12 nyied 10 hauh, Aen Hoih Yozsuz Yenzdauj Saujsu Minzcuz Yijvwnz Guengjsae 2022 Nienzdoh youq Nanzningz hai, gwnz hoih nyinhcaen hagsib gvancez cingsaenz Ngeihcib Daih Dangj raeuz, gaenj- ndaet hopheux diuz sienqmeh couq- maenh gij eiqsik caezcaemh Cunghvaz Minzcuz, yenzgiu yaenglwnh minzcuz yijvwnz, vih gih raeuz laebguh aen gih yienghndei couqmaenh gij eiqsik caezcaemh Cunghvaz Minzcuz ok geiqmaeuz.

Gwnz hoih, Gvangjsih Minzcuz Dayoz gyausou Veiz Su’gvanh、Mungz Yenzyau、Luz Yungjbinh, Gvangjsih Dayoz gyausou Cinz Fungyiz daengj guh cawjdaez gangjvah, gij neiyungz gyoengqde gangj haenx yinx dwk gyoengq boux camgya haihoih naemj- ngeix lailai, caezgya cungj hopheux de yaenglwnh, vih baenzlawz guh- ndei hong minzcuz yijvwnz seizdaih moq daezok haeujlai genyi yigen ndei.

Aen hoih giengzdiuh, minzcuz yijvwnz yenzgiu seizdaih moq aeu nyinhcaen gvancez gij cingsaenz Ngeihcib Daih Dangj raeuz, gaenj- ndaet hopheux diuz sienqmeh couq- maenh gij eiqsik caezcaemh Cunghvaz Minzcuz caeuq hong youqgaenj dangjveij cwngfuj bae guh. Aeu haeujlaeg roxnyinh gij eiqngeih hong yenzgiu minzcuz yijvwnz, doenggvaq cienjbienq sibgvenq gaeuq guhhong, gaijndei yenzgiu fuengfap caeuq guhfap, cauhmoq gihci, lai yaenglwnh doxgap, lai mbe’gvangq doengh giz yenzgiu minzcuz yijvwnz, coi hawj gohyenz cwngzgoj ndaej baenz yungh, engq ndei bae fugsaeh gih raeuz laebguh aen gih yienghndei couq- maenh gij eiqsik caezcaemh Cungh- vaz Minzcuz.

Gyoengq boux minzcuz yijvwnz conhgyah yozcej daj Gvangjsih Dayoz、Gvangjsih Minzcuz Dayoz、Nanzningz Swhfan Dayoz、Gvangjsih Minzcuz Swhfan Yozyen、Yilinz Swhfan Yozyen daengj daihhag ndaw gih daeuj caeuq Swcigih Minz- cunghveij、 Gvangjsih Saujsu Minzcuz Gujciz Baujhu Yenzgiu Cunghsinh、Gvangjsih Minzcuz Bause、Gvangjsih Sam Nyied Sam Cazcise、 Gvangjsih Minzcuz Yijvwnz Yenzgiu Cunghsinh daibyauj gungh 70 lai vunz camgya haihoih.

(Liengz Gvangjsenz/梁广旋)