Cunghgung Cunghyangh cungj- suhgi、Gozgyah cujsiz、Cunghyangh Ginhveij cujsiz Siz Ginbingz geij ngoenz gonq doiq hong henhoh feihvuzciz vwnzva yizcanj guh’ok cijsi youqgaenj giengzdiuh, “Dinfwngz Guhcaz Cienzdoengj Cungguek Caeuq Gij Sibgvenq Doxgven De” ndaej lied haeuj aen Mingzloeg Daibyaujcoz Lenzhozgoz Gyaugohvwnz Cujciz Vunzloih Feihvuzciz Vwnzva Yizcanj, doiq hwngfat vwnzva caz Cungguek gig miz eiqngeih. Aeu netsaed guhndei hong daengxbuenz henhoh feihvuzciz vwnzva yizcanj, engq ndei muenxcuk yinzminz ngah’aeu cingsaenz vwnzva ngoenzngoenz demlai de, doicaenh vwnzva gagsaenq gag’ak. Aeu doi- doengh Cunghvaz cienzdoengj vwnzva maenhndei rox gag cauhmoq cienjvaq、cauhmoq hwngfat, mboujduenh dem- giengz rengz gietcomz Cunghvaz Minzcuz caeuq rengz yingjyangj Cunghvaz vwnzva, hawj vwnzmingz gyaulouz doxhag yied guh yied lai, gangj ndei gij gojgaeq cienzdoengj vwnzva maenhndei Cunghvaz, coihawj Cunghvaz vwnzva engq ndei byaij coh seiqgyaiq.

11 nyied 29 hauh, gaiq “Dinfwngz Guhcaz Cienzdoengj Cungguek Caeuq Gij Sibgvenq Doxgven De” guek raeuz bauq hwnj bae haenx, youq gwnz Ciengzhoih Gaiq Daih 17 Lenzhozgoz Gyau- gohvwnz Cujciz Baujhoh Feihvuzciz Vwnzva Yizcanj Gyang Cwngfuj Veijyenzvei youq Mozlozgoh Lah- bahdwz ciuhai haenx doenggvaq le bingzsaemj, lied haeuj aen Mingzloeg Daibyaujcoz Lenzhozgoz Gyaugoh- vwnz Cujciz Vunzloih Feihvuzciz Vwnzva Yizcanj. Dangqnaj, guek raeuz gungh miz 43 aen hanghmoeg liedhaeuj mingzloeg、mingzcek Lenz- hozgoz Gyaugohvwnz Cujciz Vunzloih Feihvuzciz Vwnzva Yizcanj, youq seiqgyaiq baiz vih daih’it.

(Sinhvazse Baekging 12 nyied 12 hauh dienh)