawj bouxcawx, daezsingj bouxcawx gibseiz haeujsim gij saenqsik vuzliuz……Itcig daengz seizneix, Loz Cuimeij lij baujlouz gij sibgvenq miz hoengq couh bae Cezgyangh “aeu gingniemh” haenx.

（3）

“我在家乡开生鲜超市，不知道为什么连连亏损。”

“罗城地处偏僻，城区人口少，销售量不大，开生鲜超市，不亏损才怪呢！”

“同样是绿水青山，广西的农特产品质量也很好，为什么别人可以拿来换钱，你家乡的好东西却只能自己消化呢？”

“你为什么不可以做电子商务，向外销售呢？”

了解到罗翠美在县城经营传统的线下生鲜超市的情况后，她的姐妹们建议她改变经营方向，做电子商务。

从浙江回来后，罗翠美决定在县城投资电子商务。

这件事引起了不小的波澜。

“做什么电子商务，干脆去炒房来钱快！”

“在农村做电商，你是不是疯了？”

面对朋友与家人的劝阻，罗翠美的想法没有动摇。

2016年9月，罗翠美在罗城注册成立了第一家电商公司——广西中欧鲜农电子商务有限责任公司。

公司主要从事现代农业产前、产中、产后的全程服务，为农户提供农产品生产标准化技术、农资供应、金融服务链接、农村电子商务、农产品流通等服务。公司采取“互联网+订单农业+基地+贫困户”的经营模式，吸纳和带领贫困户加入合作社抱团脱贫致富。

三

公司成立之初，罗翠美花了很多钱在京东、淘宝等电商平台投放广告，希望通过制造流量带动销量。结果，几十万元广告费投了出去，公司销售业绩平平，不见起色。

“怎么会是这样？问题到底出在哪里？”面对问题，她自言自语，不知所措。

“浙江那边电商发达，肯定有不少的好经验。你到那边走走，说不定会找到问题的答案呢！”有人建议她外出取经。

于是，罗翠美赴浙江取经。

在浙江大学管理学院，郭红东教授的一番话对她影响很大。

“你在县城起步做农村电商，只做产品供应链即可，千万不要投资电商平台。”郭教授解释说，农村电子商务成功的关键在于独特的生态农产品，以及深加工的产业链。

回来之后，罗翠美将公司定位为“本土农村电商”，并撤下了相关电商平台的广告，开始了艰难的电商创业之路。

公司刚成立时，四十平方米的办公区只有两名员工，一名负责文字编辑，另一名是自己的助理。罗翠美相继投入二十万元培训外来员工。令她苦恼的是，辛辛苦苦培养的员工刚作出成绩便被别人挖走了。

“那段时间真的是筋疲力尽，自己的强项在于下乡与村民打交道，真正的电商技术还需要专业人才来操作。”回忆公司刚成立的那段艰难的日子，罗翠美感叹不已。

罗翠美想出孵化本土电商人才的策略。她招聘了四十余名员工参与日常运营。起初，这些员工经常出现上传照片不清晰等低级错误。

她聘请专业技术人员引导他们“走路”，手把手教他们使用电脑、制作出电子发货单及发短视频的相关技能。

许多员工，刚进公司时不仅不会操作电脑，甚至连微信都未使用过。通过操作技能培训之后，如今这些员工不仅可以娴熟地制作出电子发货单，还会在闲暇时间拍摄短视频发在网上。

凡事都得摸索。产品包装不够时尚，罗翠美便委托给专业的公司。如何使上传的照片更加美观，罗翠美上网自学了一个月才弄明白。快递发出后，一些客户没有第一时间签收导致产品腐坏。于是，罗翠美在发货后迅速发短信给买家，提醒对方及时关注物流信息……直到现在，罗翠美还保留着一有空便去浙江“取经”的习惯。