Dangj Raeuz Sawjmingh Caeuq Yinvu

党的使命和任务

Cungjdij canloz song yamq hwnj,

Rumzrumz fwnfwn cibhaj cieng(bi);

Gij yendaiva Cungguekyiengh(Cunghgozsi),

Nditrongh lumj giengq(gingq) ciuq baihnaj.

Hwnjyamq hai buenz dwg gvanhgen,

Aen sizcenj neix yungh haj bi;

Cidu gveihfan byaij cwngzsi,

Dingh ndi(ndei) muzbyauh caeuq yinvu.

Giva saedhengz cibhaj bi,

Cij lw seiq cien roek bak ngoenz;

Doengzsim roengzrengz bae yunghgoeng,

Raeuz dingh miz ngoenz baenz dahraix.

Bouxminz leih’ik dwg gaenbonj,

Minzcuj guenjleix sim hai va;

Bouxminz ginzcung doengz camgya,

Doengz yiengj doengz ca(guh) doengzcaez youq.

Gensez muzbyauh dingh ndaej cinj,

Dangj caeuq bouxminz sim doxdoengz;

Caenhguenj yinvu naek baenz boengj(doi)

Vunzlai sim hoengh dingh guhbaenz.

Mbwn caengz doek fwn sien bwh ndei,

Youq onj siengj veiz(yiemj) dem ligliengh;

Rumz hung langh hung daeuj gaujniemh,

Gyoengqraeuz ciuqyiengh hwnj mbaek sang.

Ceiqheiq goetheiq gya daejheiq,

Cungguek seiqseiq mbouj fug saw;

Mingz rox gannanz youq gizlawz,

Nyengh mbouj fug saw bae vuet oen.

Mbouj saenq duzfangz mbouj saenq gvaiq,

Cungguek daihdaih vunz mbei hung;

Ngoenzngoenz yunghgoeng cij vuenyungz,

Fukhwng duzlungz youq naj bongh.

Ndaguh Hwngfat Gwzgiz Moq

构建发展新格局

Sevei cujyi gunghyoujci,

Hawciengz ginghci youq baihnaj;

Diuz canjnieblienh roengzrengz ca,

Gyarengz daezsang swnghcanjlwd.

Haenqrengz gaijfang swnghcanjliz,

Cuzgouj neisih lai demgya;

Doicaenh sinhhingz gunghyezva,

Ndaguh hwngfat gwzgiz moq.

Cienzmienh genhciz fazcanjgvanh,

Gaijgwz fanghyang(fuengyiengq) yaek dawz maenh;

Mbe’gvangq riuzdoeng diuzloh haenq,

Coicaenh ginghci daih cunzvanz.

Lajmbanj hwngvuengh yaek doicaenh,

Yinvu naekcaem youq lajmbanj;

Singz mbanj yungzhab daeuj fazcanj,

Nungzyez lajmbanj vat ok rengz.

Caepmaenh hwngfat gunghyoujci,

Cihciz feihgungh canjnieb hung;

Swhyenz boiqcaep daeuj diuzgung,

Saeddaej ginghci gungh hai rengz.

Sinhhingz gunghyez hawj guek hoengh,

Hangzdenh gyaudoeng caeuq vangjloz;

Cenhdonh gisuz Cungguek rox,

Youq gwnz denhhoz(dahmbwn) yungh veisingh.

Soujmaenh reihnaz cibbet ik,

Sienqhoengz cik veh gaej luenh dwngz(guh);

Vanjhaeux maenhmaenh gaem youq fwngz,

Haeuxgwn ancienz ceiq youqgaenj.

“It rangh it loh”hwnjfofo,

Caensim hozcoz bauqrengh riengj;

Gauhcanj gauhyau gauhcizlieng,

Mouyiz giengz guek yaek gyavaiq.

Gohgyau Hwng Guek Daih Canloz

科教兴国大战略

Aen lingjyiz moq raeuz haicaux,

Gohgyau hwng guek daih canloz;

Gohgyau yinzcaiz cungj ciuqgoq,

Doxbouj doxbang cij baenz saeh.

Gyauyuz gohgi caeuq yinzcaiz,

Gvendaengz vunzlai ngoenz moqnaj;

Sevei cujyi yendaiva,

Gohgi guh ga byaij ndaej gyae.

Gohgi couh dwg swnghcanjliz,

Baiz youq diyiz(daih’it) dwg yinzcaiz;

Youq lingjyiz moq yaek buet vaiq,

Baengh miz yinzcaiz cij guh baenz.

Gyauyuz giengz guek guek hoengh’oq,

Gohgi giengz guek guh cij bae;

Yinzcaiz giengz guek baengh lauxsae,

Bak bi daihgeiq baengh vunz moq.

Banh ndei gyauyuz minz hab sim,

Gyauyuz fuengcim yaek haenqguh;

Laebdaek ganqvunz dwg yinvu,

Dwz ci dij meij giengz suciz.

Gyauyuz goengbingz ceiq ndei lai,

Bouxak yinzcaiz haeuj mbanjbya;

Son vunz son saw ndei dangqmaz,

Sim hoengz lumj va dawz rap naek.

Gohgyau hwng guek aen dieg moq,

Giengz guek canloz daeuj saedhengz;

Gyauyuz gihvei cungj bingzdaengj,

Seiq yiengh aeueiq yaek genhciz.

Ndawbya miz boux Cangh Gveimeiz,

Cin daeuj doeng bae gig dwgrengz;

Ciuhvunz caemrwg guh fungyen,

Gamjdoengh vunz cien caeuq vunz fanh. （2）