Sai:

Guh sevei cujyi,

Cidu caezcienz ndei,

Dangj sanh cungh cienz vei,

Gaenq meiz(miz) cungj muzbyauh.

Mbwk:

Seiqcib bi lai daeuj,

Raeuz gaijgwz hailangh,

Daiq roen hix dwg dangj,

Bang raeuz dwg cwngfuj.

Sai:

Guh reihnaz gaijgwz,

Cwngcwz ndaej lozsiz,

Cizdij sojyoujci,

Di neix aeu ciuqhengz.

Mbwk:

Aeu fazcanj ginghcei（ginghci）,

Hix aeueiq swyenz,

Gij vanzbauj gvanhnen,

Caezgya niemh ndawsim.

Sai:

Nyienh raemx loeg bya heu,

Mbouj nyienh gimdiuz lai,

Bya heu couhdwg caiz,

Ndei lai gvaq miz ngaenz.

Mbwk:

Hengz hailangh cwngcwz,

Guh gaijgwz doiq seiz,

Raeuz hix guh ndaej ndei,

Miz leih raeuz doxbaen.

Sai:

Guh it rangh it loh,

Byaij diuz loh fouzmiz,

Mboujdan guh ginghci,

Lij aeu lai doxgangj.

Mbwk:

Raeuz fwen gaijgwz gvaq,

Fwen gozgyah guenjleix,

Naemj hawj guekgya ndei,

Ei fap guenjleix gonq.

Sai:

Ei fap daeuj ceih goz,

Bouxboux doq naeuz ndei,

Miz saeh fap cawqleix,

Seizseiz guh doeng deng.

Mbwk:

Boux lingjdauj ganbu,

Aeu eisouj fazliz,

Mboujguenj hung rox iq,

Souj fazliz cij ndaej.

Sai:

Aeu caezcienz gveihva,

Laeb faz gaem cungdenj,

Yaek dingq vunz yigen,

Gaem cungdenj bae hengz.

Mbwk:

Rox faz gam mbouj laeuh,

Nduknaeuh aeu cawqceq,

Gak boux aeu roxndeq,

Cawqceq biengz cingq maenh.

Sai:

Boux rox faz famh faz,

Guh anq gyaj anq loek,

Cienzhouh aeu dauq boek,

Daj gizgoek gaemdawz.

Mbwk:

Gij swhfaz anqgienh,

Aeu yienh ok goengcingq,

Hawj gyoengq raeuz beksingq,

Ndawsim ndaej andingh.

Sai:

Eifap bae banhsaeh,

Baenzneix ndaej goengbingz,

Bouxlawz guh lingqgingq,

Itdingh aeu cawqceq.

  Mbwk:

Raeuz fwen liux fazci,

Cij fwen daengz ceih dangj,

Dangj aeu ndongj lumj gang,

Seuqcingh dwg dangjfungh.

Sai:

Yiemzgek bae ceih dangj,

Mbouj dwg gangj laeng bak,

Bouxlawz guh saeh yak,

Aeu rag de roengzmax.

Mbwk:

Mbangj dangjyenz ganbu,

Guh gwncienz fujbai,

Gag liz gyoengq vunzlai,

Wnggai aeu faz ceih.

Sai:

Gaem dangjfungh gensez,

Roxndeq aeu lenzcwng,

Fujbai guh lingqgingq,

Itdingh mbouj yungzcingz.

Mbwk:

Gaijgwz caeuq siujgangh,

Ceih dangj caeuq ceih goz,

Byaij haeuj seizdaih moq,

Lohloh aeu byaij ndaej.

Sai:

Seiq aen cienzmienh neix,

Cingq dwg ndei mbouj gvaq,

Gensez raeuz guekgya,

Maenh gvaq cienz seiqgyaiq.

Mbwk:

Dangj laeb bak lai bei(bi),

Raeuz caiq ngeix doxdauq,

Fanzdwg dangj lingjdauj,

Gauj yienghyiengh doeng baenz.

Sai:

Gungcanjdangj lingjdauj,

Gauj yienghyiengh cungj doeng,

Gungjcanjdangj daiqroen,

Fueng’yiengq loeng noix byaij.

Hab:

Caeuq mwngz fwen ngoenzneix,

Roxnyinh ndei lailai,

Dangj hai Ngeihcib Daih,

Raeuz caiq fwen haenh dangj.

（2 sat）