1 nyied 12 hauh, Gvangjsih Bouxcuengh Swcigih Gaiq Daih Cibsieiq Yinzminz Daibyauj Daihhoih Baez Hoih Daih’it haimuq, Swcigih cujsiz Lanz Denhliz guh cwngfuj gunghcoz baugau, daj gwn daenj youq daengz couhnieb gyauyuz ywbingh daengj fuengmienh daezok bi 2023 baenz dauq guhfap, bouxbien genj hoiz ndawde gij neiyungz gvendaengz beksingq gwndaenj fukleih haenx, daeng okdaeuj hawj bouxdoeg rox.

Gyauyuz Fuengmienh

●Gyavaiq laebguh aen gyauyuz dijhi ak ndei, coicaenh gyauyuz goengbingz, doi hawj “miz hag hwnj” cienjbienq baenz “hwnj ndei hag”.

●Gyavaiq yivu gyauyuz ndeiraeuh doxdaengh fazcanj caeuq singz mbanj doengzcaez fazcanj, hoenx ndei “sueng gemj” ciengz ciengq neix.

●Genhciz hagdangz duenh gauhcungh lai yiengh fazcanj, demgvangq doxdoiq bangrex、daengxheij daezsang ndaw yienh bujdungh gauh- cungh banhhag suijbingz.

●Gaijndei aen doih lauxsae, bauj hawj lauxsae daiyi ndei.

Couhnieb Fuengmienh

●Engq yawjnaek hong bouxcoz daegbied dwg dayoz bizyezswngh couhnieb cauhnieb, ceng’aeu 2023 nienz bizyez daihhagseng 90% doxhwnj ndaej couhnieb.

●Engq lai bang vunzhong nungzminz、boux ndaej duetgungz couhnieb, hawj 1400 lai fanh vunzhong nungzminz ndaej onj couhnieb, bauj hawj vunzhong nungzminz ndaej cingqciengz lingx cienz- hong.

● Gamguenj aeu soeng youh ndei, haeuj- coengh hawj dan iq、diemq iq hoengh hwnjdaeuj.

Sebauj Fuengmienh

● Guh giyez cizgungh gihbwnj ciengxlaux baujyiemj daengx guek dungjcouz, hawj engq lai vunz camgya gihbwnj ciengxlaux baujyiemj, guh dangq boux ngaenz ciengxlaux sawqdiemj, baujndei gyoengq boux nungzminz deng cwng aeu reihnaz haenx gij gihbwnj ciengxlaux baujyiemj de.

●Gyagiengz gajceh swhgih、boux soengq gvaidi、boux soengq vaimai daengj doengh boux lingzvued couhnieb gienzik baujcang.

Ndangcangq Fuengmienh

● Hawj yihbauj yihliuz yihyoz ndaej doxcaez hwngfat caeuq ceihleix, doicaenh yw caeuq gij doxgaiq yawjbingh ywbingh aeu yungh de gyoeb- comz dajcawx gaijgwz, yihliuz fuzvu gyaqcienz diuzcwngj aeu guh ndei youq vaiq.

● Doicaenh goenglaeb yihyen ngaenzhong ciduz gaijgwz, onjdangq doicaenh aen dijhi yawh- fuengz gaemhaed baenzbingh gaijgwz.

● Gyagiengz binghraq hungnaek fuengzhaed gouqyw dijhi caeuq wngqdoiq gaenjgip naengzlig laebguh. Gyavaiq laebguh 3 aen guekgya gaep caeuq 4 aen swcigih gaep ranghdieg yihliuz cungsim, doicaenh guekgya(Gvangjsih) gunghgung veiswngh cungsim daengj hanghmoeg.

Ranzyouq Fuengmienh

●Gaijcauh hawsingz siujgih gaeuq 18.07 fanh dauq、rangh bungzhoh 2230 dauq, hwnjguh ranz co 6 fanh dauq doxhwnj.

●Coicaenh fangzdicanj hawciengz bingzonj maenhndei fazcanj, doidoengh fangzdicanj hangz- nieb bingzonj maenhndei fazcanj.

●Youq mbouj doengz hawsingz guh mbouj doengz cwngcwz haeujcoengh boux cawx ranz youq caeuq boux vuenh ranz gvangq youq, yawj dangq boux cingzgvang guh ranzyouq gunghcizginh daigvanj cwngcwz, gaijgez ndei boux haeuj singz moq caeuq bouxcoz daengj ranzyouq vwndiz, damqyawj laebguh aen hawciengz co ranz nanznanz, bauj hawj ndaej gyau laeuz.

Huqgyaq Fuengmienh

●Gyagiengz gamguenj gij doxgaiq youqgaenj swnghhoz aeu yungh haenx, gaemhaed ndei gyaq- cienz.

●Saedhengz aen souaeu cwngcwz haeuxliengz ndei gyaqcienz sang caeuq haeuxliengz ndei boujdiep sang, lai bwh nohmou, baijbouh ndei gij vangjdenj liengzyouz wngqgip gunghawj.

●Dawz sevei gouqcoengh caeuq baujcang byauhcunj caeuq doxgaiq hwnjgyaq doxnangq hwnjdaeuj, gibseiz mizyauq hoizgej doxgaiq dox- nangq hwnjgyaq doiq boux gungzhoj yingjyangj de.