11 nyied 22 hauh daengz 24 hauh, Nanzningz Si Minzcunghveij guh aen hozdung cauhlaeb minzcuz doxgiet baenaj “doxyawj doxcaz doxhag”. Gyoengqvunz gonqlaeng bae daengz Bwzswz Si Aen Vwnzva Gunghyenz Vajsi Fuhyinz、Aen Gvanj Geiqniemh Bwzswz Gijyi、Mbanjbwzniz caeuq Nanzningz Si Gingloz Siujyoz daengj doengh aen diemj guhyiengh minzcuz doxgiet baenaj. Neix dwg aeu byaij ok rog bae “doxhag”、 youq ndawsi “doxyawj doxcaz” bae doidoengh hong cauhlaeb. Baezlaeng, Nanzningz yaek caenhrengz guh “gouj haeuj”cauhlaeb minzcuz doxgiet baenaj, gvancez guhsaed cingsaenz Ngeihcib Daih Dangj raeuz, haenqrengz youq seizdaih moq hai ok buenz moq guh hong minzcuz daengx si.

（Veiz Sezyenz/韦雪妍）