11 nyied 28 hauh, Ginhsiu Yauzcuz Swciyen hai daihhoih angqhoh yienh de laebbaenz 70 hopbi. Hozdung langhbaij gij cingzcik yienh de caetcib bi daeuj haenx, vunzlai lij biujyienj vwnzyi cezmuz daengj, yienh ok Ginhsiu youq seizdaih moq hwngfat youh ndei youh vaiq, raiz ok bien moq.

11 nyied 30 hauh, Yungzsuij Myauzcuz Swciyen guh buek hozdung angqhoh swciyen laebbaenz 70 hopbi. Yungzsuij gonqlaeng hai le aen daihhoih bae angqhoh, yienhciengz lij miz lai yiengh cezmuz, cienzmienh baij ok caetcib bi neix, ginghci Yungzsuij hwngfat miz makbaenz lai, aen biengz bienqvaq hungloet.

(Gvangjsih Yizbau gijcej Lij Yenz/李贤 Luz Binhbinh/卢彬彬 Cangh Gvannenz/张冠年)