原文（Hoh saw daj Cinz Cunghsiz《Gvaq Cieng, Gij Sing Bauq Ranzmbanj Saedyienh Aen Loq》 aeu）：

我突然明白过来，农民圆了千百年的梦——吃饱了！就是在这一年里，土地下户给农民自己作务，一年便获得缸溢囤满的丰收，从年头到年尾只吃纯粹的麦子面馍了，农民说是天天都在过年。这炮声在中国灞河两岸此起彼伏经久不息地爆响着，是不再为吃饭发愁的农民发自心底的欢呼。

译文：

1

Gou sawqmwh mingzbeg gvaqdaeuj, bouxguhnaz saedyienh aen loqsiengj cien bak bi——Gwn imq lo. Youq bineix gvaqdaeuj, dieg reih naz faen hawj bouxguhnaz gag guh, bi ndeu couh ndaej fungsou baenz gang baenz mbung, daj goekbi daengz byaibi cij gwn ndaej daengz ceiz megmienh mbouj cab gij wnq lo, bouxguhnaz naeuz gijneix ngoenz- ngoenz lumj dwg gvaq cieng. Gij sing bauq neix yiengj youq henzhamq diuz Dahbahoz sing sang sing daemq mbouj dingz mbouj duenh, lumj dwg bouxguhnaz mbouj you gwn mbouj you daenj haenx daj ndawsim fat ok gij sing angqhemq.

（上林县 Lanz Vujgenh/蓝武坚）

2

Gou fwt roxnyinh naeuz, gij seizdaih lwgminz angq muengh gwn imq daeuj daengz lo. Youq bi haenx, baen reihnaz daengz ranz hawj gak hoh gag guh. Daengz seizsou haeux rim gang (cang) rim loz, daj goekbi daengz byaibi, ngoenzngoenz gwn mienhmoz loengh byaek noh soengq, lwgminz bouxboux angq, cungj gangj naeuz ngoenzngoenz dwg haemh- ndaep. Gij sing bauq youq Dahbahoz Cunghguek song mbiengj bizbanz nanznanz ndi daengx. Gij sing bauq neix angqsaengx naeuz ndawsim lwgminz ngoenzneix raeuz gwndaenj vuenyungz lo!

（都安瑶族自治县 Goengvuj/武 公）

3

Gou sawqmwh mingzbeg gvaqdaeuj, nungzminz ndaej cauhbaenz le aen loq- siengj cien bak bi doxdaeuj lo——Ndaej gwn imq lo! Couhdwg youq bi neix, reihnaz faen roengz gak hoh hawj gyoengq nungzminz swhgeij dajleix le, ngamq bi ndeu couh ndaej fungsou daengz gang roenx cang rim bae, daj nienzco daengz nienzdaej cij gwn gij manzdouz yungh mienhmeg cingh guh baenz haenx lo, nungzminz naeuz neix lumj ngoenzngoenz cungj dwg gvaq cieng nei. Gij sing bauqrengh youq song hamq Dahbahoz Cungguek hwnjhwnj roengz- roengz, nanznanz mbouj dingz, neix dwg gij hemqriu angqyangz gyoengq nungzminz mbouj caiq yousim gwndaenj le daj ndaw- sim fat ok.

（宾阳县 Veiz Yujyungj/韦汝永）

4

Gou sawqmwh roxnyinh gvaqdaeuj, gij loq nungzminz luenz ndaej cien bak bi——Gwn imq lo. Couhdwg youq bineix, diegdoem roengz hoh hawj nungzminz gag guh, baenzbi coux ndaej gang haeux rimrim roenxroenx daih fungsou. Daj gyaeujbi daengz riengbi caenh gwn mienhceiz aeu meg guh haenx. Nungzminz naeuz ngoenzngoenz cungj dwg gvaq bi. Gij bauq neix youq song bangx Dahbohoz Cunghgoz yiengj mbouj dingz. Gij neix dwg nungzminz youq ndawsim angqhemq mbouj yungh caiq vih mij haeux gwn haeujheiq.

（Ah Hungz/阿 鸿）

5

Bauq cieng dek (yiengj) bizbanz,

Gou fwt nyinh gvaqdaeuj;

Fangzhwnz muengh (gwn) daenj raeuj,

Couh daeuj raen ciuhneix.

Reih baen daengz gak hoh,

Minz angq con reihnaz;

Doek ceh daengz hai va,

Gihgaiva bang guh.

Daengz seiz ndaej souhaeuj,

Haeux rim cang rimhoz;

Bouxboux riuhoho,

Gyo gaijgwz hailangh.

Haet daengz seiz gwn ngaiz,

Baij rim congz noh byaek;

Haemh daengz mbwn caengz laep,

Byaek noh ngaiz lingh (mienhmoz noh) moq.

Bi seiqgeiq haethaemh,

Ngoenzngoenz faengz gvaq cieng;

Mbwk sai bouxboux yiengh,

Daengx biengz angq fatcaiz.

Byawz gag dieg Bahoz,

Daengx Cunghgoz lwgminz;

Daenj ndei dungx youh imq,

Sim van gvaq gwn dangz.

Bauq cieng yiengj doengx deih,

Naih ngeix sim naih van;

Haemhndaep bauq luemj manz,

Danq dangj cwngcwz ndei.

（都安瑶族自治县 Lanz Gozvuj/蓝国武）