深入学习贯彻党的二十大精神 做好新词术语规范化标准化工作

中国民族语文翻译局召开2022年度壮语文新词术语翻译专家审定会

30余位专家共审定400多个新词术语

Bonjbauq siusik（gicej Dangz Lungz/唐 龙） 11 nyied 26 hauh daengz 27 hauh, aen hoih youz Cunghgoz Minzcuz Yijvwnz Fanhyizgiz banh de youq gwnzvangj caeuq gyangciengz doxgap ciuhai. 30 lai boux canghfanhoiz Baekging caeuq Guengjsae camgya baez hoih neix, gyonjcomz saemjdingh 400 lai aen swz moq bi lai doxdaeuj gak fuengmienh mizok, doengzcaez doxyaeng coglaeng baenzlawz guh hongsaeh saemjdingh swz moq Sawcuengh cix lai ndei.

Youq 11 nyied 26 hauh gwnz yizsiz haimuq, Gvangjsih Bouxcuengh Swcigih Minzcuz Cunghgyau Swvu Veijyenzvei fucujyin Yangz Gijbyauh gangjvah angqhoh, Cunghgoz Minzcuz Yijvwnz Fanhyizgiz fugizcangj Bauh- vuh’wjgyangh gangjvah. Bauhvuh- wjgyangh daegbied gangj daengz, hong saemjdingh caeuq gveihfan swz moq, dwg yiengh hong gvendaengz cwngci、cwngcwz lailai, gvendaengz vunzlai hag ndaej cinj yungh ndaej deng vah saw minzcuz, gvendaengz cungqvunz saujsu minzcuz hag ndaej doiq caeuq dawz ndaej cinj gij lohsienq fuengcim cwngcwz Dangj raeuz, dwg dieg minzcuz hwngfat cwngci、ginghci、sevei、vwnzva、gyauyuz seizneix aeuyungh. Yaek haeujlaeg hagsib gvancez gij cingsaenz Ngeihcib Daih Dangj raeuz caeuq gij cingsaenz Aen Hoih Hong Minzcuz Cunghyangh, dawzcinj caeuq cienzmienh gvancez gij swhsiengj youqgaenj Siz Ginbingz cungjsuhgi vix raeuz gyaak caeuq gaijndei hong minzcuz, giendingh aen laebciengz cwngci、dawzcinj aen fuengyiengq cwngci, gaenjndaet hop- heux diuz cawjsienq couqmaenh gij eiqsik Cunghvaz Minzcuz ranz vunz ndeu bae guh ndei hong hawj swz moq hab gveihfan haeuj biucinj, baengh raeuz guhbaenz hongsaeh engqgya netsaed bae doinyoengx gak minzcuz laebhwnj lizsijgvanh、minz- cuzgvanh、gozgyahgvanh、vwnzva- gvanh cingqdeng, laemxsim lailai nyinhdoengz guekcoj hungmbwk、Cunghvaz Minzcuz、Cunghgoz Gung- canjdangj、yiengh sevei cujyi miz gij daegsaek Cungguek, mbouj duenh hwnqguh aen Cunghvaz Minzcuz ranz vunz ndeu.