49. Gwnz gaiq vax,

Laj gaiq doengz,

Baenzbi hix nanz youq ndaw boengz.

(Sae)

50. Aen mboenj haj rwz,

Mbouj cang ceh byaek cix cang ceh gwz.

(Maknim)

51. Song aen gyaeq ndaw bat,

Miz aen ndat aen liengz.

(Daengngoenz Ronghndwen)

52. Cam:

Duz lawz mbouj lau fwn,

Youh aemq aen buengz vaih?

Duz lawz baenz leixhaih,

Aeu gyaeuj raih ra gwn?

Hoiz:

Duzfw mbouj lau fwn,

Ngoenzhwnz aemq buengz vaih.

Aen sae ceiq leixhaih,

Aeu gyaeuj raih ra gwn.

53. Cam:

Duz lawz gwnzmbwn mbin,

Banngoenz mbouj raen naj?

Duz lawz ndoj laj dah,

Raek cax mbouj liz ndang?

Hoiz:

Duz rumzvaiz rox mbin,

Banngoenz mbouj raen naj.

Duz bya’ndoek ndaw dah,

Raek cax mbouj liz ndang.

54. Cam:

Duz lawz mbouj miz ga,

Bongh gvaq bya gvaq rij?

Duz lawz baenz geizheih,

Ok gyaeq cien daj cien?

Hoiz:

Duzmoed nyaeq yienz nyaeq,

Ok gyaeq deihyinzyinz.

Duzngwz mbouj miz din,

Rox bin faex gvaq dah.

（6）