11 nyied 11 hauh, bonj bauq gicej youq gwnz hoihfatbouh sinhvwnz Gvangjsih doidoengh singz mbanj gyaudoeng daehyinh dungjcouz hwng- fat roxdaengz, gaenh bi daeuj, daegbied dwg Cibbet Daih Dangj doxdaeuj, Gvangjsih gaemdawz seiz- gei, haenqrengz buekguh, caenhrengz doidoengh singz mbanj gyaudoeng daehyinh doengzcaez guh saedyienh bonghyat hwngfat, dieg minzcuz vunz noix comzyouq caeuq diegbien singz mbanj gyaudoeng daehyinh laebguh ndaej dwkbyoengq yienghgaeuq bae.

Daengz bi’gvaq nienz daej, daengx gih dietloh yingzyez roenraez dabdaengz 5216 goengleix; goengloh doengci roenraez cungjsoq dabdaengz 16.06 fanh goengleix, ndawde goeng- loh lajmbanj 13.36 fanh goengleix; daengx gih ndaw dah doeng ruz roenraez cungjsoq dabdaengz 5873 goengleix; daengx gih miz daehyinh gihcangz 8 aen. Bineix nienz daej gaxgonq, Nanz Cungz Gauhdez、Nanz- ningz Gozci Gunghgangj Cunghab Gyaudoeng Suhniuj(GTC) yaek guh- baenz ndaej byaij; Sin Vuz、Denz Sih、Nanz Denh Gauhsuz Goengloh guh- baenz doengci, Gvangjsih yaek yienh yienh doeng roengauhsuz liux.

Seizneix, hwnjguh Gvei Nanz、Fangz Dungh、Nanz Yi、Cungz Bingz、Yi Ginz、Liuj Vuz daengj 6 diuz dietloh cingq guh dwk hoenghfwd, Nanz Bingz Dietloh donh Nanz Cungz couh yaek ndaej doengci, Gvei Nanz、Fangz Dungh Dietloh yawhgeiq bimoq ndaej haidoeng, Gvangjsih couh yaek saedyienh “si si doeng gauhdez” lo, Cungzcoj Si Fuzsuih Yen, Hozciz Si Vanzgyangh Mauznanzcuz Swciyen、 Duh’anh Yauzcuz Swciyen, Nanz- ningz Si Majsanh Yen, Fangz- cwngzgangj Si Dunghhingh Si daengj dieg lauxgeq gwzming、dieg minzcuz vunz noix comzyouq caeuq diegbien yaek yamq haeuj aen seizdaih gauhdez.

（Bonj bauq gicej Veiz Yingj- cinh Lij Daucih/本报记者 韦颖琛 李道芝）