58. Cam:

Duzvaiz diuq gvaq mieng,

Gaem rieng beng doxdauq.

Gyaeuj ngaem roengz dah laux,

Rieng raemx bauqboengboeng?

Hoiz:

Aeu gonh bae gonh naz,

Fwngz cix ca gaem ganj.

Ciloengzgoet roengz dwngj,

Gvat raemx hwnjboengboeng.

59. Cam:

Nyaenx youh cam lingzleih,

Byaleix geuj roengz vaengz?

Maz raeng haeux yaengyaeng,

Bya ndaw saeng con ok?

Hoiz:

Muh haeux doekyeihyeih,

Byaleix geuj roengz vaengz.

Vunz raeng haeux yaengyaeng,

Bya ndaw saeng con ok.

60. Cam:

Bak baengz youq gyang mbwn,

Miz mbiengj hoengz mbiengj henj?

Gwnz de cienz bu benj,

Fouj bag nyengh mbouj hai?

Hoiz:

Gyanghaet fwj baihdoeng,

Miz mbiengj hoengz mbiengj henj.

Raemxdah bingz baenz benj,

Fouj bag nyengh mbouj hai.

61. Cam:

Nyaenx youh cam youxndei,

Gijmaz geiz gyang mbanj?

Caiq cam mwngz doengzbangh,

Gijmaz nangx gyang mbwn?

Hoiz:

Mbawgyoij hung youh ndei,

Guh mbaw geiz gyang mbanj.

Rangzndoek hwnj soemsangq,

Couhdwg nangx gyang mbwn.

（8）