It

De dwg boux vunz bingzciengz ndeu, cix guh baenz aen saehnieb hawj vunz byoengqda yawj haenx. De mboujdan gag cauhnieb ndaej baenz, lij daiqdoengh le gyoengq vunzlai gungzhoj dangdieg byaij hwnj diuzroen duetgungz bienqfouq bae. De ndaej bingzguh Hozciz Si cib boux coz maenh’ak、Gvangjsih boux daudwz mozfan, aeundaej Gvangj- sih duetgungz gunggeng boux senhcin goyinz fungyen ciengj, lij ndaej senj haeuj “Buengj Vunz- ndei Cungguek”.

De couh dwg Loz Cuimeij, boux dahsau Mulaujcuz youq bonjdieg sengmaj ndeu.

Gunghswh de dwg aen densangh gunghswh ndeu, de dwg aen densangh gunghswh mbanj Mulauj laebbaenz ceiq caeux ndeu, aen gunghswh neix youq baihsae aensingz Lozcwngz Mulaujcuz Swciyen, aen dieg anceiq banggungz dieg wnq senj daeuj haenx ——Mulauj Gyahyenz.

Gou daeuj daengz aen gunghswh de caijfangj de.

De vunz mbouj sang mbouj daemq, aennaj hoengzmaeq, lwgda ronghsag, yawj aen naj de couh rox de dwg dahsau coengmingz caeuq maenh’ak ndeu. Gou lij yawjraen, gij singq gipgip muengz- muengz de caeuq gij yienghceij caemcingh de mbouj dawzbanj saek di.

Lozcwngz Mulaujcuz Swciyen youq baih- saebaek Guengjsae, dwg daengx guek aen Mulaujcuz swciyen dandog miz ndeu, youq ndaw guek raeuz, dingzlai Mulaujcuz comz youq gizneix. Liz aen yienh Lozcwngz daihgaiq miz song leix loh gyae, miz aen mbanj Mulaujcuz ndeu, heuhguh Daloz Cunh.Seiqcib bi gaxgonq, Loz Cuimeij couh doekseng youq Daloz Cunh aen ranz nungzminz ndeu.

Daloz Cunh, dieg deihleix ndei, mbanj gyawj yienhsingz; gyaudoeng diuzgen bienhleih, Loz (Lozcwngz)Liuj (Liujcwngz)ngeih gaep goengloh ndonj gvaq ndaw mbanj.

Laeng mbanj lij miz diuz dah iq ndeu, raemxdah sawdikdik, gij swhyienz vanzging seng- cingz gag miz neix, hawj gyoengqvunz ciengx bitraemx caeuq ndaem byaek ndei dangqmaz. Aenvih diegyouq ndei, gyaudoeng bienhleih, swyenz vanzging daegbied, Daloz Cunh bienqbaenz le aen “suenva laengranz” gunghawj doxgaiq nungzyez yienhsingz ndeu.

“Lwgnyez bouxhoj dangranz caeux”, mwh Loz Cuimeij lij saeq, ndaw ranz de gungzhoj dangqmaz, de lij saeq couh rox bang bohmeh guh hongranz, bang bohmeh dawz gij byaek ndaw ranz ndaem baenz haenx rap bae haw gai, mboujguenj seizdoeng ndwenlab roxnaeuz dwg seizhah hwngqndat, de cungj yawjhen aen danbyaek ranz de.

Gij saeh seizdoeng ndwenlab yawj aen danbyaek, youq ndaw uk Loz Cuimeij geiq ndaej ceiq maenh ceiq laeg. Ngoenz nit ndeu, de boux ndeu souj danbyaek ranz de. Mbanjmulauj, youq dieg bakrumz baihnamz Goengqbya Goujfanh, seizdoeng rumz daegbied hung, rumznit boqhuhu, duk gij naed siet iq haenx, coemj gwnz naj vunz daeuj, youh nit youh manh.

De gwnz ndang buhvaq mbangmbi, deng rumznit ci dwk naj nding rwz dit, ga saenzdwddwd bae. Caenhguenj simgaenj, hoeng lij caengz ndaej gai byaek okbae.

Miz baez ginglig ndaw rumznit gai byaek neix, de couh ciengzseiz siengj: Dieg mbanj youq diegbya bien’gyae, vunz haemq noix, siufeiq naengzlig mizhanh, danghnaeuz miz diuz roenloh siugai ndaej ok ndawrungh bae, ndaej dawz gij byaek moq mbanjranz gai okbae, mbouj yungh youq ndaw rumznit haemz caj haemz deq baenzlai dwg geijlai ndei ha!

Doengxngoenz ngeix lai, doengxhaemh couh fangzhwnz. Haemhneix, Loz Cuimeij guh le aen fangzhwnz geizheih daegbied ndeu. Gwnz hawbyaek, gyoengq vunzndaembyaek gag hen aen danbyaek ranz swhgeij. Aenvih byaek gai mbouj okbae, daihgya cungj siengsim dwk daej hwnjdaeuj. Sing daej yied daeuj yied hung, mbin daengz gwnz mbwn bae. Mbat yaep, boux vunzgeq byoem hausak ndeu fwngz dawz diuz faexbiensaenz, daj gwnz mbwn byaij roengzdaeuj. Bouxgeq cam daihgya, sou vih gijmaz daej ndaej baenzneix siengsim? Gyoengq vunz- ndaembyaek naeuz, aenvih byaek dou cungj gai mbouj okbae. Bouxgeq riunyumnyum naeuz, gijneix ndei guh. Cij raen bouxgeq mbat faet diuz faex- biensaenz, gij byaek gwnz danbaek haenx couh swnh rumz mbin gvaq gwnz bya hung, mbin daengz gwnz hawciengz hung baihrog bya bae, gyoengqvunz rogbya doxciengj cawx byaek, mbouj geijlai nanz, byaek couh gai liux lo. Goenggeq youh faet baez faexbien ndeu, gij cienz gai byaek ndaej haenx, mbaw riengz mbaw mbin daengz ndaw fwngz bouxgeq. Bouxgeq dawz cienz baen hawj daihgya liux le, youh mbin daengz gwnz mbwn bae.

Diuz faexbiensaenz haenx leixhaih lai ha! De youq ndaw fangzhwnz ndiu daeuj, gag nam naeuz.

Neix dwg aen fangzhwnzloq seiz iq Loz Cuimeij, yienznaeuz seizhaenx de lij mbouj rox miz densangh diuz roenloh neix, hoeng aen loqsiengj neix gaenq yaenq youq ndaw uk de laeglum bae.

Ngeih

Loz Cuimeij daj iq couh dwg boux vunz haengj ngeixnaemj cungjgez ndeu. Gij ginglig ndaw rumznit gai byaek, hawj de roxyiuj le aen monzloh guh seng- eiq ndeu: Nit cawx ndat gai.

Ngoenz nit ngoenz doekfwn, byaek mbouj ndei gai, nanz rap dauq ranz, haujlai vunzndaembyaek daj ndaw bya daeuj haenx, cungj gai cienh byaek bae, yaek ndangsoeng dauq ranz. Seizneix, gyonj- comz byaek neix cawx ma, caiq gai hawj bouqlaeuj, gai ok gyaq beij cawx haeuj gyaq sang di, couh canh aeu ca’gyaq, demgya souhaeuj. Aenvih Loz Cuimeij gangj saenqyungh, haujlai boux ndaembyaek ndaw bya haenx cungj saenq de, baez bungz mwh byaek mbouj ndei gai, cungj nyienh dawz byaek gyau hawj de.

Mizseiz hong reihnaz nyaengq, gyoengqde vihliux ganj seizgan, cigsoh dawz rap daeuj gij byaek singjsien haenx cienjfwngz hawj Loz Cuimeij. Yienghneix guh le, Loz Cuimeij gyahaeuj ndaw doih buenq byaek, baenz le dahsau gai byaek ok caeux dauq laep ndeu.

Aen gihvei siengj mbouj daengz ndeu, Loz Cuimeij daeuj daengz Cezgyangh dajgoeng.

De miz boux cejdangz ndeu, youq Cezgyangh Swngj Swzhih Si hai le aen cangj hajgim ndeu, aenvih hong haemq nyaengq, couh heuh de gvaqdaeuj bang guenjleix.

Gvaq bi ndeu le, cejdangz de youh gaisau de bae aen denswj cangj ndeu guh hong. Aen denswj cangj neix yienzlaiz ngamq miz haj boux vunz, cienmonz swnghcanj benjsienqloh. Ginggvaq geij bi roengzrengz, yenzgungh sawqmwh demlai daengz bak lai vunz, dinghdan doh daengx guek gak dieg, lauxbanj cawx ndaej ci ndei, hwnq baenz le ranzbezsu.（1）

一

她是一个普普通通的人，却干出了一番让人刮目相看的事业。她不仅自己创业成功了，还带动了当地的贫困群众走上了脱贫致富之路。她被评为河池市十大杰出青年、广西道德模范，获得广西脱贫攻坚先进个人奉献奖，并入选“中国好人榜”。

她就是罗翠美，土生土长的仫佬妹。

她的公司是仫佬山乡最早成立的一家电商公司，位于桂西北罗城仫佬族自治县城区西面的异地扶贫搬迁安置点——仫佬家园。

我来到她的公司采访了她。中等身材，眉清目秀，脸庞透露着几分精明与干练，风风火火的性格似乎与文文静静的外表沾不上边。

地处桂西北的罗城仫佬族自治县是全国唯一的仫佬族自治县，全国的仫佬族主要聚居于此。离罗城县城约一公里处，有一个仫佬族村寨叫大罗村。四十年前，罗翠美就出生在大罗村的一个农户家里。

大罗村，地理位置优越，村屯临近县城区；交通条件便利，罗（罗城）柳（柳城）二级公路穿屯而过。村后还有一条小河，河水清澈见底，为养殖清水鸭和种植蔬菜提供了得天独厚的自然环境。由于优越的地理位置、便利的交通条件以及独特的自然环境，大罗村成了县城区农副产品供应的“后花园”。

“穷人的孩子早当家”，儿时的罗翠美家境贫寒，很早就学会了为父母分担家务，小时候就帮助家里把种植的蔬菜挑到集市上去卖，不管寒冬腊月还是炎炎夏日，她一直看守着自家的菜摊。

寒冬腊月看守菜摊，在罗翠美的记忆里留下了尤为深刻的印象。一个寒冷的冬日，她一个人守着自家的菜摊。地处九万大山南麓风口地段的仫佬山乡，冬天风特别大，呼啸的寒风裹挟着细碎的雪粒，扑打在人们的脸上，又冷又辣。

衣着单薄的她被寒风吹得面红耳赤，连打冷战。尽管心里焦急，但还是没能把菜卖出去。

有了这一次寒风中卖菜的经历，她便常常想：家乡地处边远的山区，人口较少，消费能力有限，如果有一种能够飞越大山的销售渠道，把家乡新鲜的蔬菜销售出去，不用在寒风中苦苦等待那该多好呀！

日有所思，夜有所梦。这天晚上，罗翠美做了一个奇特的梦。菜市上，菜农们各自守着自家的菜摊。因为没能把菜卖出去，大家都伤心地哭了起来。哭声越来越大，飘到了天上。顷刻间，一位白发苍苍手持神鞭的老人从天而降。老人问大家，你们为什么哭得那么伤心？菜农们说，因为我们的菜卖不出去。老人微微一笑说，这好办。只见老人神鞭一甩，那菜摊上所有的菜便乘风飞越大山飘到山外的大市场，山外的人们争相购买，不一会，菜便卖完了。那老人又甩了一下神鞭，那卖菜所得的钱，又一张张飞到老人的手中。老人把钱一一分给大家之后，便又飞到了天上。

那神鞭多厉害呀！她在梦中醒来，喃喃自语。

这是罗翠美儿时的一个梦，虽然那时她还不知道有电商这个渠道，但这个梦想已深深地烙印在她的脑海中。

二

罗翠美自小就是一个善于思考总结的人。寒风中卖菜的经历，让她悟出了一个经商的门道：冷买热卖。

冷天雨天，菜不好卖，难挑回去，许多山里来的菜农都会低价卖出，好轻松回家。此时集中买进来，然后高出进价上门推销给酒店，就会赚取差价，增加收入。由于罗翠美讲信用，许多山里的菜农都信任她，每逢菜不好卖的时候，都愿意把菜兑给她。有时农活紧张，山里的菜农为了赶时间，直接把挑来的新鲜蔬菜转手给她。这样一来，罗翠美加入了贩卖蔬菜的行列，成了一名早出晚归的卖菜妹。

一个偶然的机会，罗翠美来到了浙江打工。

她有一个堂姐，在浙江省慈溪市开了一家五金厂，由于业务较忙，便叫她过来帮助管理。

一年之后，堂姐又介绍她到一家电子厂工作。这家电子厂原来只有五个人，专门生产线路板。经过几年的努力，员工猛增到一百多人，订单遍布全国各地，老板买上了豪车，建起了别墅。