Sinhvazse Baekging 11 nyied 30 hauh dienh:Cunghgoz Gungcanjdangj Cunghyangh Veij- yenzvei、Cunghvaz Yinzminz Gunghozgoz Daengx Guek Yinzminz Daibyauj Davei Cangzvu Veijyenzvei、Cunghvaz Yinzminz Gunghozgoz Gozvuyen、Cunghgoz Yinzminz Cwngci Hezsangh Veiyi Daengx Guek Veij- yenzvei、Cunghgoz Gungcanjdangj Caeuq Cunghvaz Yinzminz Gunghozgoz Cunghyangh Ginhsw Veijyenvei, cibfaen simdot naeuz hawj daengx Dangj daengx ginh daengx guek gak cuz yinzminz: Gyangh Cwzminz dungzci dou gingqgyaez neix baenz bwzhezbing caiqlij ndaw ndang lai aen doxgaiq nyieg liux, ciengjgouq mbouj ndaej, youq 2022 nienz 11 nyied 30 hauh 12 diemj 13 faen youq Sanghaij gvaqseiq, daengxciuh 96 bi.

Gyangh Cwzminz dungzci dwg bouxdaeuz maenhndei gig miz vimuengh Dangj raeuz ginh raeuz guek raeuz gak cuz yinzminz goengnyinh, dwg boux Majgwzswh Cujyi hungmbwk, dwg boux vuzcanj gaihgiz gwzminggyah、cwngci- gyah、ginhsw’gyah、vaigyauhgyah, dwg boux gungcanj cujyi cansw ginggvaq gig lai gig nanz gaujniemh, bouxdaeuz ak saehnieb hungmbwk Cungguek daegsaek sevei cujyi, dwg gij haedsim daih daihsam cunghyangh lingjdauj cizdij Dangj raeuz, bouxdaeuz cauhlaeb “sam aen daibyauj” cungyau swhsiengj.

(bonj bauq genj hoiz)

Geij ngoenz neix gvaqdaeuj, daengx guek gak dieg ganbu ginzcung cungmuenx ndiepniemh caeuq gingqgyaez, doenggvaq gak cungj fuengsik soudingq souyawj saw naeuz hawj daengx Dangj daengx ginh daengx guek gak cuz yinzminz, simdot diuqniemh Gyangh Cwzminz dungzci, gag aeu gak cungj fuengsik ngeixniemh de.

Ciepswnj ceiqnyienh、hai roen baenaj. Caezgya cungj naeuz, aeu youq aen Dangjcunghyangh aeu Siz Ginbingz dungzci guh cehsim haenx giengiengz lingjdauj baihlaj, dawz indot bienqbaenz ligliengh, dangq boux youq dangq aen gangjvei engqgya haenqrengz guhhong, doxgiet haenqguh mbouj soengset, dawz aen lamzdoz Cunghvaz Minzcuz fukhwng hungmbwk baez yamq baez yamq guh baenz caen.

Caeuq Seiz Yamq Bae Hailoh Cauhmoq

“Uk gou geij faen cungj cij hoiz ndaej dauq, ndawsim cibfaen nanzgvaq.” Rox Gyangh Cwzminz dungzci gvaqseiq le, Denhcinhgangj Cizcanghsiengh Majdouz Youjhan Gunghswh Cauhcozbu An- gyauzdui Dangjcihbu suhgi giem duicangj Vangz Yigwz gig siengsim.

Vangz Yigwz dauqngeix, bihaenx, Gyangh Cwzminz dungzci daeuj Denhcinhgangj gaujcaz seiz, swhgeij lijdwg gwnz sok boux cizgaj swhgih bingzciengz ndeu. 30 lai bi gvaqbae lo, Denh- cinhgangj gaenq bienqvaq hungloet, baenz bakdou haij Baekging Denhcinh Hozbwz, caeuq daengx biengz 180 lai aen guekgya caeuq digih 500 lai aen gangjgouj lienhdaemh guh gaijcawx mbouj duenh.

Cungguek raeuz, aen dijci hawciengz ginghci sevei cujyi mboujduenh guh caezcienz.

Youq Liuzningz Anhgangh Gyangh Cwzminz dungzci gaujcaz gvaq de, giyez lai bi daeuj maenhdwd byaij diuzloh hwngfat “gaijgwz+haw- ciengz”, maenhdwd doidoengh giyez laux cienj- hingz swnggaep, haicauh lienh gang seizdaih moq.

Gyoengq ganbu cizgungh Guekgya Fazcanj Caeuq Gaijgwz Veijyenzvei、 Gohyoz Gisuz Bu、Gunghyez Caeuq Sinsizva Bu naeuz, youq mwh rog guek ndaw guek hingzsi cibfaen fukcab, Gyangh Cwzminz dungzci daiqlingz cunghyangh lingjdauj cizdij Dangj raeuz, yaengx hwnj mbaw geiz hung Majgwzswh Lezningz Cujyi、Mauz Cwzdungh Swhsiengj、Dwng Siujbingz Lijlun, genhciz diuz goekbonj lohsienq Dangj mbouj doenghngauz, doxgiet daengx Dangj daengx guek gak cuz yinzminz, gaemdawz seizheiq ndei、 haeujlaeg guh gaijgwz、mbe’gvangq haihlangh、 coicaenh hwngfat、baujciz onjdingh, baenzgoeng dawz Cungguek daegsaek sevei cujyi doi coh ngeihcib it sigij.

Youq Sanjsih Yenzanh dieg ak guh gwzming, dangdieg ganbu ginzcung foenfoen cienjfat aen siusik siengsim neix, naeuz cibfaen ndiepniemh Gyangh Cwzminz dungzci.

Gyoengq banbu ginzcung Vaigyauhbu、Guek- gya Minzcuz Swvu Veijyenzvei naeuz, aeu hagsib gij gwzmingz cingsaenz caeuq yienghndei gwzmingz Gyangh Cwzminz dungzci, hagsib cungj gohyoz daidu caeuq cauhguh cingsaenz yungh Majgwzswh Cujyi laebciengz、gvanhdenj、fuengfap bae yenzgiu cinggvang moq、gaijgez vwndiz moq.

Aeueiq Ginzcung Gvensim Ginzcung

Youq ndaw sinhvwnz roxyiuj Gyangh Cwzminz dungzci gvaqseiq, Sanhsih Swngj Dadungz Si Yinzcouh Gih Baujcunh caem doix liux. Suhgi laux Liuz Gimingz 80 bi haenx caeuq mehyah de dawz mbaw siengq Gyangh Cwzminz dungzci daeuj ndaw mbanj gaujcaz seiz ingj haenx raemxda doek- byoegbyoeg.

Dwen daengz 1990 nienz 1 nyied Gyangh Cwz- minz dungzci youq Dadungz-Yangzgauh deihdoengh gvaq le daengz ndaw mbanj gaujcaz, Liuz Gimingz lij geiq ndaej gig cingcuj. “De daeuj daengz ndaw mbanj, cam gwn cam daenj, nai heuh dou hwnqguh ranzmbanj moq.” Liuz Gimingz naeuz, mboengq bi neix daeuj hwnqguh ranzmbanj moq, ndaw mbanj yied daeuj yied hwngfat, dou aeu gwndaenj ndei daeuj bauq hawj Gyangh Cwzminz dungzci.

Gyoengq ganbu ginzcung Yinzliz Swhyenz Caeuq Sevei Baujcangbu、Gyauhdungh Yinsuhbu、Guekgya Veiswngh Gengangh Veijyenzvei、Duiyiz Ginhyinz Swvubu naeuz, hagsib binjgwz ndei caeuq yienghndei Gyangh Cwzminz dungzci, itdingh aeu gaemmaenh aen gaenbonj moegdik it sim it eiq fugsaeh yinzminz, laebmaenh aen gvanhdenj gvendaengz ginzcung, gvancez diuz lohsienq ginz- cung, gingqcungh gij cingsaenz cauhnduj yinzminz, seizseiz baujciz caeuq yinzminz ginzcung lwednoh doxnem.

Youq ranghdieg minzcuz, gak cuz ginzcung siengsim diuqniemh Gyangh Cwzminz dungzci.

Youq Gvangjsih Baksaek Si Denzyangz Gih Nazmboq Cin Yungjcangz Cunh Gyangh Cwzminz dungzci daeuj gaujcaz gvaq song baez neix, gyoengq vunzmbanj gag daeuj daengz dangqnaj gaiq rin gaek gij vah daengqnai Gyangh Cwzminz dungzci haenx ngeixniemh de. Gyoengq vunzmbanj naeuz, gij vahdaengq Gyangh Cwzminz dungzci, seizseiz coi gyoengq vunzmbanj haenqrengz buekguh、duetgungz baenzfouq, buet bae coh swnghhoz engq gyaeundei.

Bouxdaeuz Biek Seiq

Yienghndei Ciengz Youq

Ganhsuz Swngj Canghye Si Ganhcouh Gih Cwnghez fucujsiz Liuz Hungzyen roxyiuj Gyangh Cwzminz dungzci gvaqseiq le, simdot haujlai nanz cij hoiz ndaej dauq.

“Gyangh Cwzminz dungzci gig caenciet, couh lumj bohmeh bouxlaux ndaw ranz cam dou gwndaenj、guhhong baenzlawz yiengh.” 1992 nienz 8 nyied, Gyangh Cwzminz dungzci daengz Ganhsuz gaujcaz mwhhaenx, Liuz Hungzyen dwg vunzhong vwnzvuz baujhoh danhvei, ndaej caeuq Gyangh Cwzminz dungzci doiqnaj gangjgoj. Liuz Hungzyen naeuz, Gyangh Cwzminz dungzci haenqrengz doidoengh baihsae daihhaifat canloz, hawj dangdieg ginzcung miz maqmuengh ndaej hwngfat. Seizneix dou ndaej gvaq saedceij ndei lo, cijmiz laebdaeb haenqguh, dawz saedseij guh baenz ngoenz beij ngoenz ndei, cij ndei daengqnai de.

Gyoengq banbu cizgungh Suijlibu、Nungzyez Nungzcunh Bu、Yinggiz Gvanjlij Bu、Sinjgisuj naeuz, aeu baujciz cungj cingsaenz gagsaenq gag’ak、 souj goek cauhmoq, haenqheiq buekguh、daihdamj baenaj,vih gensez guek raeuz baenz aen guekak sevei cujyi yendaiva fouqgiengz minzcuj vwnzmingz doxhuz gyaeundei cix buekguh, aeu hengzdoengh caen daeuj biujdab diuqniemh.

Aen saehnieb Cunghvaz Minzcuz fukhwng hungmbwk, gietcomz le gij simlwed caeuq buekguh daih youh daih vunz Gungcanjdangj bauhamz Gyangh Cwzminz dungzci youq ndaw haenx. Gyoengq ganbu ginzcung naeuz, gwnz loh baenaj, aeu engqgya gaenjmaed doxgiet youq seiqhenz aen Dangjcunghyangh aeu Siz Ginbingz dungzci guh cehsim haenx, nyinhcaen hagsib gvancez gij lijlun giekbonj、lohsienq giekbonj、fanghloz giekbonj Dangj raeuz，itdingh aeu gaemmaenh aen lijlun giekbonj、diuz lohsienq giekbonj、aen fanghloz giekbonj Dangj raeuz, laegdaeuq roxyiuj gij eiqsei cinjdingh “song aen doekdingh”, gyarengz guh daengz “seiq rox”, dawzdingh “seiq aen gagsaenq”, guhdaengz “song aen henhoh”, vih cienzmienh hwnqguh aen guekgya sevei cujyi yendaiva, saedyienh Cunghvaz Minzcuz fukhwng hungmbwk ok rengz.

(genj hoiz Sinhvazse Baekging 12 nyied 2 hauh dienh)